3/28/2024
Today from Hiiraan Online:  _
Wararka Maanta- Sabti, Jun 5 , 2021
Somaliland oo amaro kasoo saartay debbaal degyada ay qabsanayaan musharixiinta guulaystay
 

Sabti, Juun, 5, 2021 (HOL) - Wasiirka wasaarada arrimaha gudaha Somaliland Maxamed Kaahin Axmed, ayaa amar ku siiyay musharixiinta guulaystay in anay qabsan wax debbaal dagyo ah.

Wasiir Kaahin ayaa joojinta debbaal degyada musharixiinta guulaysatay ku sababeeyay in la ilaalinayo niyada musharixiintii aan doorashada ku guulaysan  iyo cod bixiyayaashi anay musharixiintoodu guulaysan.

“Waxaynu doonaynaa in aynu ilaalino niyada iyo degenaanshaha dadkii shacabka aha ee doorashadan codkooda dhiibtay” ayuu yidhi.

“Waxaynu doonaynaa in aynu ilaalino tiro 900 iyo dheeraad ah, oo doorashada ka qayb galay oo 3 doloolow 2 dalool dhacayaan, musharixiinta soo baxday codka ay kusoo bexeen ragii dhacayna qayb ayay ku leeyihiin”.

“Musharixiinta marka waxa la rabaa saaxibadoodi ay isku xisbiga ahaayeen, ee doorashadii ay wada galeen, ee kuwa soo baxay ay codkoodana kusoo baxeen in la ilaaliyo” ayuu hadalkiisa kusii daray.

Wasiirka ayaa sidookale sheegay in debbaal dagyadu ay keeni karaan nabad galyo daro sida darteedna loo bahanyahay in la joojiyo, wuxuna ugu baaqay xisbiyada iyo musharixiinta in ay ka fogaadaan wixi nabad galyada dhawici kara.

Hore waxa debbaal dagyo u dhigtay musharixiinta kasoo baxay gobolada qaar kood ee Somaliland, waxana  hadhay oo kaliya in lagu dhawaaqo cida ku guulaysatay doorashada deegaanka iyo wakiilada ee gobolka Maroodijex iyo degmada Hargaysa.

Abdilahi Abdi Rahman, Hiiraan Online
[email protected] 












Click here
6/5/2021 1:09 PM EST
Sabti, Juun, 5, 2021 (HOL) - Booliiska Soomaaliya ayaa ka hadlay qarax xoogan oo khasaare dhimasho iyo dhaawacba leh geystay oo maanta ka dhacay magaalada Muqdisho ee Caasimada Soomaaliya.

6/5/2021 12:55 PM EST
Sabti, Juun, 5, 2021 (HOL) - Xafiiska imtixaanaadka Somaliland, ayaa ku dhawaaqay in 19 bishan Juun loo fadhiisan doono imtixinaanaadka shahaadiga ah ee fasalada 8aad iyo 4aad.

6/5/2021 9:12 AM EST
Sabti, Juun, 5, 2021 (HOL) - Madaxweynaha Puntland Siciid Cabdullaahi Deni ayaa sheegay in dad badan oo diidan horumarka Puntland ay isku dayayaan in ay ka hor yimaadaan nidaamka xisbiyada badan oo ay Puntland uga guurayso midkii qabaliga ahaa.

6/5/2021 8:21 AM EST
gobolka Banaadir, kaaso ka dhacay meel aad u mashquul badan oo aay ku yaalaan Boosteejo gadiidka laga raaco iyo waliba suuq lagu iibiyo Hilibka iyo Malaayga una dhaw isgoyska Ex-koontarool Afgooye.

6/5/2021 6:47 AM EST
Sabti, Juun, 5, 2021 (HOL) - Daadad ka dhashay roobab mahiigaan ah oo dhowaan ka da'ay guud ahaan Soomaaliya ayaa saameeyay dad lagu qiyaasay 400,000 oo ku nool 14 degmo tan iyo dabayaaqadii bishii Abriil, sida ay sheegtay hay'adda gargaarka ee Qaramada Midoobay.

6/5/2021 1:53 AM EST
Sabti, Juun, 5, 2021 (HOL) - Warar dheeraad ah ayaa kasoo baxaya dagaal xoogan oo xalay ka dhacay Ex-koontarool Balcad ee magaalada Muqdisho, kaasoo u dhaxeeyay ciidamada dowladda iyo kuwa Al-shabaab.

6/5/2021 1:35 AM EST
Sabti, Juun, 5, 2021 (HOL) - Dowladda Soomaaliya ayaa si adag u cambaareysay duqeymaha diyaaradaha Kenya ay ka geysteen gobolka Gedo ee Soomaaliya oo ay ku dhinteen kuna dhaawacmeen dad rayid ah.

6/5/2021 1:29 AM EST
Sabti, Juun, 5, 2021 (HOL) - Koomiishanka doorashooyinka ee heer degmo, ayaa ku dhawaqay natiijada hordhaca ah ee doorashada golaha deegaanka ee degmada Gabilay.