7/30/2021
Today from Hiiraan Online:  _
Wararka Maanta- Talaado, Jun 8 , 2021
Qarax khasaare geystay oo ka dhacay duuleedka Magaalada Muqdisho


 

Talaado, Juun, 8, 2021 (HOL) - Qaraxan oo ahaa miinada nooca dhulka lagu aaso ee laga hago meelaha fog fog ayaa ka dhacay Bar-koontarool oo aay ciidamo ka tirsan Booliiska Soomaaliya ku leeyihiin Xeebta Jasiira ee duuleedka magaalada Muqdisho.

Inta la xaqiijiyay hal askari oo ka tirsanaa Booliiska ilaaliya xeebta Jasiira ayaa ku dhintay qaraxa miino ee loo dhigay Barta Koontarool ee ku leeyihiin afaafka hore ee laga galo xeebta Jasiira.

Gudoomiyaha deegaanka Jasiira Xuseen Jilacow Aadan oo warbaahinta la hadlay ayaa sheegay in qaraxa uu ka dhacay bar-koontarool oo ciidamada amniga deegaanka ku sugnayeen, islamarkaana uu ku dhintay qaraxa hal askari oo ka tirsanaa ciidanka ilaalada deegaanka gaar ahaan kuwa xeebta Jasiira.

Waxuu intaasi ku daray guddoomiye Jilacow in qaraxa miino aay u soo qabteen laba ruux oo aay uga shakisan yihiin iney ku lug lahayeen, isagoona sheegay iney baaritaano ku socdaan.

Guddoomiye Xuseen Jilacow ayaa sidoo kale qaraxa miino ee ka dhacay xeebta Jasiira ku eedeyay iney ka dambeeyaan dhaqdhaqaaqa Al-shabaab oo uu sheegay in ayaga looga bartay qaraxyada noocaan oo kale ah.

Jamaal Cali Cabdi, Hiiraan Online
[email protected]












Click here
6/8/2021 1:34 PM EST
Talaado, Juun, 8, 2021 (HOL) - Wafdigan ka socday wasaaradda arrimaha Dibadda Boqortooyada Sacuudiga ee maanta soo gaaray magaalada Muqdisho ayaa la kulmay wasiiru dowlaha Xafiiska Raysal wasaaraha Soomaaliya.

6/8/2021 8:19 AM EST
Talaado, Juun, 8, 2021 (HOL) - Waddamada reer Yurub, ayaa ugu hambalyeeyay shacabka, xukuumada, koomiishanka doorashooyinka iyo xisbiyada siyaasada, sidi guusha lahayd ee ay u qabteen doorashooyinkii wakiilada iyo deegaanka.

6/8/2021 8:12 AM EST
Talaado, Juun, 8, 2021 (HOL) - Hoggamiyaha xisbiga wadajir, Cabdiraxmaan Cabdishakuur Warsame ayaa Raysal wasaaraha Soomaaliya ugu baaqay inuu si degdeg ah u soo faro galiyo walaaca laga muujinayo bedqabka dhalinyarada Soomaaliyeed ee tababarka ciidan loogu qaaday dalka Eritrea.

6/8/2021 7:11 AM EST
Talaado, Juun, 8, 2021 (HOL) - Warbixin uu soo saaray xafiiska Qaramada Midoobay ee Soomaaliya ayaa lagu sheegay in ciidamadii Soomaaliya ee tababarka ciidan ku qaadanayay dalka Eriteriya, ay ka qeyb qaateen dagaalada ka socda gobolka Tigray ee dalka itoobiya.

6/8/2021 6:40 AM EST
Talaado, Juun, 8, 2021 (HOL) - Wasiirka wasaaradda Howlaha Guud iyo Guryenta Xukuumada Fedaraalka Soomaaliya Maxamed Aadan Macalin, Maxamed Soomaali ayaa shaaciyay waqtiga kama dambeysta ah ee la furaayo ama xariga laga jaraayo dhismaha wadada xariirisa Muqdisho iyo Afgooye.

6/8/2021 5:23 AM EST
Talaado, Juun, 8, 2021 (HOL) - Taliyaha ciidamada Booliiska Soomaaliya Jenaraal Cabdi Xasan Xijaar oo magaalada Muqdisho kula hadlay warbaahinta ayaa amaro cusub faray saraakiisha iyo ciidanka Booliiska Soomaaliya gaar ahaan kuwa ku sugan koontaroolada laga sugo amaanka Muqdisho.

6/8/2021 1:35 AM EST
Talaado, Juun, 8, 2021 (HOL) - Wararka ka imaanaya magaalada Mandhera ee dalka Kenya ayaa sheegaya in ciidamo ka tirsan Al-shabaab aay weerar ku qaadeen goob aay ku sugnayeen ciidamo ka tirsan Booliiska dalka Kenya oo ku taala Waqooyiga Mandheera.