11/30/2021
Today from Hiiraan Online:  _
Wararka Maanta- Sabti, Aug 28, 2021
Heshiis hordhac ah oo laga gaaray xiisad culus oo ka jirtay magaalada Baledweyne
 

Sabti, Agoosto, 28, 2021 (HOL) - Mudo 48 saacadood ah oo kulamo wadatashi ah oo xal loogu raadinayay xiisad ka taagneyd magaalada Baledweyne mudo todobaad ah ayaa galinkii dambe ee maanta heshiis hordhac ah laga gaaray.

Madaxweyne ku xigeenka Hirshabeelle Yuusuf Axmed Hagar Dabageed oo kaashanayay Ugaaska Beesha Xawaadle Ugaas Yuusuf Ugaas Xasan iyo Odayaasha dhaqanka ayaa si wadajir ah ugu guleystay in heshiis hordhac ah laga gaaro xiisadii dhawaan ka dhalatay safarkii sida qasabka ahaa ee Baledweyne loogu keeni rabay Madaxweynaha Hirshabeelle Cali Guudlaawe, taasoo keentay in ciidamo la baxay Badbaado Hiiraan ay la wareegen xarumahii Hirshabeelle ee Baledweyne.

Madaxweyne ku xigeenka Hirshabeelle Yuusuf Dabageed, Ugaas Xasan iyo Odayaasha dhaqanka ayaa isla meel dhigay in ciidamada Badbaado Hiiraan laga saaro goobaha ay gacanta ku hayaan, islamarkaana ay dib ugu laabtaan xarumahoodi shaqada si ay u gutaan waajibaadkooda qaran.

Heshiiska horshaca ah ee la gaaray ayaa sheegaya in wax walba lagu dhameyn doono si nabdoon, waxayna labada dhinac ku balameen inay isugu yimaadaan shirweyne kale oo lagu dhameynaayo tabashada laga qabo maamulka Hirshabeelle, waxaana arintaasi la sheegay in looga dambeeynaayo talada iyo tabashada Beesha Xawaadle ay ka qabto Hirshabeele Ugaas Yuusuf Ugaas Xasan.

"Majiraan qodobo rasmi ah oo heshiiska horshaca ah lagu kala saxiixday ee waxaa la isla meel dhigay in waxii tabasho ah gogol nabdoon la isugu yimaado si xal waara looga gaaro tabaahada ay Hirshabeele ka qabaan Beesha Xawaadle " ayuu yiri qof goobjooge ah oo inaga codsaday inaan magaciisa adeegsan.

Shacabka ku dhaqan magaalada Baledweyne ayaa soo dhaweeyay heshiiskan hordhaca ah ee maanta laga gaaray xiisadii ka taagneyd magaalada Baledweyne dhowrkii maalmood ee lasoo dhaafay.

Jamaal Cali Cabdi, Hiiraan Online
[email protected]












Click here
8/28/2021 10:37 AM EST
Sabti, Agoosto, 28, 2021 (HOL) - Ciidanka Booliiska Somaliland, ayaa ku guulaystay in ay gacanta ku dhigaan khamri tiradiisu dhantahay 805 litir, ciidanka ayaa sidookale gacanta ku dhigay qayb kamid ah dadkii siday iyo baabuurtoodi.

8/28/2021 7:59 AM EST
Sabti, Agoosto, 28, 2021 (HOL) - Ciidamo ka tirsan Booliiska Somaliland ee magaalada Burco, ayaa saaka subixi u daatay guriga Cabdimaalik Muuse Coldoon, ee magaalada Burco, waxayna guriga ku sameeyeen baadhis.

8/28/2021 3:43 AM EST
Sabti, Agoosto, 28, 2021 (HOL) - Somaliland ayaa si ku meel gaadha ciideeda u dajinaysa tiro qoxooti reer Afghanistan ah, oo dowlada Maraykanku kasoo daad guraysay dalka Afghanistan kadib markii kooxda Taliban la wareegtay dalka.

8/28/2021 3:37 AM EST
Sabti, Agoosto, 28, 2021 (HOL) - Maraykanka ayaa duqeyn xagga cirka ah ku dilay madaxii Daacish ee qorsheeyay weerarkii ismiidaaminta ahaa ee khamiistii ka dhacay meel ku dhow garoonka diyaaradaha ee magaalada Kabul ee caasimadda Afghanistan.

8/28/2021 3:29 AM EST
Sabti, Agoosto, 28, 2021 (HOL) - Taliyayaasha militariga ee Howlgalka Midowga Afrika ee Soomaaliya (AMISOM) ayaa isku raacay in la dardargeliyo dhaqangelinta howlgallada wadajirka ah ee ay la leeyihiin Ciidanka Xoogga Dalka Soomaaliyeed (SNA), si kor loogu qaado amniga doorashada iyo u diyaar garowga howlgalka AMISOM ee 2021.

8/28/2021 2:43 AM EST
Sabti, Agoosto, 28, 2021 (HOL) - Uganda ayaa sheegtay Jimcihii inay fashiliyeen weerar ismiidaamin ah oo lala beegsan lahaa aas qaran oo loo sameeynayay taliye sare oo katirsanaan jiray AMISOM oo hogaaminayay weerarkii Al-Shabaab looga saaray Muqdisho sannadkii 2011.

8/28/2021 2:17 AM EST
Sabti, Agoosto, 28, 2021 (HOL) - Puntland iyo dowlad deegaanka Soomaalida Itoobiya ayaa shir ay yeesheen waxay heshiis kaga gaareen arrimaha amniga iyo ganacsiga, sida lagu sheegay war murtiyeed kasoo baxay shirkaas oo ka dhacay degmada Galdogob ee gobolka Mudug.

8/28/2021 1:17 AM EST
Sabti, Agoosto, 28, 2021 (HOL) - Ciyaar adag oo ka tirsan horyaalka Ingiriiska ee Premier League-ga ayaa maanta oo Sabti ah waxay ku dhex mari doontaa garoonka Anfield, kooxaha Liverpool iyo Chelsea oo labadii kulan ay horay u soo ciyaareen soo wada badiyay.