12/6/2021
Today from Hiiraan Online:  _
Wararka Maanta- Axad, Aug 29, 2021
Sanbaloolshe oo si faahfaahsan uga hadlay xiisadii ka jirtay Baledweyne iyo waxa keenay
 

Axad, Agoosto, 29, 2021 (HOL) - Taliyahii hore ee hay'adda Nabadsugida iyo Sirdoonka Qaranka Soomaaliya Cabdullaahi Maxamed Cali Sanbaloolshe ayaa si faahfaahsan uga hadlay baajinta xiisadii magaalada Baledweyne ka taagneyd iyo heshiis hordhac ah oo laga gaaray arintaasi.

Sanbaloolshe oo wareysi siiyay Talefashinka Universal ayaa sheegay in wadahadalo iyo dadaalo dheeraad ah oo la sameeyay lagu baajiyay dhiig k daadan lahaa magaalada Baledweyne ee xarunta gobolka Hiiraan.

Waxuu sidoo kale sheegay Sanbaloolshe in ujeedada ay Baledweyne u tageen isaga iyo tiro dhowr ah oo siyaasiyiinta kasoo jeeda deegaankaasi ay aheyd sidii madaxweynaha Hirshabeele Cali Guudlaawe ay u geyn lahayeen magaalada Baledweyne, balse arintaasi ay meesha ka saartay is hortaagii ay ciidamo gadoodsan ku qabsadeen xaruntii maamulka gobolka iyo xerada lamagalaay.

"Wada-hadalka waxaa lagu baajiyay in dhiig lagu daadiyo Baledweyne, Ugaaska iyo Odayaasha dhaqanka ayaa guul weyn ka gaaray in la xaliyo xiisadda, arrinta Hirshabeele waa gooni balse marka ugu horeysa waa in dadka reer Baledweyne xaliyaan dareenka ka dhex jira” ayuu yiri Cabdullaahi Sanbaloolshe oo haatan ku sugan gudaha magaalada Baledweyne.

Hadalka Sanbaloolshe ayaa imaanaya xili shalay Ugaaska Beesha Xawaadle iyo odayaasha dhaqanka ay xal ka gaareen xiisad culus oo ka taagneyd Baledweyne taaso keentay safar la qorsheenaayay in Madaxweynaha Hirshabeele si qasab ah looga dajiyo Baledweyne.



Jamaal Cali Cabdi, Hiiraan Online
[email protected]












Click here
8/29/2021 10:56 AM EST
Axad, Agoosto, 29, 2021 (HOL) - Wasaarada Horumarinta Caafimaadka Somaliland, ayaa sheegtay in 5 qof ay gudaha Somaliland ugu dhinteen caabuqa Covid-19 oo mar kale soo laba kacleeyay.

8/29/2021 8:30 AM EST
Axad, Agoosto, 29, 2021 (HOL) - Dagaal ka bilaabmay duleedka birta dheer ayaa wararka laga helayaa ay sheegayaan in qasaare badani halkaa uu ka dhashay, oo dhimasho, dhaawac iyo dad la qafaasheyba ay ka dheceen.

8/29/2021 8:17 AM EST
Axad, Agoosto, 29, 2021 (HOL) - Puntland ayaa maanta hub iyo gaadiid dagaal ku wareejisay maamulka Galmudug oo dagaal xooggan kula jira ururka Alshabab, dagaalkaas oo ka socda deegaannada koonfurta Mudug.

8/29/2021 4:32 AM EST
Axad, Agoosto, 29, 2021 (HOL) - 40 qof oo Soomaali ah oo tahriibayaal ah ayaa lagusoo waramayaa in ay muddo dhowr cishe ah ku xaniban yihiin inta u dhaxeysa dalalka Belarus iyo Lithuania, iyagoo loo diiday in ay safarkooda sii wataan.

8/29/2021 3:05 AM EST
Axad, Agoosto, 29, 2021 (HOL) - Taliyaha ciidanka Booliska Soomaaliya, Cabdi Xasan Maxamed (Xijaar) ayaa dalka Turkiga tababar ugu soo xiray 49-gabdhood oo ka tirsan Ciidanka Booliska gaarka ah ee Haramacad oo tababar loogu qaaday dalka Turkiga.

8/29/2021 2:18 AM EST
Axad, Agoosto, 29, 2021 (HOL) - Xukuumada Somaliland ayaa warar aan rasmi ahayn ku tilmaantay wararka sheegaya, in Somaliland ay qaabilayso qoxooti reer Afghanistan ah sida ay baahisay wakaalada wararka ee AFP.

8/29/2021 1:49 AM EST
Axad, Agoosto, 29, 2021 (HOL) - Warar dheeraad ah ayaa kasoo baxaya dagaal dhexmaray ciidamada Koofur Galbeed iyo kuwa Al-shabaab oo ka dhacay degmada Qansaxdheere ee gobolka Baay.