3/1/2021
Today from Hiiraan Online:  _
Wararka Maanta- Sabti, Jan 9 , 2021
Diyaaraddo sidda ciidanka Haramcad oo goordhaw ka degay garoonka Baledweyne


 

Sabti, Janaayo, 09 2021 (HOL) - Waxaa goordhaw garoonka diyaaradaha Ugaas Khaliif ee magaalada Beledweyne kaso dagay laba diyaarad oo siday ciidanka Booliiska ee sida gaarka ah u tababaran ee Haramcad.

Illo xog ogaal ah ayaa Shabakadda HOL u xaqiijiyay in ciidanka soo dagay aay tiro ahaan gaarayaan 100-Askari kuwaasi oo aad u hubeysan.

Labada diyaarad ee haatan soo gaaray garoonka Ugaas Khaliif ayaa midiiba siday 50 Askari walina waxay ku sugan yihiin gudaha garoonka Ugaas Khaliif lamana oga sababta rasmiga ah ee ka dambeysa imaasha ciidankan iyo u jeedkooda.

Warar hoose oo lagu kalsoonaan karo oo kusoo dhacaya warqabadka Shabakadda HOL ayaa sheegaya in ciidamadan ujeedkoodu yahay sugida amaanka doorashoyinka ka dhaci doona maalmaha soo socda deegaanka Ceeljaalle.

Dhinaca kale imaashaha ciidankan ee Baledweyne ayaa imaanaya xili maalintii shalay aheyd uu gaaray magaalada Muqdisho madaxweynaha Hirshabeelle Cali Guudlaawe oo horay loogu diiday inuu yimaado magaalada Baledweyne lamana oga ciidankan ujeedkoodu yahay gogol xaarka imaashaha Cali Guudlaawe ee Baledweyne.

Shacabka ku dhaqan Baledweyne ayaa saaka aad u hadal haayo ciidamadan soo gaaray Baledweyne, xili duleedka magaalada ay dagan yihiin ciidamo hubeysan oo diidan jiritaanka Hirshabeelle.

Jamaal Cali Cabdi, Hiiraan Online
[email protected]












Click here
1/9/2021 2:35 PM EST
Sabti, Janaayo, 09 2021 (HOL) -Sida ay shaaciyeen Warbaahinta afka dawladda ku hadasha waxaa gacanta lagu soo dhigay xubno ka tirsanaa TPLF oo uu ku jiro ninka lagu magacaabo Sebhat Nega.

1/9/2021 12:27 PM EST
Sabti, Janaayo, 09 2021 (HOL) - Siyaasi Cabdiraxmaan Cabdishakuur Warsame ahna musharax madaxweynaha Soomaaliya ayaa ka hadlay ciidamo ka tirsan Haramcad oo maanta la geeyay magaalada Baledweyne ee xarunta gobolka Hiiraan.

1/9/2021 11:25 AM EST
Sabti, Janaayo, 09, 2021 (HOL) -Diyaarad Rakaab ah oo ay la socdeen in ka badan 50 qof ayaa la waayey waxyar uun ka dib markii ay ka duushay caasimada Indonesia ee Jakarta.

1/9/2021 11:17 AM EST
Sabti, Janaayo, 09 2021 (HOL) - Wasiirka Maaliyadda Soomaaliya Cabdiraxmaan Ducaale Beyle ayaa ka hadlay arrimaha Shidaalka ee aadka loo hadalyay toddobaadkaan, wuxuuna xaqiijiyay in aysan jirin wax heshiis ah oo ku saabsan qodida Shidaalka Soomaaliya oo lala saxiixday shirkaddo ajanabi ah.

1/9/2021 10:56 AM EST
Sabti, Janaayo, 09 2021 (HOL) - Golaha midowga murrashixiinta Soomaaliya ayaa wax lala yaabo ku tilmaaamay go’aankii maanta kasoo baxay raysal wasaaaraha Soomaaliya oo sheegay in dowladdu bilaaabayso hirgalinta doorashooyinka Soomaaliya, iyadoo weli uu jiro khilaaf siyaasadeed.

1/9/2021 6:07 AM EST
Sabti, Janaayo, 09 2021 (HOL) - Madaxweynaha Galmudug Axmed Cabdi Kaariye Qoorqoor ayaa sheegay in aysan wax jawaab ah kasoo noqon Puntland iyo Jubaland dhexdhexaadintii uu waday ee ahaa in la dhameeyo tabashooyinka ay ka qabaan doorashada.

1/9/2021 5:24 AM EST
Sabti, Janaayo, 09, 2021 (HOL) -Ra'iisal Wasaaraha Xukuumadda Soomaaliya Maxamed Xusseen Rooble ayaa war uu soo saaray ku sheegay in ugu danbeyntii xukuumadu go'aansatay in la guda-galo doorashada, kaddib markii uu kulan la qaatay madaxweynayaasha dowlad gobolleedyada Galmudug, Koonfur Galbeed, Hirshabeelle iyo Guddoomiyaha Gobolka Banaadir.

1/9/2021 4:16 AM EST
Sabti, Janaayo, 09 2021 (HOL) - Xiisado colaadeed oo u dhexeeya Puntland iyo Somaliland ayaa lagasoo sheegayaa degaano katirsan gobolka sanaag halkaas oo ay Somaliland doonayso in ay ka sameyso diiwaan galinta codbixiyaasha doorashooyinka golayaasha barlamaanka iyo deegaanka ee kusoo wajahan Somaliland.

1/9/2021 1:09 AM EST
Sabti, Janaayo, 09 2021 (HOL) - Hay'adda Caafimaadka Adduunka ayaa codsatay 1.23 milyan oo doolar si ay u sii waddo waxqabadyada lagu caawinayo Soomaaliya si looga gudbo cawaaqib xumada ka dhalatay duufaantii Gati ee ku dhufatay maamul goboleedka Puntland bishii Nofeembar iyo sidoo kale ka hortagga cudurrada ka dhasha biyaha.

1/9/2021 1:03 AM EST
Sabti, Janaayo, 09 2021 (HOL) - howlgal qorsheysan oo ay gobolka Sabeellaha Hoose ka fuliyeen ciidanka DANAB ee dowladda Soomaaliya ayeey ku sheegeen in ay ku burburiyeen gaari walxaha qarxa laga soo buuxiyay.

1/9/2021 12:11 AM EST
Sabti, Janaayo, 09, 2021 (HOL) - Madaxweynaha Dowlad Gobolleedka Jubbaland Axmed Maxamed Islaam [Axmed Madoobe] ayaa mar ku celiyay in xa laga gaaro arrimaha gobolka Gedo oo sida uu hadalka u dhiggay ah caqabada ugu weyn ee hortaagan qabsoomida doorashada.

1/9/2021 12:09 AM EST
Sabti, Janaayo, 09, 2021 (HOL) - Warar ka imanaya gobolka Shabeellaha Dhexe ayaa sheegaya in saacadihii ugu danbeeyay uu ku daggay Ayax raxan raxan u socda beeraha degmooyinka Jowhar iyo Mahadaay.

1/9/2021 12:07 AM EST
Sabti, Janaayo, 09 2021 (HOL) - Shirkadda Twitter ka ayaa hawadda ka saartay gabi ahanba hoggii madaxweynaha dalka Mareykanka Donald Trump kaddib markii la ogdaaday in loo adeegsado erayo kicin ah ama aan u wanaagsaneyn amniga dalka.

1/9/2021 12:03 AM EST
Sabti, Janaayo, 09 2021 (HOL) -Xarunta Madaxtooyada Soomaaliya saacadihii ugu danbeeyay waxaa kulamo xasaasi ah ku lahaa madaxweynaha dowladda Soomaaliya Soomaliya Maxamed Cabdullaahi Farmaajo iyo Madaxweynayaasha Galmudug, Koonfur Galbeed iyo Hirshabeelle, kuwaa oo ka wadahadlay khilaafka Doorashada,