3/29/2024
Today from Hiiraan Online:  _
Wararka Maanta- Isniin, Aug 30, 2021
Madaxweynaha Hirshabeelle oo ka hadlay doorashada Aqalka sare iyo dad Beeraleey ahaa oo dhawaan lagu dilay deegaanka Kabxanleey
 

Isniin, Agoosto, 30, 2021 (HOL) - Madaxweynaha maamul goboleedka Hrshabeelle Cali Guudlaawe oo shalay dib ugu laabtay magaalada Jowhar ee xarunta gobolka Sh/dhexe ayaa sheegay in dhawaan si rasmi ah maamulkiisa u bilaabi doonaan doorashada xubnaha ku matalaya Hirshabeelle Baarlamaanka Aqalka sare ee Soomaaliya.

Guudlaawe ayaa sheegay in doorashada ay u qaban doonaan si xor iyo xalaal ah oo ay cadaalad ku dheehan tahay, xili maamulka Hirshabeelle uu yahay maamulka kaliya ee aanan wali wax doorasho ah u sameyn xubnaha Aqalka sare ee deegaan doorashadooda tahay Hirshabeelle.

Madaxweyne Guudlaawe ayaa sidoo kale si adag uga hadlay dadkii shacabka ee  beeraleeyda ahaa ee dhawaan lagu dilay deegaanka Kabxanleey ee gobolka Hiiraan.

Waxa uu sheegay Cali Guudlaawe in marka hore u tacsiyadeeynayo qoysaskii iyo kharaabadii ay dadkaasi ka geeriyoodeen, isagoona ka digay in Colaada u dhaxeysa labada beeleed ee aanooyinka qabiil isku dilaya inay sii dheeraato.

Madaxweynaha Hirshabeelle ayaa hadalkiisa ku daray in maamulka Hirshabeelle inuu diyaar u yahay in uu gogol nabadeed dhexdhigo dhinacyada ay colaada ka dhaxeyso, islamarkaana ugu baaqayo inay wadahadal ku xaliyaan wixii tabasho oo ay kala qabaan si aanan dhig dambe u daadan.

Jamaal Cali Cabdi, Hiiraan Online
[email protected]












Click here
8/30/2021 12:52 PM EST
Isniin, Agoosto, 30, 2021 (HOL) - Wasiirka Warfaafinta Soomaaliya Cismaan Dubbe ayaa hakiyey ijaarka iyo dib u hawl-gelinta maqaaxida Tiyaatarka isaga oo fulinaya amarka kasoo baxay raysal wasaaraha Soomaaliya Maxamed Xuseen Rooble.

8/30/2021 12:49 PM EST
Isniin, Agoosto, 30, 2021 (HOL) - Raysal wasaaraha Xukuumadda Soomaaliya Maxamed Xuseen Rooble ayaa maanta kulan la qaatay Golaha Midowga Musharaxiinta madaxweynaha Soomaaliya.

8/30/2021 9:52 AM EST
Isniin, Agoosto, 30, 2021 (HOL) - Qaali Maxamuud Guhaad oo ah hooyada dhashay Ikraan Tahliil Faarax oo horay uga tirsanaan jirtay hay'adda Nabadsugida qaranka Soomaaliyeed ayaa markale si dareen leh uga hadashay maqnaashaha gabadheeda.

8/30/2021 9:39 AM EST
Isniin, Agoosto, 30, 2021 (HOL) - Maxkamadda sare ee ciidamada qalabka sida Soomaaliya ayaa maanta oo Isniin ah ku dhawaaqday inay 10 sano oo xabsi ah ku xukuntay sarkaal katirsan kooxda Daacish.

8/30/2021 9:06 AM EST
Isniin, Agoosto, 30, 2021 (HOL) - Guddiga doorashooyinka Puntland (TPEC), ayaa maanta ka hor yimid dalab ka yimid ururada siyaasada Puntlad, kuwaas oo doonaya in dib loo dhigo doorashooyinka dowladdaha hoose ee nidaamka xisbiyada Puntland.

8/30/2021 3:27 AM EST
Isniin, Agoosto, 30, 2021 (HOL) - Madaxweyne ku xigeenka Somaliland Cabdiraxman Cabdillaahi Ismaacil (Saylici), ayaa dhagax dhigay beer lagu tayayn doono dhirta iyo dabeecada, oo laga hirgalinayo deegaanka Geed-deeble ee duleedka waqooyi ee magaalada Hargaysa.

8/30/2021 2:53 AM EST
Isniin, Agoosto, 30, 2021 (HOL) - Wasiirka Wasaaradda amniga maamul goboleedka Galmudug Axmed Macalin Fiqi ayaa sheegay in maamulada Galmudug iyo Puntland ay isla meel dhigeen iskaashiga sidii loo soo afjari lahaa dagaalamayaasha Al-shabaab ee ku sugan deegaano ka tirsan Koofurta maamulka Galmudug.

8/30/2021 1:59 AM EST
Isniin, Agoosto, 30, 2021 (HOL) - Safaaradda Indonesia ee Nairobi ayaa ku guuleysatay inay dib u soo celiso 12 shaqaale oo u dhashay dalkeeda, kuwaas oo muddo ka badan siddeed bilood ku xayirnaa markab kalluumeysi oo lagu magacaabo Liao Dong Yu oo ku sugnaa xeebaha Puntland.

8/30/2021 1:35 AM EST
Isniin, Agoosto, 30, 2021 (HOL) - Doorashooyinka Puntland ee nidaamka xisbiyada badan ayaa qatar ku jira qabsoomidooda kaddib markii ururrada siyaasada ay dalbadeen in doorashada dib loo dhigo, iyagoo ku sababeeyay in aanay haysan dhaqaalihii ay doorashada ku gali lahayeen.