10/18/2021
Today from Hiiraan Online:  _
Wararka Maanta- Talaado, July 27, 2021
Madaxweynaha Jubbaland oo kulan la qaatay guddiga doorashada heer Fedaraal iyo heer dowlad goboleed
 

Talaado, Luulyo, 27, 2021 (HOL) - Madaxweynaha maamul goboleedka Jubbaland Axmed Maxamed Islaam, Axmed Madoobe ayaa madaxtooyada Kismaayo kulan kula qaatay madaxda guddiga hirgelinta doorashoyinka heer Fedaraal iyo heer dowlad goboleed ee Jubbaland.

Madaxweyne Axmed Madoobe ayaa xubnaha labada guddi ka dhageystay marxaladaha iyo daruufaha shaqo ee ay ku guda jiraan iyo waliba sida ay u socoto dardargelinta doorashooyinka.

Kulanka ayaa diirada lagu saaray sidii looga wadashaqeyn lahaa doorasho hufan oo daahfuran in sida ugu dhaqsaha badan loo qabto.

Madaxweynaha Jubbaland ayaa si gaar ah amaan ugu jeediyay guddiga doorashada heer dowlad goboleed ee maamulka Jubbaland, isagoona kula dardaarmay qabashada shaqada adag ee hortaala iyo tan ay soo qabteen maalmahii lasoo dhaafay iyo iney si cadaalad ah u maamulaan inta uga harsan shaqooyinkooda.

Jamaal Cali Cabdi, Hiiraan Online
[email protected]












Click here
7/27/2021 9:34 AM EST
Talaado, Luulyo, 27, 2021 (HOL) - Ra’iisul Wasaaraha xukuumada Soomaaliya, Maxamed Xuseen Rooble, ayaa ku boggaadiyay Madaxweynaha Jubbaland Axmed Maxamed Islaam soo gudbinta Liiska qaar kamid ah musharaxiinta u tartamaya golaha aqalka Sare.

7/27/2021 8:08 AM EST
Talaado, Luulyo, 27, 2021 (HOL) - Madaxweynaha maamulka Jubbaland Axmed Maxamed Islaam, Axmed Madoobe ayaa maanta si rasmi ah usoo gudbiyay liiska xubnaha Musharaxiinta ee ku tartamaya Kuraasta Aqalka Sare ee Baarlamaanka Soomaaliya qeyb ka mid ah.

7/27/2021 6:50 AM EST
Talaado, Luulyo, 27, 2021 (HOL) - Xogeeyaha arrimaha bulshada ee xisbiga mucaaradka ah ee Waddani Maxammed Sadiiq Dhame, oo warbaahinta la hadlay ayaa sheegay in mashiinkii baadhista dhiigaga ee uu laha isbitaalka Ceerigaabo la xaday isla markaana loo iib geeyay Garowe.

7/27/2021 5:13 AM EST
Talaado, Luulyo, 27, 2021 (HOL) - Madaxweynaha Puntland Siciid Cabdulaahi Deni ayaa deeq waxbarasho u ballanqaaday Yacquub Mursal Yuusuf oo ahaa ardaygii ugu sareeyay imtixaankii shahaadiga ee fasalka afaraad ee dugsiyada sare Puntland.

7/27/2021 5:03 AM EST
Talaado, Luulyo, 27, 2021 (HOL) - Midowga Yurub (EU) iyo la-hawlgalayaashooda ayaa kala bar dhimay miisaaniyadda ciidamada Kenya ee ku sugan Soomaaliya, ka dib markii askarta Kenya ay si qarsoodi ah uga baxeen howlgalka AMISOM.

7/27/2021 2:18 AM EST
Talaado, Luulyo, 27, 2021 (HOL) - Wararka naga soo gaaraya deegaanka Dhagxanya Cadde oo ka tirsan deegaanada hoos yimaada degmada Galdogob ee gobolka Mudug ayaa sheegaya in halkaasi Xalay lagu dilay dad shacab ah.

7/27/2021 1:04 AM EST
Talaado, Luulyo, 27, 2021 (HOL) - Taliyaha Booliiska Somaliland Maxammed Aadan Saqadhi (Dabagale), ayaa sheegay in Khamri iyo Xashiishad aan tiro lahayn Somaliland si sharci daro ah lagu soo galiyo, isla markaana booliisku fashiliyay tabo layaable oo dadka ka ganacsada maandooriyuhu isticmaalaan.