11/30/2021
Today from Hiiraan Online:  _
Wararka Maanta- Axad, Aug 8 , 2021
Wafdi ay hoggaamineyso wasiirka arrimaha Dibadda Kenya oo goordhaw soo gaartay magaalada Muqdisho
 

Axad, Agoosto, 8, 2021 (HOL) - Waxaa goordhaw magaalada Muqdisho soo gaaray wafdi ay hoggaamineyso wasiirka arrimaha Dibadda dalka Kenya Raychelle Omamo oo si weyn loogu soo dhaweeyay Muqdisho.

Wafdiga wasiirka aarimaha Dibadda dalka Kenya waxaa garoonka diyaadaha Aadan Cadde kusoo dhaweeyay wasiirka arrimaha Dibadda Xukuumadda Soomaaliya Maxamed Cabdirisaaq iyo xubno kale oo ka tirsan Wasaaradda.

Ujeedka socdaalka wasiir Raychelle Omamo ay ku timid magaalada Muqdisho ayaa la sheegay inuu yahay mid la xiriira xoojinta xiriirka diblumaasiyadeed ee ka dhaxeeya labada dal ee Soomaaliya iyo Kenya si gaar ah ganacsiga iyo isku socodka labada Shacab.

Wasiirka Arrimaha dibadda Kenya ayaa si gaar gaar ula kulmi doonta, Wasiirka Arrimaha Dibadda Xukuumadda Soomaaliya, Raysal wasaare Rooble iyo waliba madaxweyne Farmaajo oo la sheegayo iney salaan ugu tagi doonto.

Jamaal Cali Cabdi, Hiiraan Online
[email protected]












Click here
8/8/2021 4:11 PM EST
Axad, Agoosto, 8, 2021 (HOL) - Puntland ayaa ku boggaadisay Ra'iisul Wasaare Rooble, hogaaminta dalka ee muddada kala guurka ah, hirgelinta doorashada iyo xoojinta xiriirka diblomaasiyadeed ee Soomaaliya la leedahay adduunka.

8/8/2021 3:26 PM EST
Axad, Agoosto, 8, 2021 (HOL) - Dhalinyar gadoodsan ayaa maanta xiray jidka dhex mara magaalada Bambaas ee degaanka Soomaalida, dhalinyartan ayaa ka cadhaysnaa alaab kootarabaan ah oo ay qabteen ciidanka fadaraalku, kuwaas oo ay lahaayeen dad shacab ah.

8/8/2021 11:04 AM EST
Axad, Agoosto, 8, 2021 (HOL) - Raysal Wasaaraha Soomaaliya, Maxamed Xuseen Rooble oo warsaxaafadeed soo saaray ayaa faray dhamaan hay’addaha dawladda in ay si caadi ah u gutaan Waajibaadkooda shaqo si waafaqsan Dastuurka KMG ah.

8/8/2021 10:49 AM EST
Axad, Agoosto, 8, 2021 (HOL) - Wasiirka gaashaandhiga Somaliland Cabdiqani Maxamuud Caateeye, ayaa beeniyay jawaabo uu bixiyay guddoomiyaha golaha wakiilada Somaliland Cabdirisaaq Khaliif Axmed xili uu waraysi siinayay muuqbaahiyaha Universal.

8/8/2021 9:36 AM EST
Axad, Agoosto, 8, 2021 (HOL) - Madaxweynaha dowlad deegaanka Soomaalida, Mustafe Muxummed Cumar, ayaa tababar usoo xiray ciiddamo maleyshiyo ah oo ka kooban dhammaan gobollada, maamul-magaalooyinka iyo degmooyinka Deegaanka.

8/8/2021 8:52 AM EST
Axad, Agoosto, 8, 2021 (HOL) - Dowladda federalka Soomaaliya ayaa dowladda Faransiiska uga mahad celisay deeq ku saabsan tallaalka Astra/Zeneca oo maanta lagasoo dajiyay magaalada Muqdisho.

8/8/2021 7:29 AM EST
Axad, Agoosto, 8, 2021 (HOL) - Riisul Wasaaraha Soomaaliya Maxamed Xuseen Rooble ayaa xafiiskiisa ku qaabilay Wasiirka Arimaha Dibedda ee dalka Kenya Raychelle Omamo oo maanta soo gaartay Muqdisho.

8/8/2021 5:10 AM EST
Axad, Agoosto, 8, 2021 (HOL) - Wasiirka arrimaha dibedda Kenya Raychelle Omamo ayaa maanta oo axad ah gaartay magaalada Muqdisho ee caasimadda Soomaaliya, taasoo ah safarkeedii ugu horreeyay ee ay ku timaado Soomaaliya.

8/8/2021 12:52 AM EST
Axad, Agoosto, 8, 2021 (HOL) - Warar dheeraad ah ayaa kasoo baxaya dagaal geystay khasaare isugu jira dhimasho iyo dhaawac oo dhexmaray ciidamada dowladda Soomaaliya iyo kuwa Al-shabaab.