3/29/2024
Today from Hiiraan Online:  _
Wararka Maanta- Sabti, Jun 5 , 2021
Dowladda Soomaaliya oo si kulul u cambaaraysay duqeymaha Kena ay ka fulisay gobolka Gedo
 

Sabti, Juun, 5, 2021 (HOL) - Dowladda Soomaaliya ayaa si adag u cambaareysay duqeymaha diyaaradaha Kenya ay ka geysteen gobolka Gedo ee Soomaaliya oo ay ku dhinteen kuna dhaawacmeen dad rayid ah.

War qoraal ah oo ay jimcihii xalay sii daysay wasaaradda Arrimaha Dibadda ee Soomaaliya, ayaa lagu sheegay in duqeymaha Kenya ee aan kala sooca lahayn ay noqdeen wax joogto ah.

"Dowladda Federaalka Soomaaliya (FGS) waxay si adag u cambaareyneysaa duqeymaha joogtada ah ee ay geysanayaan diyaaradaha dagaalka Kenya ee lagu dilayo laguna dhaawacayo dadka rayidka ah ee Soomaaliya. Duqaymahii ka dhacay gobolka Gedo, Jubaland State, 3da Juun 2021, waa tusaalihii ugu dambeeyay ee howlgalada Ciidamada Difaaca Kenya (KDF) ee sababay dhimashada iyo curyaaminta dadka rayidka ah, oo ay ku jiraan haweenka iyo caruurta. Taas waxay astaan aan wanaagsaneyn u noqonaysaa nidaamka howlgalada ciidamada cirka Kenya." ayaa lagu yiri bayaanka.

Bayaanka ayaa lagu sheegay in ciidamada Kenya oo katirsan howlgalka AMSISOM aysan si ku filan u ilaalin rayidka, gaar ahaan haweenka iyo caruurta, xilliga ay la dagaalamayaan kooxda Alshabaab ee ka dagaalanta Soomaaliya.

Dowladda Soomaaliya waxay ka digtay in weerarada noocaan ah ee taxaddar la'aanta ah ee Kenya ay la beegsanayso dadka rayidka ah, ay horseedi doonto in ay bulshadu si toos ah ugu dhacdo gacanta Al-Shabaab.

"Waxaa sii kordheysa daandaansiga iyo kala sooc la'aanta ciidamada Kenya ee howlgalada ka fuliya Soomaaliya, iyagoo ku marmarsiyoonaya la dagaalanka xagjirnimada. Waxba kumasoo kordhin doonaan dadaallada xasilinta iyo ka hortagga xagjirnimada. Laakiin waxay sii kordhinayaan bulshooyinka taageera xag-jirnimada,” ayaa lagu yiri bayaanka.

Dowladda Soomaaliya waxay sheegtay in walaacan ay u gudbisay dowladda Kenya iyo Midowga Afrika ayna horayn doonto golaha nabada iyo amaanka midowga Afrika.



Abdiweli M. Sheikh, Hiiraan Online

 












Click here
6/5/2021 1:09 PM EST
Sabti, Juun, 5, 2021 (HOL) - Booliiska Soomaaliya ayaa ka hadlay qarax xoogan oo khasaare dhimasho iyo dhaawacba leh geystay oo maanta ka dhacay magaalada Muqdisho ee Caasimada Soomaaliya.

6/5/2021 12:55 PM EST
Sabti, Juun, 5, 2021 (HOL) - Xafiiska imtixaanaadka Somaliland, ayaa ku dhawaaqay in 19 bishan Juun loo fadhiisan doono imtixinaanaadka shahaadiga ah ee fasalada 8aad iyo 4aad.

6/5/2021 9:12 AM EST
Sabti, Juun, 5, 2021 (HOL) - Madaxweynaha Puntland Siciid Cabdullaahi Deni ayaa sheegay in dad badan oo diidan horumarka Puntland ay isku dayayaan in ay ka hor yimaadaan nidaamka xisbiyada badan oo ay Puntland uga guurayso midkii qabaliga ahaa.

6/5/2021 8:21 AM EST
gobolka Banaadir, kaaso ka dhacay meel aad u mashquul badan oo aay ku yaalaan Boosteejo gadiidka laga raaco iyo waliba suuq lagu iibiyo Hilibka iyo Malaayga una dhaw isgoyska Ex-koontarool Afgooye.

6/5/2021 6:47 AM EST
Sabti, Juun, 5, 2021 (HOL) - Daadad ka dhashay roobab mahiigaan ah oo dhowaan ka da'ay guud ahaan Soomaaliya ayaa saameeyay dad lagu qiyaasay 400,000 oo ku nool 14 degmo tan iyo dabayaaqadii bishii Abriil, sida ay sheegtay hay'adda gargaarka ee Qaramada Midoobay.

6/5/2021 6:39 AM EST
Sabti, Juun, 5, 2021 (HOL) - Wasiirka wasaarada arrimaha gudaha Somaliland Maxamed Kaahin Axmed, ayaa amar ku siiyay musharixiinta guulaystay in anay qabsan wax debbaal dagyo ah.

6/5/2021 1:53 AM EST
Sabti, Juun, 5, 2021 (HOL) - Warar dheeraad ah ayaa kasoo baxaya dagaal xoogan oo xalay ka dhacay Ex-koontarool Balcad ee magaalada Muqdisho, kaasoo u dhaxeeyay ciidamada dowladda iyo kuwa Al-shabaab.

6/5/2021 1:29 AM EST
Sabti, Juun, 5, 2021 (HOL) - Koomiishanka doorashooyinka ee heer degmo, ayaa ku dhawaqay natiijada hordhaca ah ee doorashada golaha deegaanka ee degmada Gabilay.