4/12/2021
Today from Hiiraan Online:  _
Wararka Maanta- Axad, Feb 21, 2021
Madaxweyne Muuse Biixi “qof kii aan cunto haysan waa loo talinayaa”


 

Axad, Febraayo, 21, 2021 (HOL)- madaxweynaha Somaliland Muuse Biixi Cabdi, oo maanta xadhiga ka jaray dhisme cusub oo loo dhisay wasarada beeraha ee Somaliland, ayaa sheegay in wax soo saarku yahay lafdhabarta dal kasta oo horumara isla markaana cidii aan cunto ku filan lasoo bixin ay dawladaha kale u talinayaan.

Madaxweyanaha oo ka hadlayay xaflad xadhig ka jaris ah oo loo sameeyay, dhisme cusub oo ay yeelanayso wasarada horumarinta beeraha ee Somaliland ayaa ka hadlay muhiimada uu wax soo saarku leeyahay.

“Maanta aduunka dal waliba wuxu ku dagaalamayaa in uu cunto samaysto, qof kii aan cunto haysan waa loo talinayaa, waxa lagaa iibinayaa cunto anad beeran karayn, Covid 19 baa dhacay, aduunkii wuu wada kala xidh xidh may, dadkii aan waxba beeranin way bakhtiyeen ama silic bay ku nool yihiin”. Ayuu yidhi madaxweynuhu.

Madaxweynaha Somaliland ayaa sheegay in Somaliland laga soo saari karo cunto ku filaan dhamaan shacabka ku dhaqan.

“Waxaynaan isku diidanayn, in dalkeena cunto ku filan laga soo saari karo, masuuliyada in lasoo saaro cida qaabilsana waa wasarada beeraha, wasarada beeraha kama rabno iyada in ay noqoto wasarad wax beerta, waxa laga rabaa in ay qaran ka ku hogaamiso in uu wax soo saaro”.ayuu hadalkiisa sii raaciyay madaxweynuhu.

Madaxweyaha ayaa ugu danbaystii hadalkiisa ku soo gaba gabeeyay in Somaliland ay ku taalo gobol ay dhibaatooyin badani ka socdaan sidaa darteedna loo baahanyahay in shacabka Somaliland nabad galyadooda ilaashadaan isla markaana horumariyaan wadan kooda.

Cabdilahi Cabdiraxman Sh. Maxamed, Hiiraan Online
[email protected] 











Click here
2/21/2021 2:39 PM EST
Axad, Feberaayo, 21, 2021 (HOL) - Wasaaradda Caafimaadka Xukuumadda Soomaaliya ayaa shaacisay kiisaskii ugu dambeyay ee Caabuqa Cudurka Covid-19 ee guud ahaan dalka.

2/21/2021 12:54 PM EST
Axad, Feberaayo, 21, 2021 (HOL) - Madaxtooyada Soomaaliya ayaa goordhaw qoraal kasoo saartay shirkii maanta u furmay madaxda dowladda Fedaraalka iyo kuwa dowlad goboleedyada iyo gobolka Banaadir oo aay goobjoog ka ahayeen Wakiilo ka socda Beesha Caalamka oo uu hoggaaminayay ergayga qaramada midoobay ee Soomaaliya James Swan waxaana kulanka looga hadlayay arrimaha doorashooyinka Soomaaliya.

2/21/2021 9:05 AM EST
Axad, Feberaayo, 21, 2021 (HOL) - Dowlad goboleedka Jubbaland ayaa sharuud ku xirtay ka qeybgalka shirka wadatashiga arrimaha doorashooyinka oo lagu wado inuu magaalada Muqdisho ku dhex maro dowladda federalka, dowlad goboleedyada iyo gobolka Banaadir.

2/21/2021 7:36 AM EST
Axad, Febraayo, 21, 2021 (HOL)- Hoodo Gareys oo ah saxafiyad ka howl gasha muuq baahiyaha Horyaal, ayaa sheegtay, in ciidamada booliska Somaliland ay u gaysteen jidh dil iyada iyo hooyadeed, xili ay doonayeen in ay warqad dhaawac muujin ah gabadh dhaawaca uga soo qaadan saldhiga booliska ee xaafada Qudhac dheer ee magalada Hargaysa maalintii Jimcaha ee 19 kii bishan Febraayo.

2/21/2021 7:10 AM EST
Axad, Feberaayo, 21, 2021 (HOL) - Wasaaradda arrimaha dibadda Maraykanka ayaa sheegtay in uusan jirin waddan loo oggol yahay inuu u adeegsado covid-19 si uu marmarsiiyo kaga dhigto inuu ku xadgudbo xuquuqda aadanaha iyo xorriyaadka aasaasiga ah.

2/21/2021 6:52 AM EST
Axad, Feberaayo, 21, 2021 (HOL) - Madaxtooyada Soomaaliya waxaa ka bilaawday kulamo looga hadlayo khilaafka doorashada oo ay ka qeybgalayaan madaxda heer federaal, qaar ka mid ah madaxda dowlad gobolleedyada iyo gobolka Banaadir.

2/21/2021 6:36 AM EST
Axad, Febraayo, 21, 2021 (HOL)- Wasiirka wasaarada xanaanada xoolaha ee Somaliland Siciid Sulub Maxamed, ayaa xisbiyada siyaasada ee Somaliland ku eedeeyay in ay bulshada qabaa’il ukala saarayaan, iyagoo musharixiinta ku xidhaya in ay qabaa’iladooda soo kaxaystaan si ay xisbi uga mid noqdaan.

2/21/2021 6:04 AM EST
Axad, Feberaayo, 21, 2021 (HOL) - Dowladda Kenya ayaa qareeno caalami ah u magacaabatay in ay ku matalaan dacwadda badda ee ay dowladda Soomaaliya u gudbisay maxkamadda caalamiga ah ee cadaalada ee ICJ.

2/21/2021 5:06 AM EST
Axad, Feberaayo, 21, 2021 (HOL) - Waxaa goor dhaw la xaqiijiyay geerida alle ha u naxariisteen Fannaanadii weyneyd Faadumo Cali Nakruumo oo cudurka Covid 19 ugu geeriyootay isbitaalka Martiine ee magaalada Muqdisho.

2/21/2021 4:37 AM EST
Axad, Feberaayo, 21, 2021 (HOL) - Wararka haatan naga soo gaaraya Madaxtooyada Soomaaliya ayaa sheegaya in halkaasi uu kulan uga socdo madaxweyne Maxamed Cabdullaahi Farmaajo, Raysal wasaaraha Xukuumadda Soomaaliya ,guddoomiyaha gobolka Banaadir iyo madaxweynayaasha maamulada K/galbeed, Galmudug, Hirshabeelle iyo Wakiilo ka socda Beesha Caalamka.

2/21/2021 3:36 AM EST
Axad, Feberaayo, 21, 2021 (HOL) - Hoggaamiyaha xisbiga Wadajir ahna musharax madaxweyne Cabdira maan Cabdishakuur ayaa qoraal dheer uu soo dhigay bartiisa Facebook kaga hadlay arrimo xasaasi ah oo la xiriira xaalada dalka.

2/21/2021 2:43 AM EST
Axad, Feberaayo, 21, 2021 (HOL) - Wasiirka Wasaarradda Warfaafinta xukuumadda Soomaaliya Cismaan Abuukar Dubbe ayaa si kulul uga hadlay qoraalkii ka soo baxay dowladda Iskutaga Imaaraadka Carabta oo Dowladda Soomaaliya ee xiligan jirta ku tilmaamtay KMG.

2/21/2021 12:22 AM EST
Axad, Feberaayo, 21, 2021 (HOL) -Dowladda Soomaaliya ayaa wax laga xumaado ku tilmaamtay qoraal ka soo baxay qaar ka mid ah dalalka caalamka oo looga hadlayay xaalada Soomaaliya ee xiligan kuwaa oo ay ku tilmaamtay in ay yihiin qoraalo marin habaabin ah