3/28/2024
Today from Hiiraan Online:  _
Wararka Maanta- Jimco, Oct 1 , 2021
Somaliland oo u hanjabtay ergadii afka duubatay ee doorashada kaga qayb gashay Xamar
 

Jimco, October, 1, 2021 (HOL) - Madaxweyne ku xigeenka Somaliland Cabdiraxmaan Cabdillaahi Ismaaciil (Saylici), ayaa sheegay in xukuumada Somaliland ay ogtahay ergadii wajiga duubtay ee ka qayb galay doorashada aqalka sare ee Soomaaliya, isla markaana, talaabo laga qaadi doono.

Saylici ayaa sheegay in xildhibaannada la doortay ee dowlada Soomaaliya ay sheegtay in ay Somaliland matalaan, anay Somaliland matalin, isla markaana, anay xukuumada Somaliland aqbali doonin.

"Reer Soomaaliya waxan leeyahay, waxan aad meesha yar ee halka kiilo mitir ee ajaanibku ilaalinayo, ku wal walaaqaysaan, kama aqbalayno, inamana qabato in 20 inan oo qarankan ka falaagoobay la yidhaa way ina matalayaan, inamana ma talaan; lakiin, nimanka wax dhoob dhoobanayee halka fadhiya ayaa magaceena mar marinaya" ayuu yidhi Saylici.

Saylici ayaa intaa raaciyay in xuukamada Somaliland ay ka xuntahay, in Qaramada Midoobay ay goob joog ka tahay doorashadaa isla markaana, anay waxba ka odhan, isagoo sheegay in Somaliland ay ogtahay ergada wajiga qarsatay, isla markaana, la xidh xidhi doono markay Somaliland kusoo noqdaan.

"Waxan, laakiinse, aad uga xunahay in Jimciyadii Quruumaha ka dhaxaysay ay markhaati ka noqoto, oo ay aaminto in 20 iyo 30 qof oo qarankan falaago ka ah in ay u aragto in ay na matalaan, dowladi indho qudhaanjo ayay leedahay, waxaanu warka ku hayna kuwa indhaha qarsanayay waa kuwo Somaliland ka tagay, oo berri raba in ay soo noqdaan, waa dambiilayaal qaran kuwaasi, yaan la arkin reer Somaliland oo qaylinaya marka berri la xidho"  ayuu yidhi Saylici.

Ergada u codaynaysay xubnaha Somaliland kasoo jeeda ee u ordayay doorashada aqalka sare ee Soomaaliya, ayaa afka duubtay, iyaga oo iska qarinaya warbaahinta maadama ay ahayeen dad reer Somaliland ah oo raba in ay berri ka maalin Somaliland kusoo noqdaan.

Amb: Safiina oo ah afhayeenka Guddida Doorashooyinka Soomaaliya, oo MMTV way diiyay sababta ergadu madaxa u duubteen ayaa ku jawaabay "in xubnaha ergadu ka taxadarayeen caabuqa Covid-19, oo ay yara qalad fahmeen habka loo xidho afsaabka, isla markaana, ay siin doonaan wacyigalin dheeraad ah".

Abdilahi Abdirahman Mohamed, Hiiraan Online
[email protected]












Click here
10/1/2021 3:53 PM EST
Jimco, October, 1, 2021 (HOL) - Taliyaha Booliiska gobolka Nugaal Gaashaanle Sare Maxamed Aadan Jaamac ayaa faahfaahin ka bixiyay weerar xalay lagu qaaday hoyga uu ka degan yahay magaalada Garoowe ee Caasimadda Maamulka Puntland.

10/1/2021 3:30 PM EST
Jimco, October, 1, 2021 (HOL) - Afhayeenka Guddida Ka hortaga Caabuqa Covid-19 ee Somaliland Xuseen Aadan Cige (Dayr), ayaa sheegay in xildhibaannada asal ahaan Somaliland kasoo jeeda ee lagu doortay magaalada Muqdisho anay ma talin Somaliland.

10/1/2021 12:23 PM EST
Jimco, October, 1, 2021 (HOL) - Madaxweynaha Galmudug, Axmed Qoor-qoor iyo Sanataro katirsan Galmdug oo Muqdisho kasoo duulay, ayaa si degdeg ah ku gaaray magaalada Dhuuso-mareeb ee caasimadda Galmudug.

10/1/2021 11:56 AM EST
Jimco, October, 1, 2021 (HOL) - Xaalad kacsanaan ah ayaa laga dareemayaa gobolka Galgaduud ee Galmudug, iyadoo ciiddamada Ahlusunna Waljameeca ay isku ballaariyeen qeybo kamid ah gobolka Galgaduud ee bartamaha Soomaaliya.

10/1/2021 7:56 AM EST
Jimco, October, 1, 2021 (HOL) - Ciidamo katirsan Ahlusunna ayaa gudaha u galay magaalada Guriceel ee gobolka Galgaduud, halkaas oo ay haatan ay isugu soo baxeen boqolaal dadweyne oo ku faraxsan dib usoo laabashada xooggaga Ahlusunna.

10/1/2021 6:35 AM EST
Jimco, October, 1, 2021 (HOL) - Dagaal geystay khasaare isugu jira dhimasho iyo dhaawac ayaa ka dhacay Saldhig ciidamada Jubbaland ku leeyihiin deegaanka Baar Sanguuni ee gobolka Jubbada Hoose.

10/1/2021 4:54 AM EST
Jimco, October, 1, 2021 (HOL) - Wararka ka imaanaya magaalada Garoowe ee Caasimada dowlad goboleedka Puntland ayaa sheegaya in xalay saqdii dhexe la weeraray hoyga taliyaha ciidanka Booliiska gobolka Nugaal Maxamed Aadan Jaamac.

10/1/2021 4:11 AM EST
Jimco, October, 1, 2021 (HOL) - Wasiirka wasaaradda amniga gudaha maamul goboleedka Hirshabeelle Maxamed Cabdiraxmaan Kheyre oo ka hadlay xarig magaalada Jowhar loogu geystay wiilal dhalinyaro ah.

10/1/2021 1:39 AM EST
Jimco, October, 1, 2021 (HOL) - Warar dheeraad ah ayaa kasoo baxaya dagaal u dhaxeeya ciidamada dowladda iyo kuwa Ahlu sunna Waljameeca oo saacadahii lasoo dhaafay ku dhexmaray deegaanka Bohol oo ka mid ah deegaanada hoos yimaada degmada Dhuusamareeb ee Caasimada maamulka Galmudug.