3/29/2024
Today from Hiiraan Online:  _
Wararka Maanta- Axad, Aug 8 , 2021
Puntland oo raysal wasaare Rooble ku bogaadisay mowqifkiisa hogaaminta dalka muddada kala guurka ah
 

Axad, Agoosto, 8, 2021 (HOL) - Puntland ayaa ku boggaadisay Ra'iisul Wasaare Rooble, hogaaminta dalka ee muddada kala guurka ah, hirgelinta doorashada iyo xoojinta xiriirka diblomaasiyadeed ee Soomaaliya la leedahay adduunka.

War kooban oo kasoo baxay madaxtooyada Puntland, ayaa lagu sheegay, in ay Puntland markasta aaminsan tahay sareynta sharciga sida ku cad qodobka 4-aad farqadiisa 1-aad ee Dastuurka ku meel gaarka ah.

Raysal Wasaaraha Soomaaliya ayaa maanta qaaday tallaabo uu kaga hor yimid go’aan madaxweyne Farmaajo uu xukuumada Rooble kaga joojiyay in ay wax heshiisyo ah galaan xilliga doorashada.

Ra’iisul Wasaaraha wuxuu golihiisa wasiiradda faray in ay shaqooyinkooda si caadiya u qabsadaan islamarkaana wuxuu difaacay wada xaajoodyada lagu hagajinayo xiriirka dibadeed ee Soomaaliya.

Waxaa horayna laga dareemay saan-saanta khilaafka madaxweynaha iyo raysal wasaaraha, iyadoo qaar kamid ah siyaasiyiinta mucaaradka ay taageereen go’aanka raysal wasaaraha kuna bogaadiyeen.

Raysal Wasaar Rooble ayaa bayaanka uu soo saaray wuxuu si cad ugu sheegay inuu isagu xilligaan kala-guurka ah masuul ka yahay haggida dalka.

Abdiweli M. Sheikh, Hiiraan Online












Click here
8/8/2021 3:26 PM EST
Axad, Agoosto, 8, 2021 (HOL) - Dhalinyar gadoodsan ayaa maanta xiray jidka dhex mara magaalada Bambaas ee degaanka Soomaalida, dhalinyartan ayaa ka cadhaysnaa alaab kootarabaan ah oo ay qabteen ciidanka fadaraalku, kuwaas oo ay lahaayeen dad shacab ah.

8/8/2021 11:04 AM EST
Axad, Agoosto, 8, 2021 (HOL) - Raysal Wasaaraha Soomaaliya, Maxamed Xuseen Rooble oo warsaxaafadeed soo saaray ayaa faray dhamaan hay’addaha dawladda in ay si caadi ah u gutaan Waajibaadkooda shaqo si waafaqsan Dastuurka KMG ah.

8/8/2021 10:49 AM EST
Axad, Agoosto, 8, 2021 (HOL) - Wasiirka gaashaandhiga Somaliland Cabdiqani Maxamuud Caateeye, ayaa beeniyay jawaabo uu bixiyay guddoomiyaha golaha wakiilada Somaliland Cabdirisaaq Khaliif Axmed xili uu waraysi siinayay muuqbaahiyaha Universal.

8/8/2021 9:36 AM EST
Axad, Agoosto, 8, 2021 (HOL) - Madaxweynaha dowlad deegaanka Soomaalida, Mustafe Muxummed Cumar, ayaa tababar usoo xiray ciiddamo maleyshiyo ah oo ka kooban dhammaan gobollada, maamul-magaalooyinka iyo degmooyinka Deegaanka.

8/8/2021 8:52 AM EST
Axad, Agoosto, 8, 2021 (HOL) - Dowladda federalka Soomaaliya ayaa dowladda Faransiiska uga mahad celisay deeq ku saabsan tallaalka Astra/Zeneca oo maanta lagasoo dajiyay magaalada Muqdisho.

8/8/2021 7:29 AM EST
Axad, Agoosto, 8, 2021 (HOL) - Riisul Wasaaraha Soomaaliya Maxamed Xuseen Rooble ayaa xafiiskiisa ku qaabilay Wasiirka Arimaha Dibedda ee dalka Kenya Raychelle Omamo oo maanta soo gaartay Muqdisho.

8/8/2021 5:10 AM EST
Axad, Agoosto, 8, 2021 (HOL) - Wasiirka arrimaha dibedda Kenya Raychelle Omamo ayaa maanta oo axad ah gaartay magaalada Muqdisho ee caasimadda Soomaaliya, taasoo ah safarkeedii ugu horreeyay ee ay ku timaado Soomaaliya.

8/8/2021 4:36 AM EST
Axad, Agoosto, 8, 2021 (HOL) - Waxaa goordhaw magaalada Muqdisho soo gaaray wafdi ay hoggaamineyso wasiirka arrimaha Dibadda dalka Kenya Raychelle Omamo oo si weyn loogu soo dhaweeyay Muqdisho.

8/8/2021 12:52 AM EST
Axad, Agoosto, 8, 2021 (HOL) - Warar dheeraad ah ayaa kasoo baxaya dagaal geystay khasaare isugu jira dhimasho iyo dhaawac oo dhexmaray ciidamada dowladda Soomaaliya iyo kuwa Al-shabaab.