3/28/2024
Today from Hiiraan Online:  _
Wararka Maanta- Talaado, Aug 31, 2021
Raysal wasaaraha Soomaaliya oo kulan la qaatay Guddiyada doorashooyinka dalka iyo Xalinta Khilaafaadka
 

Talaado, Agoosto, 31, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble ayaa la kulmay guddiyada doorashooyinka heer Fedaraal, heer dowlad goboleed iyo Xalinta khilaafaadka, kuwaas oo ka wada hadlay geedi socodka doorashada.

Raysal wasaaraha Soomaaliya ayaa ku booriyay guddiyada dadaalka iyo waliba dardagelinta howlaha doorashooyinka, isagoona kula dardaarmay iney hergiliyaan habraacyada u degsan hanaanka doorashada.

"Waxaan maanta la kulmay Guddiyada Doorashooyinka Heer Federaal, Heer Dowlad-goboleed iyo Xallinta Khilaafaadka oo aan kala hadlay arrimo khuseeya geeddi socodka, hirgelinta  iyo hufnaanta doorashada, habka soo xulista ergooyinka, kaalinta dhaqanka iyo bulshada rayidka ah, wadashaqeynta guddiyada dhexdooda, qoondada haweenka, dhaqaalaha ku baxaya doorashada iyo qodobbo kale oo doorashada khuseeya. Waxaan ku ballannay in dhaqso oo bilaabo wajiga labaad ee doorashada oo ah doorashada xildhibaannada Golaha Shacabka iyo in doorashadu noqoto mid hufan oo ka maran qof jecleysi" ayuu yiri Raysal wasaare Rooble

Sida uu qorshuhu ahaa maalinta berito ah ayaa lagu waday iney bilaawdaan doorashooyinka kuraasta golaha Shacabka, lakiin waxaa muuqata inuu dib u dhac ku yimid, waxaana xusid mudan inaan wali la dooraan dhamaan kuraasta Aqalka sare ee Hirshabeelle iyo gobolada Waqooyi, halka maamulada qaarna ay wali dhameystirin marka laga soo tago maamulada Puntland iyo Koofur Galbeed oo dhameytirsay doorashada kuraasta Aqalka sare ee deegaanadaasi ku matalaya Baarlamaanka Fedaraalka Soomaaliya.

Jamaal Cali Cabdi, Hiiraan Online
[email protected]












Click here
8/31/2021 5:22 PM EST
Talaado, Agoosto, 31, 2021 (HOL) - Wasiirka Xafiiska Warfaafinta ee degaanka Soomaalida Cali Badal oo warbaahinta la hadlayay ayaa shacabka degaanka ugu baaqay inay maalinta barri ah oo Arbaca ah taariikhduna ku beegan tahay 1 September 2021 ay qaataan kaarka codbixinta.

8/31/2021 2:26 PM EST
Talaado, Agoosto, 31, 2021 (HOL) - Ururka Suxufiyiinta Somaliland ee SOLJA, ayaa cambaareeyay xadhiga 19 bishan xukuumada Somaliland ugu gaysatay magaalada Burco Cabdimaalik Muuse Coldoon, oo ku andacooday in jaamacadda Barwaaqo oo katirsan Shabakada Abaarso lagu faafiyo diinta Masiixiga.

8/31/2021 2:19 PM EST
Talaado, Agoosto, 31, 2021 (HOL) - War murtiyeed uu goor dhawayd soo saaray Xisbiga Sinaanta iyo Xoriyadda ayaa lagu sheegay inay qaadaceen oo ay ka baxeen doorashada degaanka Soomaalida ka dhici doonta dhawaan.

8/31/2021 12:39 PM EST
Talaado, Agoosto, 31, 2021 (HOL) - Xukuumada Somaliland ayaa ku dhawaaqday in laga bilaabo 15 bisha Sebtember uu caymis ku waajibi doono dhamaan baabuurta kasoo daga Dekedda Berbera iyo baabuurta waa wayn ee xamuulka qaada.

8/31/2021 10:12 AM EST
Talaado, Agoosto, 31, 2021 (HOL) - Baadhitaan lagu sameeyay laabka biyaha ee Wakaalada Biyaha ee Hargaysa, ayaa lagu ogaaday in biyaha loo yaqaano "Mooya-saxada" ee lagu sifeeyo gudaha Somaliland anay u dhamaystirnayn macdanihii loo baahnaa, isla markaana ay ku jiraan noola yaasha ili ma qabatay ga ah sida bakteeriyada.

8/31/2021 5:56 AM EST
Talaado, Agoosto, 31, 2021 (HOL) - Golaha ammaanka Qaramada Midoobay ayaa maanta oo talaado ah kordhiyay joogitaanka hawlgalka Qaramada Midoobay ee Soomaaliya (UNSOM), waxaana laga dhigay illaa 31 May 2022.

8/31/2021 5:50 AM EST
Talaado, Agoosto, 31, 2021 (HOL) - Dowladda Soomaaliya ayaa albaabada isugu laabtay xarunta dadka jirkooda lagu qurxiyo oo dhawaan Muqdisho laga furay.

8/31/2021 2:41 AM EST
Talaado, Agoosto, 31, 2021 (HOL) - Dowladda Mareykanka ayaa si rasmi ah ugu dhawaaqday iney soo afjartay joogitaankeedii Militari ee dalka Afghanistan, iyadoo diyaaradahii ugu dambeeyay ay ka duuleen garoonka Afghanistan saqdii dhexe ee xiliga Kabul.

8/31/2021 1:59 AM EST
Talaado, Agoosto, 31, 2021 (HOL) - Sarkaal ka tirsanaa dagaalamayaasha Al-shabaab ee gobolka Galgaduud oo isku dhiibay ciidamada dowladda Soomaaliya ayaa lagu soo bandhigay gobolka Galgaduud.

8/31/2021 1:21 AM EST
Talaado, Agoosto, 31, 2021 (HOL) - Wasiirka diinta iyo awqaafta Somaliland Sheekh Khaliil Cabdillaahi Axmed, oo u jawaabay Sheekh Cabdirisaaq Jiir, oo codsaday in lasii daayo Cabdi Maalik Muuse Coldoon, ayaa sheegay in xukuumadu diinta ilaalinayso qofkii khaldamana la xidhi karo.

8/31/2021 1:10 AM EST
Talaado, Agoosto, 31, 2021 (HOL) - Madaxweynaha degaanka Soomaalida Mustafe cagjar ayaa mar uu ka hadlayay shir loo qabtay qaybaha kala duwan ee haweenka magaalada Jigjiga ka hadlay arrinta sicir bararka oo ahayd mid muddooyinkii u dambaysay degaanka saamayn wayn ku yeelatay.