10/21/2021
Today from Hiiraan Online:  _
Wararka Maanta- Isniin, Feb 22, 2021
James Swan '' Dhacdadii 19kii bishan waxey carqaladeysay shirkii doorashooyinka ee Muqdisho lagu qaban lahaa

 

Isniin, Feberaayo, 22, 2021 (HOL) - Wakiilka Qarramada Midoobey ee Soomaaliya Mr James Swan oo warbixin siinayay shir Golaha Amaanku uu ka yeeshay xaaladihii ugu danbeeyay dalka Soomaaliya ayaa sheegay in ay jirto cakirnaan siyaasadeed.

Mr Swan ayaa sheegay in Soomaaliya waqtigan ay ka jirto xaalad cakiran oo siyaasadeed, taasoo caqabad ku noqon karta horumarkii laga samaynayo dib u dhiska hannaanka dawladdeed ee Soomaaliya iyo xataa xaaladda amniga.

Wuxuu sheegay in sidoo kale xaaladaha is muuqninta iyo waliba cadaadiska ku dhisan ay helis ku yihiin guud ahaanba xaalada wadanka Soomaliya oo ah dal hadda uun  soo kabanaya.

Mar uu soo hadal qaaday arrimaha doorashooyinka iyo dadaallada socda ayuu sheegay in dhacdadii 19-kii Febraayo ay carqaaladaysay shrikii lagu qaban lahaa a Muqdisho ee lagu dhamaystiri lahaa heshiiska September 17.

Laakiin haddana dhinaca kale wuxuu James Swan intaa ku darray in ay jirto rajo ah in mar uun heshiis buuxa laga gaaro doorashada isaga tilmaamay in heshiiskii la gaaray 17-kii Sebtember 2020 u yahay kan ugu habboon ee lagaga bixi karo dib u dhaca dooarshada, iyo xaqijinta in hoggaamiyayaasha Soomaaliya ay idan cad u haystaan wajaibaadkooda isla markaana loogu soo noqon lahaa  in mudnaanta la siiyo ajandayaasha qaranka.

James Swan ayaa mar kale sheegay in marnaba aan la aqbali doonin in ay dalka ka dhacdo doorasho hal dhinac ah oo aan heshiis lagu aheyn, ama kuwo kale oo is barbar socoda isaga oo dhinacyada Soomaalida ugu baaqay in ay wada hadlaan.

Hadalka James Swan ayaa imanaya xili madaxweynayaasha dowlad gobolleedyada Puntland iyo Jubbaland ka biyo diidan yihiin ka qeybgalka  shirka Muqdisho oo ay ku xireen sharuudo dhowr ah.

Qoraal maanta ka soo baxay madaxtooyada Soomaaliya ayaa mar kale ugu baaqay labada madaxweyne in ay ka soo qeybgalaan shirka Muqdisho oo ay ku sugan yihiin saddexda madaxweyne dowlad gobolleed ee Koonfur Galbeed, Galmudug iyo Hirshabeelle.

Qarramada Midoobey iyo guud ahaan wakiilada beesha caalamka ee ku sugan dalka Soomaaliya ayaa toddobaadyadii ugu danbeeyayba cadaadis weyn ku saarayay dhinacyada Soomaalida in ay gaaraan heshiis deg deg ah si dalku doorasho u aado.

Cabdiraxmaan Diini, Hiiraan Online
[email protected]  














Click here
2/22/2021 4:18 PM EST
Isniin, Febraayo, 22, 2021 (HOL)- shirjaraa’id oo ay siwadajira u qabteen, guddida tacliinta sare iyo xafiiska imtaxanaadka ee Somaliland, ayaa lagu shaaciyay, in maalinta bari ah ee 23 ka bishna Febraayo, ay bilaabmayso qabashada shahaadooyinka jamacada iyo dugsiga sare ee musharixiinta.

2/22/2021 3:26 PM EST
Isniin, Febraayo, 22, 2021 (HOL)- Afhayeenka ciidanka booliska Somaliland Faysal Xiis Cilmi, oo caawa warbaahinta kula hadlay magaalada Hargaysa, ayaa sheegay in hadaladii ay saxafiyad Hoodo Gareys ka sheegtay ciidanka booliska, ay yihiin kuwo xaqiiqda ka fog, isla markaana ay dacwada ka gudbinayaan.

2/22/2021 9:47 AM EST
Isniin, Febraayo, 22, 2021 (HOL)- sarakiil ka tirsan xisbiga mucaaradka ah ee Wadani, ayaa gurigooda ku booqday saxafiyad Hoodo Gareys iyo hooyadeed oo ay ciidamada boolisku jidh dil u gaysteen jimcihi lasoo dhaafay ee 19 bishan Febraayo.

2/22/2021 9:00 AM EST
Isniin, Feberaayo, 22, 2021 (HOL) - Xoghayaha guud ee Qaramada Midoobay ayaa walaac ka muujiyay rabshadaha ka dillaacay magaalada Muqdisho. wuxuuna ugu baaqay dhinacyada oo dhan inay is xakameeyaan ayna is dejiyaan.

2/22/2021 7:32 AM EST
Isniin, Feberaayo, 22, 2021 (HOL) -Madaxweynihii hore ee Soomaaliya Shariif Sheekh Axmed oo maanta ka hadlay shir jaraa'id oo ay magaalada Muqdisho ku qabteen golaha Midowga Musharixiinta ayaa soo hadal qaaday dhacdadii 19kii bishan Jimcihii toddobaad hore ka dhacday magaalada Muqdisho.

2/22/2021 6:52 AM EST
Isniin, Feberaayo, 22, 2021 (HOL) -Midowga musharixiinta oo goor dhaw shir jaraa'id ku qabtay hotelka Jazeera ee magaalada Muqdisho ayaa mar kale ku baaqay dibadbax ka dhici doona fagaaraha Daljirka Dahsoon ee magaalada Muqdisho.

2/22/2021 6:37 AM EST
Isniin, Feberaayo, 22, 2021 (HOL) -Madaxtooyada Soomaaliya waxay mar kale ugu yeeraysaa Madaxweyneyaasha Dowlad Goboleedyada Puntland iyo Jubbaland in ay ku soo biiraan shirka wadatashiga ah ee lagu dhammeystirayo talo soojeedintii ay isla meel dhigeen Guddigii Farsamada ee ku kulmay Baydhabo 15-16 Febraayo 2021.

2/22/2021 4:21 AM EST
Isniin, Feberaayo, 22, 2021 (HOL) - Dabkan oo socday saacado xiriir ah ayaa ka kacay habeenimadii xalay Warshada sameeysa Joodariyaasha oo ku taala deegaanka Ceeljaalle ee magaalada Baledweyne ee xarunta gobolka Hiiraan.

2/22/2021 3:17 AM EST
Isniin, Feberaayo, 22, 2021 (HOL) – Madaxweynaha dowlad gobolleedka Puntland Saciid Cabdullaahi Deni oo xalay shir jaraa’id ku qabtay magaalada Garoowe shaaciyay xog hoose iyo hadalo ay is dhaafsadeen isaga iyo madaxweynaha dowladda Soomaaliya Maxamed Cabdullaahi Farmaajo laga soo bilaabo shirarkii doorashooyinka ilaa 19kii bishan oo ay qalaalso ka dhaceen magaalada Muqdisho.

2/22/2021 12:39 AM EST
Isniin, Feberaayo, 22, 2021 (HOL) - Dowladda Tanzania ayaa lagu tilmaamayay in si ku talagal ah isku dhaafineyso diiwaangalinta iyo la socoshada dadka uu soo ritay cudurka Covid 19.