3/29/2024
Today from Hiiraan Online:  _
Wararka Maanta- Axad, Jun 6 , 2021
Cabdiraxmaan Cabdishakuur " Ma cadda hannaanka loo maray turxaan bixinta xubnaha guddiyada doorashada"
 

Axad, Juun, 6, 2021 (HOL) - Hoggaamiyaha Xisbiga Wadajir ahna Musharax Madaxweyne C/raxmaan C/shakuur Warsame oo goordhaw Shirjaraa'id ku qabtay magaalada Muqdisho ayaa si adag uga horyimid hanaanka loo maray turxaan bixinta xubnaha guddiyada doorashooyinka heer Fedaraal iyo heer dowlad goboleed aaysan waxba ka duwaneen qaabkii horay loogu magacaabay.

C/raxmaan C/shakuur ayaa sidoo kale sheegay ineysan jirin cid talo laga galiyay turxaan bixinta lagu sameeyay xubnahii cabashada laga qabay, isagoona tilmaamay in Xukuumadda iyada horay u magacawday guddiyada, hadana iyada lee go'aansatay iney wax ka badesho.

"Hannaanka loo maray turxaan bixinta xubnaha guddiyada doorashooyinka ee heer federaal iyo dowlad goboleed kama duwana habkii loo magacaabay. Xukuumadda iyadaa guddiyada soo magacaawday, iyadaa go’aansatay iney faafiso magacyada xubnaha tabashada laga qabo, caddeymaha iyada uunbaa heshay ama soo waysay. Ma jirto talo laga geliyey cidii cabashada qabtay, liiskana gudbisay oo ay ugu horreeyaan Midowga Murashaxiinta, Mana cadda hannaanka loo maray turxaan bixinta xubnaha" ayuu yiri C/raxmaam C/shakuur.

Waxuu intaasi ku daray ineey doonayaan doorasho daahfuran oo si hufnaan leh ku dhacdo, isago Raysal wasaare Rooble ugu baaqay inuusan ka bixin dhexdhexaadnimadii lagu balamay oo uu wado saxan u maro xalinta tabashooyinka horyaala arrimaha doorashooyinka iyo heshiisyadii aay wada gaareen madasha wadatashiga qaran.

"Waxaan aaminsanahay in inta badan xubnihii NISA ka tirsanaa, gaar ahaan kuwii dharcadda ahaa (Undercover) ay weli si xoog leh guddiyada ugu jiraan.  Waxaan ka codsanaynaa Raysalwasaaraha in uu xallinta tabashooyinka u maro waddo sax ah oo daahfuran, hufnaan iyo dhexdhexaadnimo leh, si ay doorashadu u noqoto mid la isla ogolyahay"

Hoggaamiye C/raxmaan C/shakuur ayaa sidoo kale Shirkiisa Jaraa'id ku sheegay in Soomaaliland aay ka dhacday doorasho xor iyo xalaal ah oo lagu wada qanacsan yahay taasoo ku timid in Mucaaradka iyo dowladaba aay doorashada ka hor isla garteen qabsoomida doorasho loo dhan yahay oo si wadajir ah looga wada tashtay.

"Hadii aay timaado doorasho boob ah ama ku shubasho ah waa lawada garan karaa cawaaqib xumida ka dhalan karta marka Raysal wasaare rooble waxaan u sheegaya waxaan ka diidnay Farmaajo inaan asaga ka yeeleynin" ayuu yiri C/raxmaan C/shakuur.

Hadalka Hoggaamiyaha Xisbiga Wadjir ayaa imaanaya iyadoo guddigii xaqiijinta Raysal wasaare Rooble magacaabay aay ku dhawaaqeen 34 xubnood oo ka mid ahaa guddiyada doorashada dalka in lagu helay eedeymahii loo soo jeediyay ee ahaa iney ka tirsan yihiin Shaqaalaha dowladda Soomaaliya.

Jamaal Cali Cabdi, Hiiraan Online
[email protected]













Click here
6/6/2021 1:46 PM EST
Axad, Juun, 6, 2021 (HOL) - Ciidamada Booliiska Soomaaliya ayaa sheegay iney gacanta ku dhigeen eedeysane Bashiir Cabdi Xasan oo dhawaan la sheegay inuu Xaaskiisii Salaado Faarax Cali uu ku dilay degmada Warta-nabadda ee gobolka Banaadir.

6/6/2021 12:40 PM EST
Axad, Juun, 6, 2021 (HOL) - Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Cabdiwahaab Ugaas Xuseen Ugaas Khaliif ayaa maanta xafiiskiisa ku qaabbilay Madaxa howlgalka Soomaaliya ee hay’adda Socdaalka adduunka ee IOM, Richard Danziger.

6/6/2021 10:10 AM EST
Axad, Juun, 6, 2021 (HOL) - Guddoomiye ku xigeenka koowaad ee xisbiga Kulmiye Axmed Cabdi dheere, ayaa sheegay in xisbiyada mucaaradku ay xaq uleeyihiin in ay is bahaystaan.

6/6/2021 9:38 AM EST
Axad, Juun, 6, 2021 (HOL) - Barkhad Jaamac Xirsi Batuun oo warbaahinta la hadlay ayaa guushiisa ku macneeyay in ay tahay mid jabisay dayrkii qablayada, hayb-sooca iyo yasitaanka isla markaana ay tahay astaan qaran.

6/6/2021 8:48 AM EST
Axad, Juun, 6, 2021 (HOL) - Puntland ayaa sheegtay in ay ku guulaystay in shacabka gobolada Sool, Sanaag iyo degmada Buuhoodle ee gobolka Togdheer aysan ka qeyb galin doorashooyinka Somaliland ee heer barlamaan iyo heer deegaan.

6/6/2021 8:29 AM EST
Axad, Juun, 6, 2021 (HOL) - Barkhad Jaamac Xirsi Batuun oo kasoo jeeda bulshada loogu yeedho “beelaha lahayb sooco” oo aan abid matalaad ku yeelan golayaasha Somaliland, ayaa guul taariikhi ah kaso hooyay doorashadii wakiilad ee Somaliland.

6/6/2021 6:53 AM EST
Axad, Juun, 6, 2021 (HOL)- Xisbiyada mucaaradka Somaliland ee UCID iyo Waddani, ayaa ku dhawaaqay in ay ku midoobeen isbahaysi siyaasadeed, oo ay xisbiga Kulmiye kagala wareegayaan aqlabiyada golayaasha deegaanka iyo wakiilada.

6/6/2021 2:08 AM EST
Axad, Juun, 6, 2021 (HOL) - Guddigii uu Raysal wasaaraha Soomaliya dhawaan u xilsaaray soo xaqiijinta xubnaha guddiyada doorashooyinka dalka ee tabashada laga soo gudbiyay ayaa ku dhawaaqay in 34 xubnood laga saaray liiska guddiyada doorashoyinka heer Fedaraal iyo heer dowlad goboleed.

6/6/2021 1:59 AM EST
Axad, Juun, 6, 2021 (HOL) - Howlgalka Midowga Afrika ee AMISOM ayaa jawaab kasoo saaray bayaan ay soo saartay Wasaaradda Arrimaha Dibadda Soomaaliya oo ku saabsan in diyaaradaha dagaalka Kenya ay duqeymo aan kala sooc lahayn la beegsadeen dadka rayidka ee gobolka Gedo.

6/6/2021 12:32 AM EST
Axad, Juun, 6, 2021 (HOL) - Natiijada hordhaca ah ee doorashooyinka golayaasha deegaanka iyo wakiilada ee degmada Hargaysa iyo gobolka Maroodijeex, oo aad loo sugayay ayaa lagu dhawaaqay.