3/4/2021
Today from Hiiraan Online:  _
Wararka Maanta- Axad, Jan 10, 2021
Xassan Sheekh '' Go'aan hal dhinac ah wuxuu khatar ku yahay midnimada dalka


 

Axad, Janaayo, 10, 2021 (HOL) - Madaxweynihii hore ee Soomaaliya Xassan Sheekh Maxamuud kana mid ah midowga musharixiinta dalka ayaa ayaa si adag uga jawaabay tallaabadii ay xukuumaddu ku go'aansatay in doorashada la qabanayo iyadoo aysan jirin cid loo joojinayo.

Xassan Sheekh ayaa ku tilmaamay go'aankaas mid khatar ku ah sida uu hadalka u dhiggay midnimada dalka, isaga oo sheegay in aan wax la aqbali karo aheyn in la qabto doorasho hal dhinac oo kaliya ka socta.

Wuxuu sheegay in dalku halis gali doono haddii lagu sii socdo go'aanka doorasho ee xukuumaddu ku dhawaaqday,  isaga oo intaa ku darray in aysan helin jawaabtii ay ka sugayeen dhinaca dowladda, laakiin ka war heleen oo kaliya go'aankan ay dowladdu qaadatay.

''Anagoo ka warsugeyna madaxdii ayeey warka aad aragteen soo saareen waa yimaadeen war qaarkiis qadaf ah;waalaga soconaa. dalkan hadda ayuu kal a taagan yahay Somaliland ayaa naga maqan oo la raadineyay.. qaar kalena in sabab loo abuuro ay gooni su taagaan sax maaha, qaddiyada doorshada ee maanta taagan waa hannaan u baahan kalsooni iyo wadar ogol, waxayna ku habooneyn in shir la isugu yimaado oo lagu soo bandhigo ayuu yiri ” ayuu yiri Xasan Sheekh.

Xassan Sheekh ayaa intaa ku darray in marnaba madaxweynaha u socon doonin in dadka qaarna uu yiraahdo waa laga maarmaa kuwa kalana uu ciidan ku daabulo si xoog loogu maquuniyo, isaga oo intaa ku darray in  mas'uuliyiintii ka hadashay doorashada aysan dadkoodu ku matalin go'aankaa isaga ah.

''Madaxweynaha sidii ruuxaantii dadka yuusan ka soo dhex hadlin ee bannaanka ha yimaado, haddii shalay doorashooyinkii ciidan iyo xoog lagu boobay, tani tii hore waa ka duwan tahay ayuu yiri” Xasan Sheekh.

''Masiirkan dalka Suuq Madow ma'aha. mana wadi karaa afar ruux oo is jecel, waan tallaada dib loo celinayaa mar kalana leysugu yimadaa shir'' ayuu hadalkiisa sii raaciyay Xassan Sheekh Maxamuud.

Xasan Sheekh ugu danbeyntii oo ka hadlay ciidamada la geeyay magaalada Beledweyne iyo meelaha kale ee dalka u qaadanayaa micnahooda in doorashada lagu boobo.

Cabdiraxmaan Diini, Hiiraan Online
[email protected]   
 














Click here
1/10/2021 10:13 AM EST
Axad, Janaayo, 10, 2021 (HOL) - Madaxweynihii hore ee Puntland Senator Cabdiraxmaan Faroole ayaa loo Magacaabay Gudoomiyaha Guddi qiimayn iyo talo-bixin kasoo diyaariya qiimo dhaca iyo diidmada lacagta shilinka soomaliga ah.

1/10/2021 9:42 AM EST
Axad, Janaayo, 10, 2021 (HOL) - Madaxweynaha dowlad gobolleedka Jubbaland Axmed Maxamed Islaam [Axmed Madoobe] oo dib ugu laabtay magaalada Kismaayo ayaa ka diggay in dalkani ka dhacdo doorasho hal dhinac ah.

1/10/2021 7:41 AM EST
Axad, Janaayo, 10, 2021 (HOL) - Wararka ka imanaya degmada Wanlaweyn ee gobolka Shabeellaha hoose ayaa sheegaya in maanta ka qarxay dagaal culus oo u dhaxeeya ciidamo ay kala wataan guddoomiyaha degmada iyo ku-xigeenkiisa.

1/10/2021 7:04 AM EST
Axad, Janaayo, 10, 2021 (HOL) - Degmooyinka uu ka kooban yahay gobolka Sool ayaa saaka laga bilaabay diiwaan gelinta codbixitayaasha doorashada Somaliland.

1/10/2021 4:01 AM EST
Axad, Janaayo, 10, 2021 (HOL) - Gudoomiyaha Aqalka Sare ee Soomaaliya, Cabdi Xaashi Cabdullaahi ayaa wax kama jiraan ku tilmaamay hadalka Madaxwayne Qoor Qoor ee ahaa in dadka tabashada ka qaba hannaanka doorashada uu kusoo celiyey jawaab tanaasul ku jiro oo ka timid madaxda dowladda federalka.

1/10/2021 3:40 AM EST
Axad, Janaayo, 10, 2021 (HOL) - Somaliland ayaa maanta xayiraadii ka qaaday telefishinka Universal oo kamid ah telefishinada madaxa bannaan, kadib muddo dhowr bilood ah oo lagaga mamnuucay inuu ka shaqeeyo gudaha Somaliland.

1/10/2021 3:31 AM EST
Axad, Janaayo, 10, 2021 (HOL) - Sida laga soo xigtay dadka deegaanka saacadihii ugu danbeeyay dagaal dagaal oo loo maleynayo in laga leeyahay dalka Kenya ayaa duqeyn dhinaca cirka ah ka geystay qeybo ka mid ah gobolka Gedo.

1/10/2021 3:04 AM EST
Axad, Janaayo, 10, 2021 (HOL) - Ugu yaraan afar askari oo ka tirsan millatariga Kenya ayaa la dilay tiro kalane waa la dhaawacay kadib markii gawaaridooda lala eegtay qarax meel u dhow xadka Soomaaliya iyo Kenya.

1/10/2021 1:03 AM EST
Axad, Janaayo, 10, 2021 (HOL) - Kiiskaska cudurka Covid 19 ee qaarradda Africa ayaa u muuqda mid sare u sii kacaya iyadoo ilaa iyo hadda Tirada la xaqiijiyay ee COVID-19 ee qaaradda Afrika ayaa gaarayaan 2,986,564 ilaa galabnimadii Sabtida sida laga xigta xarunta Afrika ee xakamaynta iyo Kahortagga Cudurrada (Africa CDC) ayaa sidaas sheegtay.

1/10/2021 12:42 AM EST
Axad, Janaayo, 10, 2021 (HOL) - Iyadoo dhawaantan Wasiirka Wasaarradda Ganacsiga Xukuumadda Soomaaliya Khaliif Cabdi Cumar uu magacaabay guddi ku -meel-gaar ah oo sii waddi doona howlihii rugta Ganacisga iyo Warshadaha ayaa qoraal ka soo baxay guddigan KMG ee la magacaabay waxaa ay ku sheegeen in ay bilaabi doonaan howlaha loo idmaday.

1/10/2021 12:29 AM EST
Axad, Janaayo, 10, 2021 (HOL) - Dagaal hor leh oo dhex marey Soomaalida iyo Booranta ku dhaqan xuduudda gobollada Wajeer iyo Gaarisa ee dalka Kenya ayaa la sheegay inay ku dhinteen toddoba qof.