9/27/2022
Today from Hiiraan Online:  _
Wararka Maanta- Isniin, Nov 29, 2021
Boqor Buurmadow" Somaliland in ay Soomaaliya ka go'do ayaan aaminsanay"
 

Isniin, November, 29, 2021 (HOL) - Boqor Cismaan Aw Maxamuud Buurmadow, oo BBC Somali, uga warbixiyay socdaalkiisa Muqdisho, ayaa sheegay in uu u yimid xalinta khilaaf ka dhextaagnaa madaxda Somaliland kasoo jeeda ee Soomaaliya xilalka ka haya, isagoona sheegay in uu shacabka Somaliland la qabo gooni isutaaga Somaliland.

Boqorka ayaa sheegay in ujeedada ugu wayn ee socdaalkiisu ahayd xalinta khilaaf uu sheegay in uu ka dhexeeyay siyaasiyiinta reer Somaliland ee Muqdisho jooga, uuna ku guulaystay in xal laga gaadho "Khilaaf ka dhexeeyay madaxda gobolada waqooyi ee halkan ka joogta in aan dhexgalo oon isu usoo dhawayn arrinkaa ka sameeyo ayuu safarkaygu ahaa, tiina waanu ku guulaysanay".

Boqorka ayaa sheegay in uu meelkasta oo Soomaali dagto oo khilaaf ka jiro tagayo, si uu uga qayb qaato heshisiintooda, isagoo sheegay in uu horay u tagay deegaano kale oo Soomaaliyeed.

"Puntland oo Soomaaliya kamid ah horay ayaan khilaafkooda uga shaqeeyay Somaliland raali ayay igaga ahayd, meel kasta oo khilaafka jirana waanu tagnaa Itoobiya ayaanu tagnaa" ayuu yidhi Buurmadow.

Boqorka oo BBC wax ka waydiisay bal hada waxa uu ka aaminsanyahay qadiyada Somaliland, ayaa sheegay in uu aaminsanyahay waxa shacabka Somaliland qabaan "Waa doonitaan shacbi, waxa shacabkaygu aaminsanyahayna waan aaminsanahay".

Boqor Buurmadow ayaa maalmihii lasoo dhaafay ku sugnaa magaalooyinka Muqdisho, isagoo sidookale aaday magaalada Baydhabo, halkaasi oo uu kaalmo lacageed ku gaadhsiiyay dadkii laga raafay gobolada bariga Somaliland.



Abdilahi Geel-maal, Hiiraan Online
[email protected]












Click here
11/29/2021 11:01 AM EST
Isniin, November, 29, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble ayaa galinkii dambe ee Maanta shir kula qaatay aaladda fogaan aragga ee ZOOM-ka guddiyada doorashooyinka heer Fedaraal, heer dowlad goboleed iyo kan Xalinta Khilaafaadka.

11/29/2021 8:19 AM EST
Isniin, November, 29, 2021 (HOL) - Iyadoo maanta qorshuhu ahaa in magaalada Baydhabo ee xarunta gobolka Baay lagu qabto doorashada afar kursi oo ka mid ah Golaha Shacabka, ayaa waxaa dib loo dhigay kursi ka mid ahaa afarta kursi ay horay u shaaciyeen guddiga hirgelinta dooraashada maamulka Koonfur Galbeed.

11/29/2021 7:50 AM EST
Isniin, November, 29, 2021 (HOL) - Shalay Axadii waxaa magaalada Minneapolis ee Gobolka Minnesota lagu soo gabgabeeyey shirkii Jimciyadda Islaamiga ee Waqooyiga America, Islamic Association of North Ameica (IANA). Shirkan ayaa si rasmi ah uga socday magaaladda mudo sadax cisho ah, Shirkan oo ah shir sannadkiiba mar la qabto ayaa sanadkii hore u baaqday xanuunka covid 19 awgiis, shirkiin waa kii 20aad ee la qabto.

11/29/2021 7:02 AM EST
Isniin, November, 29, 2021 (HOL) - Magaalada Boosaaso ayaa kusoo laabatay xasilooni, kadib markii saddexdii maalin ee lasoo dhaafay ay u muuqatay mid qarka u saarnayd inuu ka dhaco dagaal salka ku haya xilka ka qaadista agaasimaha hay’adda PSf, Maxmuud Cismaan Diyaano.

11/29/2021 6:21 AM EST
Isniin, November, 29, 2021 (HOL) - Madaxweyne Farmaajo iyo wafdi uu hoggaaminayo ayaa goor dhaw u ambabaxay magaalada Dooxa ee dalka Qatar halkaas oo ay uga bilaabanayso booqasho shaqo oo labo maalmood ah.

11/29/2021 4:31 AM EST
Isniin, November, 29, 2021 (HOL) - Ciiddanka Duufaan ee qeybta ka ah NISA oo howlgal qorshaysan xalay ka fuliyay degmada Heliwaa gaar ahaan Suuqa Xoolaha ayaa kusoo qabtay xubno katirsan Alshabab.

11/29/2021 4:00 AM EST
Isniin, November, 29, 2021 (HOL) - Safiirka cusub ee Soomaaliya u fadhin doona dalka Belgium, Yonis Yaasiin Xaashi (Ooga-Cadde) ayaa xilkiisa la wareegay kaddib markii uu warqadaha aqoonsiga ka guddoomay Boqorka dalka Belgium Boqor Philippe.

11/29/2021 12:53 AM EST
Isniin, November, 29, 2021 (HOL) - Waxaa maanta lagu wadaa in markale lagu qabto magaalada Baydhabo afar kursi oo ka mid ah kuraasta Golaha Shacabka Baarlamaanka 11-aad ee Soomaaliya.

11/29/2021 12:46 AM EST
Isniin, November, 29, 2021 (HOL) - Raysal wasaarihii hore ee Soomaaliya, Cabdiweli Maxamed Cali Gaas, ayaa sheegay in raysal wasaare Rooble uu qaadanayo masuuliyadda musuq maasuqa doorashada dalka ka socota, maadaama isaga doorashada gacanta loo galiyay.