10/18/2021
Today from Hiiraan Online:  _
Wararka Maanta- Isniin, July 26, 2021
Faahfaahino kasoo baxaya qarax khasaare geystay oo ka dhacay gobolka Hiiraan
 

Isniin, Luulyo, 26, 2021 (HOL) - Warar dheeraad ah ayaa kasoo baxaya qarax miino oo geystay khasaare isugu jiro dhimasho iyo dhaawac oo ka dhacay inta u dhaxeeyaa deegaanada Beergidiid iyo Coomaad oo u dhaxeeya magaaloyinka Baledweyne iyo Maxaas.

Qaraxa miinada ayaa la sheegay inuu haleelay gaari ay saarnayeen ciidamo ka tirsan dowladda Soomaaliya oo la sheegay iney ku guda jireyn howlgalo ka dhan ah Al-shabaab.

Inta la xaqiijiyay laba ruux oo mid askari yahay midna Macawiisley yahay ayaa ku geeriyootay qaraxa oo miino ee lala beegsaday ciidamada howlgalada ka sameynayay inta u dhaxeeysa magaalooyinka Baledweyne iyo Maxaas ee gobolka Hiiraan, waxaana jira dadkale oo aay dhaawacyo kasoo gaareen qaraxa oo la geeyay Isbitaalka Guriceel ee gobolka Galgaduud.

Dad goobjoogayaal ah ayaa sheegay in qaraxa kadib inuu dhacay iska hor imaad muddo kooban socday oo dhexmaray ciidamada dowladda iyo kuwa Al-shabaab, walow aanan la xaqiijin karin khasaaraha ka dhashay iska hor imaadkaasi.

Jamaal Cali Cabdi, Hiiraan Online
[email protected]












Click here
7/26/2021 2:16 PM EST
Isniin, Luulyo, 26, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble iyo wafdi uu hoggaaminaayo ayaa ka duulay magaalada Muqdisho, iyagoo kusii jeeda magaalada London ee dalka Ingiriiska.

7/26/2021 8:47 AM EST
Isniin, Luulyo, 26, 2021 (HOL) - Ramla Cali oo ah gabadha Soomaaliya ku mataleysay cayaaraha feerka Olombikada ee Tokyo ayaa looga adkaaday dhibco kadib markii ay is wajaheen gabar kale oo ka socotay dalka Romania.

7/26/2021 5:40 AM EST
Isniin, Luulyo, 26, 2021 (HOL) - Ramla Cali oo ah gabar Soomaaliyeed ayaa maanta galinka dambe ciyaareysa tartanka Feerka Olimbikada ee ka socda wadanka Japan, kaasoo ay Soomaaliya ku mataleyso qeybgalkeeda.

7/26/2021 2:24 AM EST
Isniin, Luulyo, 26, 2021 (HOL) - Ciidamada Xooga dalka ayaa howlgalo qorsheysan ka sameeyay deegaano hoos yimaada degmada Awdhiigle ee gobolka sh/hoose.

7/26/2021 1:47 AM EST
Isniin, Luulyo, 26, 2021 (HOL) - Ciidanka Xoogga Dalka Soomaaliya ayaa sheegay in ay gacanta ku dhigeen Horjogihii Al-Shabaab u qaabilsanaa howlgalinta gobolka Shabellaha Hoose.

7/26/2021 1:42 AM EST
Isniin, Luulyo, 26, 2021 (HOL) - Xafiiska Qaramada Midoobay ee Soomaaliya ayaa war qoraal ah oo kasoo baxay waxaa lagu soo dhaweeyay guddii uu shalay u magacaabay Raysal wasaaraha Soomaaliya ilaalinta qoondada dumarka ee 30% inta lagu guda jiro doorashooyinka dalka.

7/26/2021 1:38 AM EST
Isniin, Luulyo, 26, 2021 (HOL) - Raysal wasaaraha Xukuumadda Soomaaliya Maxamed Xuseen Rooble ayaa kulan kula qaatay madaxada Wadatashiga Qaran ee dalka.