3/4/2021
Today from Hiiraan Online:  _
Wararka Maanta- Axad, Jan 10, 2021
Axmed Madoobe oo ka diggay in la qabto doorasho hal dhinac ah


 

Axad, Janaayo, 10, 2021 (HOL) -  Madaxweynaha dowlad gobolleedka Jubbaland Axmed Maxamed Islaam [Axmed Madoobe] oo dib ugu laabtay magaalada Kismaayo ayaa ka diggay in dalkani ka dhacdo doorasho hal dhinac ah.

Wuxuu sheegay in go'aankii shalay ka soo baxay xukuumadda Soomaaliya uusan aheyn mid u wanaagsan dalka, sidaa daraadeed loo baahan yahay in dib leysugu laabto la diyaariyo hannaan raali laga wadayahay oo doorashadu ku dhici karto.

''Waxaan ka digeynaa in dad gaar ah inta loo yeerto la yiraahdo doorashada qabto, iyadoo la diidayo in la wada hadlo oo xal laga gaaro arrimaha leysku hayo'' ayuu yiri Axmed Madoobey.

Mar uu soo hadal qaaday jawaabtii uu bixiyay madaxweynaha Galmudug Axmed Cabdi Kaariye Qoorqoor ayuu sheegay in arintaasi aysan sax aheyn oo wax jawaab ah oo uu ku soo celiyay madaxweynaha Galmudug aysan jirin.

Dhankiisa ayuu sheegay in uu diyaar u yahay in uu fuliyo heshiiskii 17kii September lagu gaaray magaalada Muqdisho ee doorashada, laakiin waxaa uu taa badalkeeda sheegay in loo baahan yahay in marka hore laga wadahadlo arinta Gedo.

“Diyaar ayaan u nahay  inaan qabano doorasho,waana ina la abuuraa  jawi aan uga qaban karno doorasho gobolka Gedo gaar ahaan magaalada Garbahaareey halkaasi maamul kama jiri amni kama jiro,waa in maamul goboleedka loo daayo doorashada,”ayuu sii raaciyay.

Ugu danbeyntii wuxuu sheegay in looga baahan yahay dadka ku dhaqan gobolka Gedo in aan lagu kala qeybin siyaasaddaha dalka ka jira.

Hadalka Axmed Madoobey ayaa imanaya xili maalintii shalay Ra'iisal Wasaaraha Soomaaliya ku dhawaaqay in la bilaabayo doorashada iyadoo aysan jirin cid danbe loo sugayo,

Cabdiraxmaan Diini, Hiiraan Online
[email protected]   


















Click here
1/10/2021 10:13 AM EST
Axad, Janaayo, 10, 2021 (HOL) - Madaxweynihii hore ee Puntland Senator Cabdiraxmaan Faroole ayaa loo Magacaabay Gudoomiyaha Guddi qiimayn iyo talo-bixin kasoo diyaariya qiimo dhaca iyo diidmada lacagta shilinka soomaliga ah.

1/10/2021 7:41 AM EST
Axad, Janaayo, 10, 2021 (HOL) - Wararka ka imanaya degmada Wanlaweyn ee gobolka Shabeellaha hoose ayaa sheegaya in maanta ka qarxay dagaal culus oo u dhaxeeya ciidamo ay kala wataan guddoomiyaha degmada iyo ku-xigeenkiisa.

1/10/2021 7:04 AM EST
Axad, Janaayo, 10, 2021 (HOL) - Degmooyinka uu ka kooban yahay gobolka Sool ayaa saaka laga bilaabay diiwaan gelinta codbixitayaasha doorashada Somaliland.

1/10/2021 4:01 AM EST
Axad, Janaayo, 10, 2021 (HOL) - Gudoomiyaha Aqalka Sare ee Soomaaliya, Cabdi Xaashi Cabdullaahi ayaa wax kama jiraan ku tilmaamay hadalka Madaxwayne Qoor Qoor ee ahaa in dadka tabashada ka qaba hannaanka doorashada uu kusoo celiyey jawaab tanaasul ku jiro oo ka timid madaxda dowladda federalka.

1/10/2021 3:40 AM EST
Axad, Janaayo, 10, 2021 (HOL) - Somaliland ayaa maanta xayiraadii ka qaaday telefishinka Universal oo kamid ah telefishinada madaxa bannaan, kadib muddo dhowr bilood ah oo lagaga mamnuucay inuu ka shaqeeyo gudaha Somaliland.

1/10/2021 3:31 AM EST
Axad, Janaayo, 10, 2021 (HOL) - Sida laga soo xigtay dadka deegaanka saacadihii ugu danbeeyay dagaal dagaal oo loo maleynayo in laga leeyahay dalka Kenya ayaa duqeyn dhinaca cirka ah ka geystay qeybo ka mid ah gobolka Gedo.

1/10/2021 3:04 AM EST
Axad, Janaayo, 10, 2021 (HOL) - Ugu yaraan afar askari oo ka tirsan millatariga Kenya ayaa la dilay tiro kalane waa la dhaawacay kadib markii gawaaridooda lala eegtay qarax meel u dhow xadka Soomaaliya iyo Kenya.

1/10/2021 1:03 AM EST
Axad, Janaayo, 10, 2021 (HOL) - Kiiskaska cudurka Covid 19 ee qaarradda Africa ayaa u muuqda mid sare u sii kacaya iyadoo ilaa iyo hadda Tirada la xaqiijiyay ee COVID-19 ee qaaradda Afrika ayaa gaarayaan 2,986,564 ilaa galabnimadii Sabtida sida laga xigta xarunta Afrika ee xakamaynta iyo Kahortagga Cudurrada (Africa CDC) ayaa sidaas sheegtay.

1/10/2021 12:42 AM EST
Axad, Janaayo, 10, 2021 (HOL) - Iyadoo dhawaantan Wasiirka Wasaarradda Ganacsiga Xukuumadda Soomaaliya Khaliif Cabdi Cumar uu magacaabay guddi ku -meel-gaar ah oo sii waddi doona howlihii rugta Ganacisga iyo Warshadaha ayaa qoraal ka soo baxay guddigan KMG ee la magacaabay waxaa ay ku sheegeen in ay bilaabi doonaan howlaha loo idmaday.

1/10/2021 12:29 AM EST
Axad, Janaayo, 10, 2021 (HOL) - Dagaal hor leh oo dhex marey Soomaalida iyo Booranta ku dhaqan xuduudda gobollada Wajeer iyo Gaarisa ee dalka Kenya ayaa la sheegay inay ku dhinteen toddoba qof.

1/10/2021 12:12 AM EST
Axad, Janaayo, 10, 2021 (HOL) - Madaxweynihii hore ee Soomaaliya Xassan Sheekh Maxamuud kana mid ah midowga musharixiinta dalka ayaa ayaa si adag uga jawaabay tallaabadii ay xukuumaddu ku go'aansatay in doorashada la qabanayo iyadoo aysan jirin cid loo joojinayo.