12/6/2021
Today from Hiiraan Online:  _
Wararka Maanta- Khamiis, Oct 14, 2021
Maraykanka : Waa in si degdeg ah loo dhameystiraa doorashada Soomaaliya oo sanadkan aysan dhaafin
 

Khamiis, October, 14, 2021 (HOL) - Dowladda Maraykanka ayaa carrabka ku adkaysay in loo baahan yahay in la dhameystiro doorashooyinka Soomaaliya, isla markaana si degdeg ah loo dhameeyo khilaafka Farmaajo iyo Rooble.

Xafiiska arrimaha dibadda Maraykanka ee Afrika, ayaa sidaasi sheegay, kadib kulan ay wada qaateen wasiirka arrimaha dibadda Soomaaliya, Maxamed Cabdirisaaq Maxamuud, iyo kaaliyaha Xoghayaha Maraykanka ee Arrimaha Afrika, Mary Catherine Phee.

kaaliyaha Xoghayaha Maraykanka ee Arrimaha Afrika, ayaa carrabka ku adkeeysay in loo baahan yahay in doorashooyinka Soomaaliya la dhameystiro sannadkan, si looga baaqsado dib u dhac dambe oo yimaada.

Wasiirka arrimaha dibadda Soomaaliya, Maxamed Cabdirisaaq Maxamuud, ayaa isna sheegay kulanka uu la qaatay Mary Catherine Phee, inuu ahaa kulan wax -ku -ool ah oo looga hadlayay horumarka Soomaaliya ay gaartay iyo arrimaha doorashooyinka.

Wasiirku wuxuu sheegay Maraykanka inuu weli yahay mid ka go'an nabadda, amniga & barwaaqada Soomaaliya.


Abdiweli M. Sheikh, Hiiraan Online












Click here
10/14/2021 1:32 PM EST
Khamiis, October, 14, 2021 (HOL) - Mid kamid ah Qareenada u dooddayay badda Soomaaliya ayaa beeniyay warar warbaahintu tebinaysay oo ku saabsan, in Kenya loo xukumay dhul baddeedka qaniga ku ah shidaalka iyo Saliidda.

10/14/2021 11:54 AM EST
Khamiis, October, 14, 2021 (HOL) - Maamulka gobolka Saaxil ee Somaliland, ayaa ku dhawaaqay in ay gobolka ka saarayaan, dadka kasoo jeeda maamulka Koonfur-galbeed ee Soomaaliya.

10/14/2021 10:41 AM EST
Khamiis, October, 14, 2021 (HOL) - Madaxweynaha dowladda Federaalka Soomaaliya Maxamed Cabdullaahi Farmaajo ayaa shacabka Soomaaliyeed la wadaagay farriin ku aaddan Xuska Shuhadada qaraxii 14-ka Oktoobar 2017-kii ka dhacay Isgoyska Soobe ee magaalada Muqdisho, kaasoo ay ku dhinteen boqolaal shacab Soomaaliyeed ah, isagoona Alle uga baryey in uu naxariistiisa janno ku abaal mariyo dadkii ku dhintay weerarkaas.

10/14/2021 4:24 AM EST
Khamiis, October, 14, 2021 (HOL) - Wasiiru dowlaha arrimaha dibadda Soomaaliya Bilaal Maxamed Cusmaan, ayaa sheegay dowladda Kenya in aysan wax dan ah ugu jirin inuu xumaado xiriirka kala dhaxeeya Soomaaliya.

10/14/2021 3:18 AM EST
Khamiis, October, 14, 2021 (HOL) - Kooxo hubeysan oo ah burcad u dhalatay dalka Koofur Afrika ayaa Xalay ganacsade Soomaaliyeed waxay ku dileen deegaanka lagu magacaabo Tempisa oo ka tirsan gobolka Limpopo.

10/14/2021 2:26 AM EST
Khamiis, October, 14, 2021 (HOL) - Wararka naga soo gaaraya degmada Guriceel ee gobolka Galgaduud ayaa sheegaya in halkaasi saacadahii ugu dambeeyay uu ka jiray barakac aad u xoogan oo ay sameynayaan dadka ku dhaqnaa xaafadaha magaaladaasi.

10/14/2021 1:51 AM EST
Khamiis, October, 14, 2021 (HOL) - Sannad -guuradii afaraad ayay maanta ku beegan tahay markii uu dhacay qaraxii 14 -kii Oktoobar 2017, qaraxaas oo ahaa qarixii ugu dhimashada badnaa uguna burburka badnaa ee ka dhaca Soomaaliya gaar ahaan magaalada Muqdisho.