3/28/2024
Today from Hiiraan Online:  _
Wararka Maanta- Sabti, Aug 28, 2021
Uganda oo sheegtay inay fashilisay weerar ismiidaamin ah oo lala beegsan lahaa aaska sarkaal sare oo katirsanaan jiray AMISOM
 

Sabti, Agoosto, 28, 2021 (HOL) - Uganda ayaa sheegtay Jimcihii inay fashiliyeen weerar ismiidaamin ah oo lala beegsan lahaa aas qaran oo loo sameeynayay taliye sare oo katirsanaan jiray AMISOM oo hogaaminayay weerarkii Al-Shabaab looga saaray Muqdisho sannadkii 2011.

Ciidamada ammaanka ayaa sheegay inay khamiistii magaalada kutaalla waqooyiga dalkaas ee Pader kasoo qabteen ninka qorsheynayay weerarkan, kaasoo doonayay inuu isku qarxiyo goobta aaska loogu sameynayay Sarreeye Gaas Paul Lokech.

Madaxweyne Yoweri Museveni ayaa ku eedeeyey shirqoolkan jabhadda Allied Democratic Forces (ADF)-oo ah jabhad markii ugu horreysay ka soo ifbaxday Uganda 1996-kii, laakiin muddo tobanaan sano ah ka hawl-galaysay bariga DR Congo oo dhowaan lala xiriiriyay waxa loogu yeero inay xiriir la leeyihiin kooxda Daacish ee isku magacowday dawladda Islaamka.

Afhayeenka ciidanka Brigadier Flavia Byekwaso ayaa bayaan ay soo saartay ku sheegtay in uu ismiidaamiyuhu yahay muwaadin u dhashay Uganda oo lagu magacaabo Katumba Abdul.

Afhayeenka booliisku waxay sheegtay in agabka laga helay ay kamid ahaayeen, bam-gacmeedyo, jaakadaha ismiidaaminta, waxyaabaha qaraxyada loo adeegsado sida ammonium sulphate, furayaasha iyo taleefannada gacanta ee loo adeegsado in lagu qarxiyo aaladdaha qarxa.

Baaritaannada illaa hadda la sameeyay waxay muujinayaan in tuhmanaha uu damacsanaa inuu carqaladeeyo howlaha aaska Maj Gen Paul Lokech, sida ay sheegtay Byekwaso.

Sarreeye Gaas Paul Lokech wuxuu ku dhintay isagoo 55 jir ah magaaladii uu ku dhashay ee Pader Sabtidii ka dib markii uu ku dhacay cudurka dhiig xinjirowka.

Wuxuu hoggaamiyay cutubyadii Al-Shabaab ka cidhib-tiray caasimadda Muqdisho sannadkii 2011-kii, taas oo uu ku mutaystay naanaystii libaaxa Muqdisho.

Abdiweli M. Sheikh, Hiiraan Online












Click here
8/28/2021 12:37 PM EST
Sabti, Agoosto, 28, 2021 (HOL) - Mudo 48 saacadood ah oo kulamo wadatashi ah oo xal loogu raadinayay xiisad ka taagneyd magaalada Baledweyne mudo todobaad ah ayaa galinkii dambe ee maanta heshiis hordhac ah laga gaaray.

8/28/2021 10:37 AM EST
Sabti, Agoosto, 28, 2021 (HOL) - Ciidanka Booliiska Somaliland, ayaa ku guulaystay in ay gacanta ku dhigaan khamri tiradiisu dhantahay 805 litir, ciidanka ayaa sidookale gacanta ku dhigay qayb kamid ah dadkii siday iyo baabuurtoodi.

8/28/2021 7:59 AM EST
Sabti, Agoosto, 28, 2021 (HOL) - Ciidamo ka tirsan Booliiska Somaliland ee magaalada Burco, ayaa saaka subixi u daatay guriga Cabdimaalik Muuse Coldoon, ee magaalada Burco, waxayna guriga ku sameeyeen baadhis.

8/28/2021 3:43 AM EST
Sabti, Agoosto, 28, 2021 (HOL) - Somaliland ayaa si ku meel gaadha ciideeda u dajinaysa tiro qoxooti reer Afghanistan ah, oo dowlada Maraykanku kasoo daad guraysay dalka Afghanistan kadib markii kooxda Taliban la wareegtay dalka.

8/28/2021 3:37 AM EST
Sabti, Agoosto, 28, 2021 (HOL) - Maraykanka ayaa duqeyn xagga cirka ah ku dilay madaxii Daacish ee qorsheeyay weerarkii ismiidaaminta ahaa ee khamiistii ka dhacay meel ku dhow garoonka diyaaradaha ee magaalada Kabul ee caasimadda Afghanistan.

8/28/2021 3:29 AM EST
Sabti, Agoosto, 28, 2021 (HOL) - Taliyayaasha militariga ee Howlgalka Midowga Afrika ee Soomaaliya (AMISOM) ayaa isku raacay in la dardargeliyo dhaqangelinta howlgallada wadajirka ah ee ay la leeyihiin Ciidanka Xoogga Dalka Soomaaliyeed (SNA), si kor loogu qaado amniga doorashada iyo u diyaar garowga howlgalka AMISOM ee 2021.

8/28/2021 2:17 AM EST
Sabti, Agoosto, 28, 2021 (HOL) - Puntland iyo dowlad deegaanka Soomaalida Itoobiya ayaa shir ay yeesheen waxay heshiis kaga gaareen arrimaha amniga iyo ganacsiga, sida lagu sheegay war murtiyeed kasoo baxay shirkaas oo ka dhacay degmada Galdogob ee gobolka Mudug.

8/28/2021 1:17 AM EST
Sabti, Agoosto, 28, 2021 (HOL) - Ciyaar adag oo ka tirsan horyaalka Ingiriiska ee Premier League-ga ayaa maanta oo Sabti ah waxay ku dhex mari doontaa garoonka Anfield, kooxaha Liverpool iyo Chelsea oo labadii kulan ay horay u soo ciyaareen soo wada badiyay.