4/18/2024
Today from Hiiraan Online:  _
Wararka Maanta- Sabti, Nov 20, 2021
Agaasimihii Radio Muqdisho Cabdicasiis Afrika oo lagu dilay qarax gaarigiisa loogu xiray
 

Sabti, November, 20, 2021 (HOL) - Allaha u naxariisto agaasimihii Radio Muqdisho, Cabdicasiis Maxamuud Guuleed Afrika, ayaa lagu dilay qarax gaarigiisa loogu xiray oo goor dhowayd ka dhacay magaalada Muqdisho.

Weriye Cabdicasiis afrika, ayaa u geeriyooday dhaawac halis ah oo kasoo gaaray qaraxa, sida ay sheegeen masuuliiyiin katirsan dowladda Soomaaliya, kuwaas oo xaqiijiyay geeridiisa.

Cabdicasiis Afrika, wuxuu sidoo kale ahaa soo saarihii barnaamijka gungaar ee lagu wareysan jiray dagaalamayaasha Alshabaab ee dowladdu gacanta ku dhigto, wuxuuna bartilmaameed weyn u ahaa ururka Alshabab.

Warar aan haatan helayno waxay sidoo kale sheegayaan inuu dhaawac yahay agaasimihii telefishinka qaranka Somaaliya, Sharmaarke Maxamed Warsame oo la socday weriye Afrika.

Wixii soo kordha kala socda wararkeena dambe.

Abdiweli M. Sheikh, Hiiraan Online