11/30/2021
Today from Hiiraan Online:  _
Wararka Maanta- Axad, Aug 8 , 2021
Raysal wasaare Rooble oo sheegay in awoodda fulinta ee Jamhuuriyadda Soomaaliya ay leeyihiin kaliya Golaha Wasiirada
 

Axad, Agoosto, 8, 2021 (HOL) - Raysal Wasaaraha Soomaaliya, Maxamed Xuseen Rooble oo warsaxaafadeed soo saaray ayaa faray dhamaan hay’addaha dawladda in ay si caadi ah u gutaan Waajibaadkooda shaqo si waafaqsan Dastuurka KMG ah.

Hadalkaan kasoo baxay raysal wasaaraha ayaa u muuqda mid lagu burinayo go’aankii xalay uu soo saaray madaxweyne Farmaajo oo hay’addaha dowladda ka mamnuucay in ay wax heshiis ah galaan inta lagu jiro howlaha doorashooyinka

Ra’iisul Wasaaraha Xukuumadda Federaalka, ayaa sheegay isagooo cuskanaya qodobka 103 ee Dastuurka Jamhuuriyadda, in isaga iyo Golihiisa Wasiirada u fasaxan yihiin  in ay si caadi ah u fuliyaan waajibadka Qaran ee Dastuurku saaray isla markaana Meesha ka saaraysa in wax hakad ah ku yimaado shaqooyinka dawladda.

Warsaxafadeedka dhexdiisa wuxuu raysal wasaaruhu ku difaacay in wada xaajoodyada lagu hagajinayo xiriirka dibadeed ee Soomaaliya ay yihiin kuwa dhawraya Madaxbanaanida iyo Siyaadda Qaranka Soomaaliyeed islamarkaana ay yihiin waajib dastuuri ah oo ka saaran Ra'iisul Wasaaraha iyo Xukuumddiisa,

Qoraallada kasoo kala baxay madaxweynaha iyo raysal wasaaraha ayaa kusoo aaday xilli aad loo hadal hayo safar ay Muqdisho ku tagtay wasiirka arrimaha dibedda Kenya Raychelle Omamo.

Wasiirka arrimaha dibedda Kenya ayaa raysal wasaaraha ugu keentay Muqdisho casuumaad ay ka siday madaxweynaha Kenya Uhuru Kenyatta, kaasoo raysal wasaaraha ku casuumay Kenya.

Wararku waxay sheegayaan in go’aankii madaxweynaha xalay kasoo baxay uu ahaa mid raysal wasaare Rooble looga hor istaagayo inuu heshiis ama wada xaajood ah la galo Kenya.

Abdiweli M. Sheikh, Hiiraan Online












Click here
8/8/2021 4:11 PM EST
Axad, Agoosto, 8, 2021 (HOL) - Puntland ayaa ku boggaadisay Ra'iisul Wasaare Rooble, hogaaminta dalka ee muddada kala guurka ah, hirgelinta doorashada iyo xoojinta xiriirka diblomaasiyadeed ee Soomaaliya la leedahay adduunka.

8/8/2021 3:26 PM EST
Axad, Agoosto, 8, 2021 (HOL) - Dhalinyar gadoodsan ayaa maanta xiray jidka dhex mara magaalada Bambaas ee degaanka Soomaalida, dhalinyartan ayaa ka cadhaysnaa alaab kootarabaan ah oo ay qabteen ciidanka fadaraalku, kuwaas oo ay lahaayeen dad shacab ah.

8/8/2021 10:49 AM EST
Axad, Agoosto, 8, 2021 (HOL) - Wasiirka gaashaandhiga Somaliland Cabdiqani Maxamuud Caateeye, ayaa beeniyay jawaabo uu bixiyay guddoomiyaha golaha wakiilada Somaliland Cabdirisaaq Khaliif Axmed xili uu waraysi siinayay muuqbaahiyaha Universal.

8/8/2021 9:36 AM EST
Axad, Agoosto, 8, 2021 (HOL) - Madaxweynaha dowlad deegaanka Soomaalida, Mustafe Muxummed Cumar, ayaa tababar usoo xiray ciiddamo maleyshiyo ah oo ka kooban dhammaan gobollada, maamul-magaalooyinka iyo degmooyinka Deegaanka.

8/8/2021 8:52 AM EST
Axad, Agoosto, 8, 2021 (HOL) - Dowladda federalka Soomaaliya ayaa dowladda Faransiiska uga mahad celisay deeq ku saabsan tallaalka Astra/Zeneca oo maanta lagasoo dajiyay magaalada Muqdisho.

8/8/2021 7:29 AM EST
Axad, Agoosto, 8, 2021 (HOL) - Riisul Wasaaraha Soomaaliya Maxamed Xuseen Rooble ayaa xafiiskiisa ku qaabilay Wasiirka Arimaha Dibedda ee dalka Kenya Raychelle Omamo oo maanta soo gaartay Muqdisho.

8/8/2021 5:10 AM EST
Axad, Agoosto, 8, 2021 (HOL) - Wasiirka arrimaha dibedda Kenya Raychelle Omamo ayaa maanta oo axad ah gaartay magaalada Muqdisho ee caasimadda Soomaaliya, taasoo ah safarkeedii ugu horreeyay ee ay ku timaado Soomaaliya.

8/8/2021 4:36 AM EST
Axad, Agoosto, 8, 2021 (HOL) - Waxaa goordhaw magaalada Muqdisho soo gaaray wafdi ay hoggaamineyso wasiirka arrimaha Dibadda dalka Kenya Raychelle Omamo oo si weyn loogu soo dhaweeyay Muqdisho.

8/8/2021 12:52 AM EST
Axad, Agoosto, 8, 2021 (HOL) - Warar dheeraad ah ayaa kasoo baxaya dagaal geystay khasaare isugu jira dhimasho iyo dhaawac oo dhexmaray ciidamada dowladda Soomaaliya iyo kuwa Al-shabaab.