3/28/2024
Today from Hiiraan Online:  _
Wararka Maanta- Khamiis, Jun 10, 2021
Wiilal dhalinyaro ah oo Xalay siyaabo kala duwan loogu dilay Muqdisho
 

Khamiis, Juun, 10, 2021 (HOL) - Wiilashaan dhalinyarada ah ayaa siyaabo kala duwan xalay loogu dilay magaalada Muqdisho ee Caasimada Soomaaliya.

Dilalka ayaa ka kala dhacay degmooyinka Hodan iyo Deyniile ee gobolka Banadir waxaana loo geystay laba wiil oo dhalinyaro yar yar ahaa.

Dilka koowaad ayaa ka dhacay xaafada Siigaale ee degmada Hodan waxaana loo geystay wiil lagu magacaabi jiray Nuuradiin kaaso la sheegay in dilkiisa uu geystay Askari Bistoolad ku hubeysanaa, lama sheegin ilaa hadda sababta ka dambeysa dilka wiilkaasi dhalinyarada ahaa.

Dilka labaad ayaa isna xalay waxaa loogu geystay degmada Deyniile wiil kale oo dhalinyaro ahaa kaaso lagu magacaabi jiray Jabriil Cabdi Aadan, waxaana la sheegay in dilkiisa aay ka dambeyeen rag burcad ah oo doonayay iney ka dhacaan Mobeyl oo gacanta ku sitay isna uu ka madax adeegay inuu dhiibo dabadeedna aay xabad ku dhufteen, iyagoo goobta isaga baxsatay burcadii dilka geysatay.

Muqdisho waxaa maalmahii lasoo dhaafay kusoo kordhayay falalka amaan darada gaar ahaan falalka la xariira dhaca loo geysanayo dadka shacabka ah.

Jamaal Cali Cabdi, Hiiraan Online
[email protected]













Click here
6/10/2021 9:00 AM EST
Khamiis, Juun, 10, 2021 (HOL) - Dowladda Kenya ayaa shaacisay iney dib u fasaxday duulimaadyadii tooska ahaa ee kala dhaxeeyay dowladda Soomaaliya.

6/10/2021 7:44 AM EST
Khamiis, Juun, 10, 2021 (HOL) - Wasiirka warfaafinta dowladda Soomaaliya, Cusmaan Abukar Dubbe ayaa beeniyay wararka sheegaya in ciidamo Soomaaliyeed oo lagu tababarayay dalka Eritrea ay ka qeyb galeen dagaalada ka socda dalka Ethiopia.

6/10/2021 6:59 AM EST
Khamiis, Juun, 10, 2021 (HOL) - Mudaharaad loogasoo horjeedo dhalinyaro Soomaaliyeed oo dalka Eritrea tababar ciidan loogu qaaday kadibna laga qeyb galiyay dagaalada waqoooyiga Ethiopia ka socda ee lagula jiro ciidamada Tigrayga ayaa maanta ka dhacay Muqdisho.

6/10/2021 5:22 AM EST
Khamiis, Juun, 10, 2021 (HOL) - Shirkadda labaad ee ugu weyn ee soo saarta hilibka lo'da, hilibka doofaarka iyo digaagga ee dalka Mareykanka ayaa bixin doonta illaa $ 5.5 milyan si ay u xalliso dacwad ku saabsan in shirkaddu ay takooreyso shaqaalaha muslimiinta ah ee ka shaqeeya warshaddan oo ku taal waqooyiga Colorado.

6/10/2021 4:30 AM EST
Khamiis, Juun, 10, 2021 (HOL) - Dowladda Soomaaliya ayaa sheegtay in ciidamadeeda qalabka sida ay xireen hoggaamiye sare oo ka tirsan kooxda al-Shabaab kadib hawlgal ka dhacay gobolka Shabeellada Dhexe.

6/10/2021 1:58 AM EST
Khamiis, Juun, 10, 2021 (HOL) - Madaxweynahii hore ee Soomaaliya Xasan Sheekh Maxamuud ayaa si adag uga hadlay dhalinyaradii dowladda Fedaraalka Soomaaliya tababarka ciidan ugu qaaday qadan Eretariya, ee la sheegay in laga qeyb galiyay dagaalo cusla oo ka dhacay gobolka Tigreeyga ee dalkaasi Itoobiya.