3/19/2024
Today from Hiiraan Online:  _
Wararka Maanta- Arbaco, Nov 24, 2021
PSF oo sharci darro ku tilmaamtay magacaabidda uu sameeyay madaxweynaha Puntland
 

Arbaco, November, 24, 2021 (HOL) - Hay’adda maamusha ciiddanka nabad sugida Puntland ee PSF ayaa sharci darro ku tilmaamtay degreeto uu madaxweynaha Puntland ku magacaabay agaasimaha cusub ee PSF.

Qoraal lagu daabacay barta facebook ee PSF ayaa lagu sheegay in go’aanka madaxweyne Deni uu baalmarsan yahay sharciyadda, xeerka ciidannimada iyo dhaqanka suuban.

“Si dhow ayaan u la soconnay xaaladda dalka cidda la sameynaysa xiriirada gurracan cadowga shacabka iyo jiritaanka Puntland, Ciidanka PSF saacadna dib uga noqon mayaan difaaciina iyo ilaalinta amnigiina,” ayaa lagu yiri qoraalka PSF.

Kadib markii ay soo baxday magacaabista cusub uu madaxweyne Deni sameeyay, ciiddamo katirsan kuwa PSf ayaa gudaha u galay magaalada Bosaso, halkaas oo ay ku leeyihiin saldhigga ugu weyn ee farriisinka u ah saraakiisha ugu sarreysa hay’adda.

Cabsi ayaa laga qabaa inuu isku dhac dhexmaro ciiddamo magaalada Bosaso la geeyay iyo ciiddanka PSF, sidoo kale, in ciiddanka PSF ay baneeyaan furimaha ay kaga jiraan buuraha Calmadow ee Alshabab weerarada kasoo abaabulaan.

PSF, waa hay’ad madax bannaan, oo tan iyo markii la aas aasay ku dhawaad 15 sano ka hor, ma jirin madaxweyne Puntland soo maray oo soo magacaabay madaxda hay’addan.

Waxaa tan iyo markii la aas aasay xukumayay qoyska Gen. Asad Cismaan Cabdullaah Diyaano, oo Aabahiis Cismaano Diyaano  lagu tilmaami jiray inuu ahaa aas aasihii hay'addan.

Abdisalan Nur Dirie, Hiiraan Online
[email protected]












Click here
11/24/2021 1:24 PM EST
Arbaco, November, 24, 2021 (HOL) - Waxaa maanta magaalada Muqdisho ku geeriyooday allah u naxariistee Muxidiin Sheelh Muumin oo loo yaqiinay Jiim Sheekh Muumin, kaasoo mudooyin dambe xanuunsanaa sida warbaahinta u sheegeen qaar ka mid ah ehelkiisa.

11/24/2021 8:40 AM EST
Arbaco, November, 24, 2021 (HOL) - Doorashadii ugu horreysay ee aqalka hoose ee deegaannada dowlad goboleedka Galmudug, ayaa lagusoo gabagabeeyay magaalada Dhuusomareeb iyadoo la doortay labadii kursi ee ugu horreeyay.

11/24/2021 8:24 AM EST
Arbaco, November, 24, 2021 (HOL) - Guddoomiyaha maamulka gobolka Hiiraan Cali Jeyte Cismaan iyo Saraakiisha ciidamada AMISOM ee ku sugan magaalada Baledweyne ayaa maanta kulan xasaasi ka yeeshay dardar gelinta arrimaha amniga doorashooyinka Golaha Shacabka oo lagu wado in lagu qabto magaalada Baledweyne ee xarunta gobolka Hiiraan.

11/24/2021 8:14 AM EST
Arbaco, November, 24, 2021 (HOL) - Wasiirka Difaaca dalka Turkiga Hulusi Akar ayaa magaalada Ankara ee caasimadda dalka Turkiga kula kulmay taliyaha guud ee ciidamada Milliteriga Soomaaliya Sarreeye Guuto Odawa Yuusuf Raage.

11/24/2021 7:38 AM EST
Arbaco, November, 24, 2021 (HOL) - Wararka ka imaanaya dalka Itoobiya ayaa sheegaya in talada dalka Itoobiya uu siihaynayo Ra'iisal Wasaare ku xigeenka Itoobiya Demeke Mokonnen, maadaama Abiyi Axmed uu hoggaaminayo ciidamada qaranka Itoobiya ee dagaalka kula jira TPLF.

11/24/2021 6:23 AM EST
Arbaco, November, 24, 2021 (HOL) - Madaxweynaha Puntland Siciid Cabdullaahi Deni, ayaa S/guuto Maxamed Amiin Cabddulahi Xaaji Khayr u magacaabay agaasimaha hay’adda maamusha ciiddanka PSF ee uu Maraykanku maalgaliyo.

11/24/2021 4:29 AM EST
Arbaco, November, 24, 2021 (HOL) - Guddoomiyaha xisbiga mucaaradka Somaliland ee UCID, oo horay uga mid ahaa xubnihii Somaliland uga qayb gali jiray wada-hadalada Somaliland iyo Soomaaliya, ayaa sheegay in ay joojinayaan wada-hadalada.

11/24/2021 3:36 AM EST
Arbaco, November, 24, 2021 (HOL) - Waxaa goordhaw oo maanta ah markale lagu doortay xarunta ciidanka Booliiska Soomaaliyeed ee Jenaraal Kaahiye hal kursi oo ka mid ah kuraasta Golaha Shacabka ee gobolada Waqooyi ee Soomaaliland.

11/24/2021 3:29 AM EST
Arbaco, November, 24, 2021 (HOL) - Taliyaha ciiddanka lugta ee xoogga dalka Soomaliyeed, General Maxamed Biixi ayaa sheegay in aysan marna raalli ka ahaan doonin in AMISOM ku gorgortanto joogitaankeeda Soomaaliya, si loogu fuliyo danaheeda.

11/24/2021 2:15 AM EST
Arbaco, November, 24, 2021 (HOL) - Hay’adda maaraynta masiibooyinka ee maamulka Puntland ee HADMA ayaa wax kama jiraan ku tilmaamtay warar sheegaya in Puntlad ay kusoo wajahan tahay duufan culus.

11/24/2021 1:14 AM EST
Arbaco, November, 24, 2021 (HOL) - Waxaa goordhaw lagu wadaa in magaalada Dhuusamareeb ee Caasimadda maamulka Galmudug inay ka bilaabato doorashada laba kursi oo ka mid ah kuraasta Xildhibaanada deegaan doorashadoodu tahay Galmudug.