3/28/2024
Today from Hiiraan Online:  _
Wararka Maanta- Isniin, May 3 , 2021
Madaxweynaha Somaliland oo kulan la qaatay safiirka Ingiriiska ee Soomaaliya
 

Isniin, May, 3, 2021 (HOL) - Madaxweynaha Somaliland Muuse Biixi Cabdi, ayaa xafiiskiisa ku qaabilay safiirka Ingriiska ee Soomaaliya amb. Kate Foster oo uu weliyo madaxa xafiiska Ingriiska ee Somaliland Stuart Brown.

Warsaxafadeed kasoo baxday kulanka ayaa lagu yidhi “Madaxweynaha Somaliland waxa uu safiirka xogwaraysi kasiiyay madaxbanaanida iyo dimuquraadiyada ka hana qaaday Somaliland, iyo in ay tusaale utahay dalal badan oo geeska Afrika ah.”

“Madaxweynuhu waxa uu safiirka kusoo dhaweeyay dal qaan gaadhay, oo buuxiyay shuruudihii dowladnimo balse caalamka ka sugaya wixi ay xaq ugu lahayeen oo ah ictriraaf buuxa”.

Warmurtiyeedka ayaa lagu sheegay in labada dhinac ay kawada hadleen sii xoojinta xidhiidhka Somaliland iyo boqortooyada Ingriiska iyo arrimaha la xidhiidha doorashoyinka Somaliland kusoo fool leh.

Warsaxafadeedka ayaa waxa kale oo lagu sheegay in labada dhinac ay isla lafo gureen, deeqaha horumarineed ee uu Ingriisku Somaliland siiyo iyo xaalada amni ee gobolka geeska Afrika.

Ugu danbaytii waxa warmurtiyeedka lagu yidhi “Safiirku waxa ay dhankeeda uga mahadnaqday madaxweynaha iyo shacbiga J. Somaliland horumarka dimuquraadiyada iyo nabadgalyada buuxda ee ay gaadheen mudada 30 sano ah”.

Safarkan ayaa noqonayaa keedii ugu horeeyay ee ay safiirka dowlada Ingriiska Kate Foster Somaliland ku timaado tan iyo markii la magacaabay.

Cabdilaahi Cabdiraxmaan Maxamed, Hiiraan Online
[email protected] 












Click here
5/3/2021 3:11 PM EST
Isniin, May, 3, 2021 (HOL) - Maydka Khadar Ciidle Nuur oo aha wiil 17 jir ah, ayaa laga soo saaray balli ku yaala dagmada Geed-baladh ee gobolka Gabilay, halkaasi oo uu ku jiray muddo 3 maal mood ah.

5/3/2021 9:29 AM EST
Isniin, May, 3, 2021 (HOL) - Xogeeyaha warfaafinta ee xisbiga Waddani Maxamuud Cabdi Jamac (Xuuto), ayaa sheegay in madama oo musharax Waddani ah loo xidhay in uu Muqdisho tagay ay iyaguna dacwad taa lamida ka gud binayaan musharixiin Kulmiye ah.

5/3/2021 8:32 AM EST
Isniin, May, 03, 2021 (HOL) - Madaxweynaha Soomaaliya Maxamed Cabdullaahi Farmaajo ayaa warqadaha aqoonsiga ka guddoomay Danjiraha cusub ee dalka Itoobiya u qaabbilsan Soomaaliya Cabdulfataax Cabdullaahi Xasan.

5/3/2021 7:44 AM EST
Isniin, May, 03, 2021 (HOL) - Madaxweynaha Dawlad-gobolleedka Koonfurgalbeed Cabdicasiis Xasan Maxamed Lafta-gareen iyo Wasiirka Gaadiidka iyo Duulista Hawada Xukuumadda Federaalka Soomaaliya , Duraan Axmed Faarax ayaa si wadajir ah maanta xarigga uga jaray Taawarka garoonka diyaaradaha Shaati Gaduud ee magaalada Baydhabo.

5/3/2021 7:33 AM EST
Isniin, May, 03, 2021 (HOL) - Wasiirka wasaaradda Beeraha Maamul goboleedka Hirshabeelle Maxamed Cumar Ceymooy ayaa walaac xoogan ka muujiyay fatahaad ku dhufatay xaafado ka tirsan magaalada Jowhar iyo Nawaaxigeeda.

5/3/2021 7:13 AM EST
Isniin, May, 03, 2021 (HOL) - Guddiga Midowga Afrika (AU) ayaa bogaadiyay go'aankii dhowaan uu soo saaray baarlamaanka Soomaaliya ee ahaa in dib loogu laabto heshiiskii doorasho ee 17 September 2020.

5/3/2021 5:01 AM EST
Isniin, May, 03, 2021 (HOL) - Ra'iisal Wasaaraha Xukuumadda Soomaaliya Maxamed Xusseen Rooble ayaa maalinta xorriyada saxaafadda Aduunka awgeed hambalyo u dirray dhamaanba suxufiyiinta Soomaaliyeed.

5/3/2021 2:21 AM EST
Isniin, May 03, 2021 (HOL) - Maanta oo Isniin ah ayaa lagu waddaa in Wafdiga ka socda dowladda Qatar ee ku sugan magaalada Muqdisho kulan la yeeshaan qaar ka mid ah madaxda dowlad gobolleedyada.

5/3/2021 1:49 AM EST
Isniin, May 03, 2021 (HOL) - Qaar ka mid ah dalalka Yurub ayaa bilaabay in ay qaadaan ama qafiifiyaan qeybo ka mid ah xayiraada saaran xanuunka Covid 19 waxaana shalay laga qaaday dalka Portugal xanibaadihii saarnaa.