7/30/2021
Today from Hiiraan Online:  _
Wararka Maanta- Arbaco, Jun 9 , 2021
Madaxweynaha Puntland iyo beesha caalamka oo Garowe kaga wada hadlay arrimaha doorashoyinka


 

Arbaco, Juun, 9, 2021 (HOL) - Madaxweynaha Puntland Siciid Cabdullaahi Deni, ayaa Garowe kula kulmay wafdi ka socday beesha caalamka oo uu hoggaaminayay wakiilka qaramada Midoobay ee Soomaaliya James Swan, kuwaas oo Garowe u tagay arrimo la xidhiidha dardar galinta geeddi socodka doorashooyinka.

Madaxweyne Deni ayaa u sheegay wafdiga beesha caalamka James in ay Puntland ku qanacsan tahay sida arrimaha doorashooyinku u socdaan gaar ahaan shaqada ay hayaan guddiga loo xil saaray xallinta caqabadaha ka jira guddiyada doorashooyinka.

“Waxaan ka wada hadalnay dardar galinta iyo dhaqan galinta heshiiskii 27 may. Waxaan ku kala war qaadanay arrimaha doorashada. Waxaan rajeynayaa in waxyaabaha ka dhiman sidii loo qorsheeyay ay u dhacaan,” ayuu yiri madaxweyne Deni.

Madaxweynaha Puntland ayaa uga mahad celiyay beesha caalamka in ay u muujiyeen in ay diyaar u yihiin taageerida dhaqaalaha ku baxaya hirgalinta doorashooyinka , wuxuuna ku ammaanay in beesha caalamku kaalin muhiim ah ku leeyihiin dib u dhiska dalka.

Tagitaanka Garowe ee wafdiga beesha caalamka ayaa kusoo beegmay xilli ay soo baxayaan warar sheegaya in Madaxweyne Dani uu dalbaday in liiska guddiyada doorashooyinka laga saaro xubno kasoo galay dhinaca Puntland laganasoo magacaabay xafiiska raysal wasaaraha.

Weli lama shaacin isbedelka lagu sameeyay guddiyada doorashooyinka, waxaana weli uu muran ka taagan yahay xubnaha lagusoo bedelay kuwii laga saaray guddiyada doorashooyinka iyo qaar kaloo aan weli la bedelin.

Abdiweli M. Sheikh, Hiiraan Online














Click here
6/9/2021 1:17 PM EST
Arbaco, Juun, 9, 2021 (HOL) - Madaxweynaha Somaliland Muuse Biixi Cabdi ayaa taageeray Cabdikariim Axmed Mooge, oo kasoo baxay xisbiga Waddani in uu noqdo mayor ka Hargaysa, kadib markii xisbiyada mucaarad ku isku khilaafeen mayor nimadiisa.

6/9/2021 11:17 AM EST
Arbaco, Juun, 9, 2021 (HOL) - Wasiir ku xigeenka xanaanada xoolaha Somaliland Yurub Abiib Cabdi, oo u jawaabaysa wasiir ka haweenka ee dowlada Soomaaliya Xaniifa Xaabsade, ayaa tidhi “Somaliland iyo Soomaaliya shaqo iskuma laha”.

6/9/2021 10:43 AM EST
Arbaco, Juun, 9, 2021 (HOL) - Golaha Midowga Musharaxiinta ayaa soo dhoweeyay tallaabooyinka ay qaadeen guddiga xaqiiqo raadinta ah ee uu magacaabay Ra’iisul Wasaaraha ee loo xil saaray kala shaandheynta xubnaha dacwada laga keenay ee guddiyada doorashada heer Federaal iyo heer Dowlad Goboleed.

6/9/2021 10:27 AM EST
Arbaco, Juun, 9, 2021 (HOL) - Guddiga sare ee farsamada doorashooyin dalka ee uu magacaabay Raysal wasaaraha Soomaaliya ayaa maanta kulan koodii ugu horeyay ku yeeshay magaalada Muqdisho wax ka yar 24 saacadood oo aanan wali kasoo wareegan magacaabistooda.

6/9/2021 9:26 AM EST
Arbaco, Juun, 9, 2021 (HOL) - Maxkamada racfaanka ee ciidamada qalabka sida Puntland ayaa soo afmeertay dhegaysiga dacwad racfaan qaadasho oo ay usoo gudbiyeen qareeno udoodaya rag dil lagu xukumay oo lagu sheegay in ay katirsan yihiin Alshabaab kana dambeeyaan qaraxyada iyo dilalka Gaalkcyo.

6/9/2021 7:19 AM EST
Arbaco, Juun, 9, 2021 (HOL) - Waxaa maanta magaalada Muqdisho kulan ku wada yeeshay Guddiga qaban-qaabada maalmaha Xoriyada dalka iyo Hay'addaha kala duwan ee amniga dalka Soomaaliya.

6/9/2021 6:39 AM EST
Arbaco, Juun, 9, 2021 (HOL) - Wararka ka imaanaya deegaanka Daaynuunaay ee gobolka Baay ayaa sheegaya in dagaal culus oo saacado badan qaatay uu halkasi ku dhaxmaray ciidamada dowlada Fedaraalka iyo kuwa Al-shabaab.

6/9/2021 2:03 AM EST
Arbaco, Juun, 9, 2021 (HOL) - Raysal wasaaraha Soomaaliya Maxamed Xuseen Rooble ayaa magacaabay guddi sare ee farsamo oo u qaabilsan hirgelinta arrimaha doorashooyinka dalka.

6/9/2021 1:35 AM EST
Arbaco, Juun, 9, 2021 (HOL) - Madaxweynaha dalka Faransiiska Emmanuel Macron ayaa goob fagaare ah lagu dharbaaxay xili uu safar ku marayay deegaano ku yaala Koofur bari dalkaasi oo uu ku guda jiray booqasho maalintiisa labaad aheyd uu ku marayo dalkiisa.