3/28/2024
Today from Hiiraan Online:  _
Wararka Maanta- Jimco, Oct 1 , 2021
Faahfaahino kasoo baxaya weerar lagu qaaday hoyga Taliyaha Booliiska gobolka Nugaal
 

Jimco, October, 1, 2021 (HOL) - Wararka ka imaanaya magaalada Garoowe ee Caasimada dowlad goboleedka Puntland ayaa sheegaya in xalay saqdii dhexe la weeraray hoyga taliyaha ciidanka Booliiska gobolka Nugaal Maxamed Aadan Jaamac.

Maleeshiyaad hubeysan ayaa la sheegay iney weerarka ku qaadeen hoyga Taliye Maxamed Aadan uu ka degan yahay Xaafada 1-da Agoosto ee magaalada Garoowe oo ka mid ah xaafadaha ugu amaanka adag magaalada Garoowe.

Dadka degan xaafada 1-da Agoosto ayaa warbaahinta u sheegay in weerarka lagu qaaday guriga Taliyaha uu ahaa mid waqti kooban socday oo rasaas farabadan ay isku adeegsadeen labada dhinac, balse aysan cadeyn karin khasaaraha ka dhashay rasaastaasi.

Warar soo baxaya ayaa sheegaya in Maleeshiyadii xalay weerartay hoyga taliyaha Booliiska ay ahayeen Maleshiyaad ka careysna xarig loo geystay askari ka tirsan ciidanka Puntland oo lagu eedeeyay inuu ka dambeeyay dilka Sarkaal ka tirsanaa ciidanka Badda ee maamulka Puntland.

Ma jirto wax war ah oo kasoo baxay Taliska Booliska gobolka Nugaal ee Maamulka Puntland oo la xiriira weerarka lagu qaaday guriga uu Xaafadda 1-da August ee magaalada Garoowe uu ka degan yahay Taliye Maxamed Aadan.

Jamaal Cali Cabdi, Hiiraan Online
[email protected]












Click here
10/1/2021 3:53 PM EST
Jimco, October, 1, 2021 (HOL) - Taliyaha Booliiska gobolka Nugaal Gaashaanle Sare Maxamed Aadan Jaamac ayaa faahfaahin ka bixiyay weerar xalay lagu qaaday hoyga uu ka degan yahay magaalada Garoowe ee Caasimadda Maamulka Puntland.

10/1/2021 3:30 PM EST
Jimco, October, 1, 2021 (HOL) - Afhayeenka Guddida Ka hortaga Caabuqa Covid-19 ee Somaliland Xuseen Aadan Cige (Dayr), ayaa sheegay in xildhibaannada asal ahaan Somaliland kasoo jeeda ee lagu doortay magaalada Muqdisho anay ma talin Somaliland.

10/1/2021 12:23 PM EST
Jimco, October, 1, 2021 (HOL) - Madaxweynaha Galmudug, Axmed Qoor-qoor iyo Sanataro katirsan Galmdug oo Muqdisho kasoo duulay, ayaa si degdeg ah ku gaaray magaalada Dhuuso-mareeb ee caasimadda Galmudug.

10/1/2021 11:56 AM EST
Jimco, October, 1, 2021 (HOL) - Xaalad kacsanaan ah ayaa laga dareemayaa gobolka Galgaduud ee Galmudug, iyadoo ciiddamada Ahlusunna Waljameeca ay isku ballaariyeen qeybo kamid ah gobolka Galgaduud ee bartamaha Soomaaliya.

10/1/2021 7:56 AM EST
Jimco, October, 1, 2021 (HOL) - Ciidamo katirsan Ahlusunna ayaa gudaha u galay magaalada Guriceel ee gobolka Galgaduud, halkaas oo ay haatan ay isugu soo baxeen boqolaal dadweyne oo ku faraxsan dib usoo laabashada xooggaga Ahlusunna.

10/1/2021 6:35 AM EST
Jimco, October, 1, 2021 (HOL) - Dagaal geystay khasaare isugu jira dhimasho iyo dhaawac ayaa ka dhacay Saldhig ciidamada Jubbaland ku leeyihiin deegaanka Baar Sanguuni ee gobolka Jubbada Hoose.

10/1/2021 4:11 AM EST
Jimco, October, 1, 2021 (HOL) - Wasiirka wasaaradda amniga gudaha maamul goboleedka Hirshabeelle Maxamed Cabdiraxmaan Kheyre oo ka hadlay xarig magaalada Jowhar loogu geystay wiilal dhalinyaro ah.

10/1/2021 1:39 AM EST
Jimco, October, 1, 2021 (HOL) - Warar dheeraad ah ayaa kasoo baxaya dagaal u dhaxeeya ciidamada dowladda iyo kuwa Ahlu sunna Waljameeca oo saacadahii lasoo dhaafay ku dhexmaray deegaanka Bohol oo ka mid ah deegaanada hoos yimaada degmada Dhuusamareeb ee Caasimada maamulka Galmudug.

10/1/2021 12:42 AM EST
Jimco, October, 1, 2021 (HOL) - Madaxweyne ku xigeenka Somaliland Cabdiraxmaan Cabdillaahi Ismaaciil (Saylici), ayaa sheegay in xukuumada Somaliland ay ogtahay ergadii wajiga duubtay ee ka qayb galay doorashada aqalka sare ee Soomaaliya, isla markaana, talaabo laga qaadi doono.