9/27/2022
Today from Hiiraan Online:  _
Wararka Maanta- Isniin, Nov 29, 2021
Cabdiweli Gaas: Raysal wasaare Rooble waa inuu doorashada kusoo celiyaa wadadii saxda ahayd, si uu berito dhigaal u sameysto
 

Isniin, November, 29, 2021 (HOL) - Raysal wasaarihii hore ee Soomaaliya, Cabdiweli Maxamed Cali Gaas, ayaa sheegay in raysal wasaare Rooble uu qaadanayo masuuliyadda musuq maasuqa doorashada dalka ka socota, maadaama isaga doorashada gacanta loo galiyay.   

Cabdiweli Gaas ayaa sheegay, raysal wasaare Rooble mar haddii uusan musharrax ahayn in looga baahnaa inuu aad u ilaaliyo hufnaanta doorashada, si uu berrito uga tago dhaxal lagu xasuusandoono.

“Anigu waxaan isleeyahay dhalliil weyn ayuu dadku usoo jeedinayaa raysal wasaaraha, waxaanse rajeynayaa mar haddii uu la kulmay musharraxiinta, inuu doorashada wadadeedii tooska ahayd kusoo celiyo,” ayuu yiri Cabdiweli Gaas.

Dhinaca kale, Cabdiweli Gaas ayaa ku dhaliilay midowga musharraxiinta in aanay lahayn mowqif hal dhinac loo raaco, isagoo sheegay, in labo xildhibaan oo labaduba si qaldan kusoo baxay ay midna u hambalyeeyeen, mid kalena ay diideen.

“Musharraxiinta waxaa la rabaa in timahooda dhan u wada xiirmo, oo wixii qalad ah ay diidaan, ama aqalka sare ha noqoto ama aqalka hoose, ama saaxiibkaa hakusoo baxo ama yuusan kusoo bixin. Wixi qaldan waa qaldan yihiin,” ayuu yiri Gaas.

Cabdiweli Gaas waxa uu sheegay inuu taageersan yahay in midowga musharraxiintu ka horyimaadaan nidaamka qaldan ee doorashada, balse wuxuu ka digay in gacan ka hadal wax lagu xalliyo.

Abdiweli M. Sheikh, Hiiraan Online












Click here
11/29/2021 11:01 AM EST
Isniin, November, 29, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble ayaa galinkii dambe ee Maanta shir kula qaatay aaladda fogaan aragga ee ZOOM-ka guddiyada doorashooyinka heer Fedaraal, heer dowlad goboleed iyo kan Xalinta Khilaafaadka.

11/29/2021 8:19 AM EST
Isniin, November, 29, 2021 (HOL) - Iyadoo maanta qorshuhu ahaa in magaalada Baydhabo ee xarunta gobolka Baay lagu qabto doorashada afar kursi oo ka mid ah Golaha Shacabka, ayaa waxaa dib loo dhigay kursi ka mid ahaa afarta kursi ay horay u shaaciyeen guddiga hirgelinta dooraashada maamulka Koonfur Galbeed.

11/29/2021 7:50 AM EST
Isniin, November, 29, 2021 (HOL) - Shalay Axadii waxaa magaalada Minneapolis ee Gobolka Minnesota lagu soo gabgabeeyey shirkii Jimciyadda Islaamiga ee Waqooyiga America, Islamic Association of North Ameica (IANA). Shirkan ayaa si rasmi ah uga socday magaaladda mudo sadax cisho ah, Shirkan oo ah shir sannadkiiba mar la qabto ayaa sanadkii hore u baaqday xanuunka covid 19 awgiis, shirkiin waa kii 20aad ee la qabto.

11/29/2021 7:46 AM EST
Isniin, November, 29, 2021 (HOL) - Boqor Cismaan Aw Maxamuud Buurmadow, oo BBC Somali, uga warbixiyay socdaalkiisa Muqdisho, ayaa sheegay in uu u yimid xalinta khilaaf ka dhextaagnaa madaxda Somaliland kasoo jeeda ee Soomaaliya xilalka ka haya, isagoona sheegay in uu shacabka Somaliland la qabo gooni isutaaga Somaliland.

11/29/2021 7:02 AM EST
Isniin, November, 29, 2021 (HOL) - Magaalada Boosaaso ayaa kusoo laabatay xasilooni, kadib markii saddexdii maalin ee lasoo dhaafay ay u muuqatay mid qarka u saarnayd inuu ka dhaco dagaal salka ku haya xilka ka qaadista agaasimaha hay’adda PSf, Maxmuud Cismaan Diyaano.

11/29/2021 6:21 AM EST
Isniin, November, 29, 2021 (HOL) - Madaxweyne Farmaajo iyo wafdi uu hoggaaminayo ayaa goor dhaw u ambabaxay magaalada Dooxa ee dalka Qatar halkaas oo ay uga bilaabanayso booqasho shaqo oo labo maalmood ah.

11/29/2021 4:31 AM EST
Isniin, November, 29, 2021 (HOL) - Ciiddanka Duufaan ee qeybta ka ah NISA oo howlgal qorshaysan xalay ka fuliyay degmada Heliwaa gaar ahaan Suuqa Xoolaha ayaa kusoo qabtay xubno katirsan Alshabab.

11/29/2021 4:00 AM EST
Isniin, November, 29, 2021 (HOL) - Safiirka cusub ee Soomaaliya u fadhin doona dalka Belgium, Yonis Yaasiin Xaashi (Ooga-Cadde) ayaa xilkiisa la wareegay kaddib markii uu warqadaha aqoonsiga ka guddoomay Boqorka dalka Belgium Boqor Philippe.

11/29/2021 12:53 AM EST
Isniin, November, 29, 2021 (HOL) - Waxaa maanta lagu wadaa in markale lagu qabto magaalada Baydhabo afar kursi oo ka mid ah kuraasta Golaha Shacabka Baarlamaanka 11-aad ee Soomaaliya.