3/29/2024
Today from Hiiraan Online:  _
Wararka Maanta- Talaado, Feb 23, 2021
Saxafiyad Hoodo Gareys oo u jawaabtay ciidamada booliska Somaliland
 

Talaado, Febraayo, 23, 2021 (HOL)- Hood Gareys oo u jawaabtay afhayeenka booliska, ayaa ku eedaysay in uu kabeen abuuray siday wax u dhaceen, isla markaana xataa wakhtiga ay dhacdadu dhacday uu ka been sheegay.

Saxafiyad Hoodo Gareys oo warbaahinta cawa la hadashay, ayaa sheegatay in afhayeenka boolisku ku been abuurtay isla markaana aanu la shir iman wixii laga filayay.

“Bulshawaynta Soomaalidu waxay la socotay in nala dilay oo nala arbushay, waxa la sugayay dadkii madaxda u aha dadkii na laayay, waxayna ahayd jawaab loo wada dhagtaagayo oo la wada filayo, oo la is lahaa waxa kasoo bixi doona wax ama garwaaqsi ama garaw u ah inantaa iyo hooyaded.

Nasiib darro, xalay waxan warbaahinta ka arkay oo isasoo tagay afhayeenka ciidanka Faysal Xiis iyo saddex nin oo kale oo astaamo sarakiil ka muqdaan, lakiin gabigoodu aniga isku kay soo wada agtagay siday iigu jawaabi lahaayeen.

Waxan halkan usoo fadhiistay in aan ka hadlo been abuurka intaa leeg ee nalagula kacay, anagoo waliba dilan, oo jidh dilan, ee ah in inta lasoo istaago la yidhaahdo baabuur bay xoog kusoo galisay meesha” ayay tidhi Hoodo Garays.

Saxafiyada ayaa ka sheekasay beenaha ay ku andocoonayso in uu ka sheegay afhayeenka ciidanka booliska Somaliland.

“Afhayeenku wuxu yidhi dhacdadu waxay dhacday, 6:49 ama 7:11 pm si uu u waafajiyo xiliga uu gaadh ku ugu foojiganyahay, ee makhribka, xiligaaso laga shakiyi karo baaburta soo gasha, wuxu yidhi intay soo dagtay bay askarigii dhirbaaxo la dhacday, wuxu yidhi nootaayo sharciya ayay sexeexeen, wuxu yidhi cid baa arinkeeda dabada kasoo riixaysa”. ayay hadlkeeda sii raacisay saxafiyadu.

Hoodo aya sheegtay in xiliga ay dhacdadu dhacday ay hayd salaadii casar kadib uuna beenyahay hadalka taliyaha ee ah in ay ahayd xili fiid ah, sidokalena waxay sheegtay in anay gaadhiga xoog kusoo galin saldhiga balse ay baarkinka dhigtay markii askarigu u sheegay, isla markaana anay jirin askari ay dhirbaaaxo la dhacday.

Cabdilahi Cabdiraxman Sh. Maxamed, Hiiraan Online
[email protected] 












Click here
2/23/2021 5:02 PM EST
Talaado, Feberaayo, 23, 2021 (HOL) - Madaxweynaha dowlad gobolleedka Hirshabeelle Cali Cabdullaahi Xusseen Cali Guudlaawe iyo ku-xigeenka Yuusuf Axmed Hagar ayaa labadaba ka tacsiyeeyay geeridii ku timid caawa alle ha u naxariistee Ugaas Xassan Ugaas Khaliif.

2/23/2021 4:25 PM EST
Talaado, Feberaayo, 23, 2021 (HOL) - Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa tacsi tiiraanyo leh u diray guud ahaan ummadda Soomaaliyeed, gaar ahaan bulshada Gobolka Hiiraan ee Dowlad Goboleedka Hirshabelle oo caawa uu ka baxay Alle ha u naxariistee Ugaas Xasan Ugaas Khaliif Ugaas Rooble.

2/23/2021 3:52 PM EST
Talaado, Feberaayo, 23, 2021 (HOL) - Ra'iisal Wasaraha xukuumadda Soomaaliya Maxamed Xusseen Rooble ayaa ka tacsiyeey geeridii ku timid alle ha u naxariistee Ugaas Xassan Ugaas Khaliif oo caawa ku geeriyooday magaalada Muqdisho.

2/23/2021 1:55 PM EST
Talaado, Feberaayo, 23, 2021 (HOL) - Waxaa goor dhaw magaalada Muqdisho ku geeriyooday Alle ha u naxariisteen Ugaas Xassan Ugaas Khaliif Ugaas Rooble oo ahaa Ugaaska Beesha Xawaadle.

2/23/2021 12:09 PM EST
Talaado, Febraayo, 23, 2021 (HOL)- warsaxafadeed uu soo saaray ururka suxufiyiinta Somaliland ee SOLJA, ayaa hayadaha cadaalada ee Somaliland ugu baaqay in ay baadhaan, arinka saxafiyad Hoodo Garays iyo Booliska Somaliland.

2/23/2021 10:21 AM EST
Talaado, Febraayo, 23, 2021 (HOL)- Wasiir kii hore ee qorshaynta Somaliland Cawale Ibrahim Shirwac, ayaa madaxwayne ku xigeenka Somaliland Cabdiraxman Cabdilaahi Ismaciil (Saylici) ku eedeyay, in uu faragalin ku hayo xulista xildhibaanada deegaanka ay labadooduba kasoo jeedan.

2/23/2021 8:14 AM EST
Talaado, Feberaayo, 23, 2021 (HOL) - Wakiillo ka socday Saaxiibbada Soomaaliya oo uu hoggaaminayay danjiraha Qaramada Midoobay ee Soomaaliya, James Swan, ayaa booqday magaalada Kismaayo, halkaas oo ay kula kulmeen madaxweynaha Jubbaland Axmed Madoobe.

2/23/2021 7:46 AM EST
Talaado, Feberaayo, 23, 2021 (HOL) - Wasiirka amniga Soomaaliya, Xasan Xundubay Jimcaale, ayaa sheegay in dowladda Soomaaliya ay mowqif cad ka qaadatay in aan la qaban karin wax isku imaatin ah, si looga baaqsado faafitaanka cudurka Covid-19 oo marxaladiisu ay isisoo tarayso.

2/23/2021 7:25 AM EST
Talaado, Feberaayo, 23, 2021 (HOL)- Wasiirka arrimaha dibadda Soomaaliya, Maxamed Cabdirisaaq Maxamuud ayaa laga helay cudurka Covid-19 xilli uu ku sugan yahay dalka Burundi, halkaas oo uu kaga qeyb gali lahaa shir uu ku matalayay dowladda Soomaaliya.

2/23/2021 4:40 AM EST
Talaado, Feberaayo, 23, 2021 (HOL) - Wararka ka imanaya degmada Xamar weyn ayaa sheegaya in qof isku soo xiray walxaha qarxa oo ay ciidamadu ku war heleen uu ku tuuray meel aan ka fogeyn saldhig degmada Xamar weyne jaakadii qaraxa ee uu xirnaa,

2/23/2021 1:25 AM EST
Talaado, Feberaayo, 23, 2021 (HOL) - Wasiirka Wasaarradda Warfaafintan Xukuumadda Soomaaliya Cismaan Abuukar Dubbe ayaa sheegay in wixii ka dhacay 19kii bishan Febraayo magaalada Muqdisho ahaayeen isku day afganbi.

2/23/2021 12:42 AM EST
Talaado, Feberaayo, 23, 2021 (HOL)-Jubbaland ayaa mar kale ku celisay mowqifkeeda ku aadan ka qeybgalka shirka ay ku baaqday madaxtooyada Soomaaliya ee lagu waddo in uu ka furmo magaalada Muqdisho.

2/23/2021 12:29 AM EST
Talaado, Feberaayo, 23, 2021 (HOL) - Golaha Amaanka Qaramada Midoobay ayaa ku boorriyay Isniintii Dowladda Soomaaliya iyo dhinacyada kale oo ay quseyso in si dhakhse ah leysugu raaco taariikhda doorashada, iyagoo ka digay dib u dhac kale oo doorasho.