3/29/2024
Today from Hiiraan Online:  _
Wararka Maanta- Talaado, Feb 23, 2021
Wasiirka arrimaha dibadda Soomaaliya oo laga helay cudurka Covdi-19
 

Talaado, Feberaayo, 23, 2021 (HOL)- Wasiirka arrimaha dibadda Soomaaliya, Maxamed Cabdirisaaq Maxamuud ayaa laga helay cudurka Covid-19 xilli uu ku sugan yahay dalka Burundi, halkaas oo uu kaga qeyb gali lahaa shir uu ku matalayay dowladda Soomaaliya.

Wasiirka arrimaha dibadda oo la hadlay telefishinka qaranka ayaa sheegay in cudurka uu kasoo qaaday Soomaaliya lagana helay markii baaritaan lagu sameeyay oo dalkaas tagay.

Wuxuu sheegay in maalintii 8-aad uu ku jiro xaalad karantiil ah, balse xaaladdiisa caafimaad ay wanaagsan tahay, wuxuuna sheegay dad badan oo qurbaha ka yimid in ay  Muqdisho ugu geeriyoodeen cudurka Covid-19.

Wasiirku wuxuu sheegay in aan loo baahnayn iyadoo dalku marayo xaalad uu cudurku aad u faafayo in la abaabulo iskusoo baxyo qatar galin kara caafimaadka bulshada.

“Haddii loo arko in iskusoo baxu inuu keeni karo fiditaan badan oo cudurka Covdi-19 ah, dowladda waxaa saaran masuuliyad ay shacabkeeda ku badbaadinayso,” ayuu yiri wasiirka arrimaha dibadda Soomaaliya.

Abdiweli M. Sheikh, Hiiraan Online
[email protected]












Click here
2/23/2021 5:02 PM EST
Talaado, Feberaayo, 23, 2021 (HOL) - Madaxweynaha dowlad gobolleedka Hirshabeelle Cali Cabdullaahi Xusseen Cali Guudlaawe iyo ku-xigeenka Yuusuf Axmed Hagar ayaa labadaba ka tacsiyeeyay geeridii ku timid caawa alle ha u naxariistee Ugaas Xassan Ugaas Khaliif.

2/23/2021 4:25 PM EST
Talaado, Feberaayo, 23, 2021 (HOL) - Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa tacsi tiiraanyo leh u diray guud ahaan ummadda Soomaaliyeed, gaar ahaan bulshada Gobolka Hiiraan ee Dowlad Goboleedka Hirshabelle oo caawa uu ka baxay Alle ha u naxariistee Ugaas Xasan Ugaas Khaliif Ugaas Rooble.

2/23/2021 3:52 PM EST
Talaado, Feberaayo, 23, 2021 (HOL) - Ra'iisal Wasaraha xukuumadda Soomaaliya Maxamed Xusseen Rooble ayaa ka tacsiyeey geeridii ku timid alle ha u naxariistee Ugaas Xassan Ugaas Khaliif oo caawa ku geeriyooday magaalada Muqdisho.

2/23/2021 2:14 PM EST
Talaado, Febraayo, 23, 2021 (HOL)- Hood Gareys oo u jawaabtay afhayeenka booliska, ayaa ku eedaysay in uu kabeen abuuray siday wax u dhaceen, isla markaana xataa wakhtiga ay dhacdadu dhacday uu ka been sheegay.

2/23/2021 1:55 PM EST
Talaado, Feberaayo, 23, 2021 (HOL) - Waxaa goor dhaw magaalada Muqdisho ku geeriyooday Alle ha u naxariisteen Ugaas Xassan Ugaas Khaliif Ugaas Rooble oo ahaa Ugaaska Beesha Xawaadle.

2/23/2021 12:09 PM EST
Talaado, Febraayo, 23, 2021 (HOL)- warsaxafadeed uu soo saaray ururka suxufiyiinta Somaliland ee SOLJA, ayaa hayadaha cadaalada ee Somaliland ugu baaqay in ay baadhaan, arinka saxafiyad Hoodo Garays iyo Booliska Somaliland.

2/23/2021 10:21 AM EST
Talaado, Febraayo, 23, 2021 (HOL)- Wasiir kii hore ee qorshaynta Somaliland Cawale Ibrahim Shirwac, ayaa madaxwayne ku xigeenka Somaliland Cabdiraxman Cabdilaahi Ismaciil (Saylici) ku eedeyay, in uu faragalin ku hayo xulista xildhibaanada deegaanka ay labadooduba kasoo jeedan.

2/23/2021 8:14 AM EST
Talaado, Feberaayo, 23, 2021 (HOL) - Wakiillo ka socday Saaxiibbada Soomaaliya oo uu hoggaaminayay danjiraha Qaramada Midoobay ee Soomaaliya, James Swan, ayaa booqday magaalada Kismaayo, halkaas oo ay kula kulmeen madaxweynaha Jubbaland Axmed Madoobe.

2/23/2021 7:46 AM EST
Talaado, Feberaayo, 23, 2021 (HOL) - Wasiirka amniga Soomaaliya, Xasan Xundubay Jimcaale, ayaa sheegay in dowladda Soomaaliya ay mowqif cad ka qaadatay in aan la qaban karin wax isku imaatin ah, si looga baaqsado faafitaanka cudurka Covid-19 oo marxaladiisu ay isisoo tarayso.

2/23/2021 4:40 AM EST
Talaado, Feberaayo, 23, 2021 (HOL) - Wararka ka imanaya degmada Xamar weyn ayaa sheegaya in qof isku soo xiray walxaha qarxa oo ay ciidamadu ku war heleen uu ku tuuray meel aan ka fogeyn saldhig degmada Xamar weyne jaakadii qaraxa ee uu xirnaa,

2/23/2021 1:25 AM EST
Talaado, Feberaayo, 23, 2021 (HOL) - Wasiirka Wasaarradda Warfaafintan Xukuumadda Soomaaliya Cismaan Abuukar Dubbe ayaa sheegay in wixii ka dhacay 19kii bishan Febraayo magaalada Muqdisho ahaayeen isku day afganbi.

2/23/2021 12:42 AM EST
Talaado, Feberaayo, 23, 2021 (HOL)-Jubbaland ayaa mar kale ku celisay mowqifkeeda ku aadan ka qeybgalka shirka ay ku baaqday madaxtooyada Soomaaliya ee lagu waddo in uu ka furmo magaalada Muqdisho.

2/23/2021 12:29 AM EST
Talaado, Feberaayo, 23, 2021 (HOL) - Golaha Amaanka Qaramada Midoobay ayaa ku boorriyay Isniintii Dowladda Soomaaliya iyo dhinacyada kale oo ay quseyso in si dhakhse ah leysugu raaco taariikhda doorashada, iyagoo ka digay dib u dhac kale oo doorasho.