3/28/2024
Today from Hiiraan Online:  _
Wararka Maanta- Khamiis, Oct 14, 2021
Sannad guuradii 4-aad oo maanta laga joogo Qarixii dhimashada badnaa ee Soobe
 

Khamiis, October, 14, 2021 (HOL) - Sannad -guuradii afaraad ayay maanta ku beegan tahay markii uu dhacay qaraxii 14 -kii Oktoobar 2017, qaraxaas oo ahaa qarixii ugu dhimashada badnaa uguna burburka  badnaa ee ka dhaca Soomaaliya gaar ahaan magaalada Muqdisho.

In ka badan 600 qof ayaa ku naftooda ku waayay, ka gadaal markii gaari xamuul ah oo lagasoo buuxiyay waxyaabaha qarxa uu ku qarxay isgoyska Soobe, oo ah is-goys aad u mashquul badan oo ay boqolaal shacab ah ku sugnaayeen.   

Dowladda Soomaaliya ayaa sannad kaste u sameysa baroordiiq lagu xasuusanayo dadkii ku geeriyooday iyo kuwii ku dhaawacmay qaraxaas oo saamayntiisa aad u ballaarnayd, welina ay jiraan dad aan ka bogsan raadadkii uu ka tagay.

Guud ahaan marka la isku daro dadka ay waxyeeladu kasoo gaartay qaraxa Soobe, waxay gaarayaan in ka badan kun qof.

Illaa iyo hadda ma jirto cid sheegatay masuuliyadda qaraxaas, laakiin dowladda Soomaaliya ayaa gacanta ku dhigtay oo xukun dil ah ku riday shaqsiyaad katirsan kooxda Alshabaab oo qaraxaas ku lug lahaa.

Xubno horey uga tirsanaan jiray Alshabab oo kasoo goostay ayaa caddeeyay in qaraxaas ay ka dambeysay Alshabab, waxayna tilmaameen in kooxda dhexdeeda uu ka dhaliyay khilaaf aad u weyn, oo aan bannaanka u soo Bixin.

Si kasta ha ahaatee, qaraxa Soobe kadib, waxaa Muqdisho ka dhacay qaraxyo badan oo waaweyn, sida qarixii 28 ka December 2019 ee ka dhacay is-qoyska Ex-kantarool Afgooye, oo ay ku dhinteen in ka badan boqol qof.

Abdiweli M. Sheikh, Hiiraan Online












Click here
10/14/2021 1:32 PM EST
Khamiis, October, 14, 2021 (HOL) - Mid kamid ah Qareenada u dooddayay badda Soomaaliya ayaa beeniyay warar warbaahintu tebinaysay oo ku saabsan, in Kenya loo xukumay dhul baddeedka qaniga ku ah shidaalka iyo Saliidda.

10/14/2021 11:54 AM EST
Khamiis, October, 14, 2021 (HOL) - Maamulka gobolka Saaxil ee Somaliland, ayaa ku dhawaaqay in ay gobolka ka saarayaan, dadka kasoo jeeda maamulka Koonfur-galbeed ee Soomaaliya.

10/14/2021 10:41 AM EST
Khamiis, October, 14, 2021 (HOL) - Madaxweynaha dowladda Federaalka Soomaaliya Maxamed Cabdullaahi Farmaajo ayaa shacabka Soomaaliyeed la wadaagay farriin ku aaddan Xuska Shuhadada qaraxii 14-ka Oktoobar 2017-kii ka dhacay Isgoyska Soobe ee magaalada Muqdisho, kaasoo ay ku dhinteen boqolaal shacab Soomaaliyeed ah, isagoona Alle uga baryey in uu naxariistiisa janno ku abaal mariyo dadkii ku dhintay weerarkaas.

10/14/2021 6:17 AM EST
Khamiis, October, 14, 2021 (HOL) - Dowladda Maraykanka ayaa carrabka ku adkaysay in loo baahan yahay in la dhameystiro doorashooyinka Soomaaliya, isla markaana si degdeg ah loo dhameeyo khilaafka Farmaajo iyo Rooble.

10/14/2021 4:24 AM EST
Khamiis, October, 14, 2021 (HOL) - Wasiiru dowlaha arrimaha dibadda Soomaaliya Bilaal Maxamed Cusmaan, ayaa sheegay dowladda Kenya in aysan wax dan ah ugu jirin inuu xumaado xiriirka kala dhaxeeya Soomaaliya.

10/14/2021 3:18 AM EST
Khamiis, October, 14, 2021 (HOL) - Kooxo hubeysan oo ah burcad u dhalatay dalka Koofur Afrika ayaa Xalay ganacsade Soomaaliyeed waxay ku dileen deegaanka lagu magacaabo Tempisa oo ka tirsan gobolka Limpopo.

10/14/2021 2:26 AM EST
Khamiis, October, 14, 2021 (HOL) - Wararka naga soo gaaraya degmada Guriceel ee gobolka Galgaduud ayaa sheegaya in halkaasi saacadahii ugu dambeeyay uu ka jiray barakac aad u xoogan oo ay sameynayaan dadka ku dhaqnaa xaafadaha magaaladaasi.