3/29/2024
Today from Hiiraan Online:  _
Wararka Maanta- Arbaco, Dec 1 , 2021
TPLF oo lagala wareegay magaalooyin muhiim ah
 

Arbaco, December, 1, 2021 (HOL) - Sida ay baahisay Warbaahinta dowladda Itoobiya, dagaallo adag oo ay dawladdu kula jirtay kooxda TPLF, ayaa waxay dowladdu sheegtay inay la wareegtay magaalooyin waawayn oo istiraatiji ah.

Meelaha lagala wareegay kooxda TPLF ayaa waxaa kamid ah magaalada Gashane oo ah magaalo istiraatiji ah, sida uu sheegay Wasiiru dawlaha Warfaafinta ee dalka Itoobiya Dr Laggesa Tulu, waxa kale oo uu sheegay inay sii wadi doonto dowladdu hawl gallada ka dhanka ah kooxda TPLF.

Abiyi Axmed Ra'iisul wasaaraha ahna  Abaanduulaha Ciidamadda Itoobiya oo ku sugan furimaha hore ee dagaalka, ayaa sheegay in dagaalku uu soconayo ilaa dalku xuroobo, waxa kale oo uu yiri " Marka shacabka Itoobiya midoobaan, dhinac walba natiijadu waa guul".

Geesta kale kooxda TPLF ayaa ka gaabsatay inay ka hadasho ama war kasoo saarto guulaha ay maanta sheeganayso dowladda Itoobiya.

Dagaalka u dhaxeeya dowladda Itoobiya iyo kooxda TPLF, oo soosocday muddo 13 bilood ah, ayaa maalmahan u muuqda mid faraha la iskula tagay, iyadoo dowladdu ay qaadayso ayaantan hawlgalladii ugu cuslaa, oo ay dowladdu ku sheegto in lagu soo gunaanadayo dagaalka.

Shalay ayay ahayd markii uu Abiyi Axmed ugu baaqay kooxda TPLF inay isu soo dhiibaan dowladda, isla markaana naftooda badbaadiyaan.

Dowladda ayaa maalmahan waxay si isdaba joog ah u sheegataa guulo waawayn, oo ay ka gaartay dagaalka ka dhanka ah TPLF, iyadoo haatan ay u dambaysay guusha maanta, ee ay sheegtay dowladdu inay lawareegtay magaalooyin muhiim ah.

Abdilahi Jawhar, Hiiraan Online
[email protected]
 












Click here
12/1/2021 1:39 PM EST
Arbaco, December, 1, 2021 (HOL) - UmulKhayr Rooble Cilmi oo wasiirka diinta iyo awqaafta Somaliland sheegay in booliisku xidheen kadib markii, ay xukuumada ka codsatay sharci ilaalinaya dumarka aan xijaaban, ayaa sheegtay in aan la xidhin, cidna dacwaynin.

12/1/2021 9:30 AM EST
Arbaco, December, 1, 2021 (HOL) - Ciidamada dowladda Soomaaliya iyo Kuwa dalalka Jabuuti iyo Itobiya ee qeybta ka ah Ciidanka AMISOM ee ku sugan magaalada Baledweyne ayaa howlgalo ka sameeyay deegaano dhowr ah oo hoos taga magaalada Baledweyne ee Xarunta Gobolka Hiiraan.

12/1/2021 8:00 AM EST
Arbaco, December, 1, 2021 (HOL) - Booliiska Somaliland ayaa magaalada Hargaysa ku xidhay gabadh xukuumada Somaliland ka dalbatay in ay samayso xeer ogolaanaya in dumarku ay suuqa qaawani ku dhex mari karaan.

12/1/2021 7:45 AM EST
Arbaco, December, 1, 2021 (HOL) - Madaxweynaha Somaliland Muuse Biixi Cabdi, oo madaxtooyada ku qaabilay safiirrada cusub ee Midawga Yurub iyo Sweden Soomaaliya u qaabilsan, Amb. Tiina Intelmann iyo Amb. Per Lindgarde, ayaa ka wada hadlay arrimaha doorashooyinka iyo horumarinta.

12/1/2021 6:53 AM EST
Arbaco, December, 1, 2021 (HOL) - Wareegto kasoo baxday Xafiiska Taliyaha ciidanka Booliiska Soomaaliyeed Jenaraal Cabdi Xasan Maxamed Xijaar ayaa xilka qaadis waxaa lagu sameeyay Taliyahii ciidanka Booliiska degmada Baledweyne, islamarkaan lagu magacaabay Taliye Cusub.

12/1/2021 5:18 AM EST
Arbaco, December, 1, 2021 (HOL) - Haweeney looga shakisan yahay inay xiriir la leedahay kooxda Al-Shabaab ayaa fiidnimadii Talaadadii lagu xiray deegaanka Tinderet, ee gobolka Nandi.

12/1/2021 2:52 AM EST
Arbaco, December, 1, 2021 (HOL) - Guddiga doorashada Soomaaliya ayaa sheegay in ay baaritaanno ku sameynayaan habka loo maray doorashada kursiga golaha shacabka ee tirsiigu yahay 103, oo la ogyahay inuu dacwad kasoo gudbiyay guddoomiyihii hore ee barlamaanka Soomaaliya Prof. Jawaari.

12/1/2021 2:32 AM EST
Arbaco, December, 1, 2021 (HOL) - Madaxweynaha dowlad goboleedka Puntland Siciid Cabdullaahi Deni ayaa sheegay in maamulkiisa ay ka go’an tahay inuu gacanta kusoo celiyo hay’addaha u xiran shaqsiyaadka gaarka ah.

12/1/2021 12:24 AM EST
Arbaco, December, 1, 2021 (HOL) - Wasiirka arrimaha dibada Somaliland D.R Ciise Kayd Maxamuud oo waraysi siiyay BBC Somali, ayaa sheegay in xukuumada Somaliland ay dhex ka tahay arrimaha Itoobiya.