11/30/2021
Today from Hiiraan Online:  _
Wararka Maanta- Jimco, Aug 27, 2021
Odayaasha dhaqanka gobolka Mudug oo madaxweyne Deni ku eedeeyay inuu boob xooggan ku hayo doorashada aqalka hoose
 

Jimco, Agoosto, 27, 2021 (HOL) - Odayaasha dhaqanka gobolka Mudug ee Puntland ayaa ku eedeeyay madaxweynaha Puntland Siciid deni, inuu boob aan loo meel dayin kula kacay doorkii ay beeluhu  ku lahaayeen doorashada aqalka sare iyo tan aqalka hoose.

Kulan ay odayaashu ku yeesheen magaaalda Gaalkacyo waxay ku sheegeen in aanay  aqbali doonin in dowladdu sidii ay doonto ay ka yeesho doorashada soo socoto ee aqalka hoose, waxayna farriin u direen raysal wasaaraha.

“Maanta in la yiraahdo odayaashu door kuma leh, bulsho rayid ah ayaa wax lasoo xulaysa, nabad sugid baa wax la baaraysa, %20 ayay leeyihiin, kadibna dowladda ayaa awood u leh qofka ay rabto in ay soo saarto, qofka ay diidan tahayna reebto. Waxaasi macquul miyaa? Annagu kuraasta malxiis iyo maxlal ka noqon mayno" ayuu yiri nabadoon Yaasiin Cabdi Samad oo ahaa duqii hore ee Gaalkacyo.

Odayaasha waxay sheegeen in ay isku raaceen in doorashada xubnaha aqalka hoose ee kasoo galaya gobolka Mudug lagu qabto magaalada Gaalkacyo, si looga hortago waxay ugu yeereen shakiga ku saabsan in boob loo geysto doorashada.

Waxay odayaashu taageereen hab-raacii hore ee kasoo baxay guddiga heer federal ee doorashooyinka, iyagoo sheegay in hab-raacaas uu ilaalinayay kaalinta odayaasha dhaqanku ku leeyihiin doorashada aqalka hoose.

Ugu dambayn, waxay odayaasha ugu baaqeen raysal wasaaraha Soomaaliya inuu wax ka bedelo habraaca doorashada lagu maamulayo islamarkaana lasoo celiyo meeqaamkii duubabka dhaqanku lahaayeen.

Abdisalan Nur Dirie, Hiiraan Online












Click here
8/27/2021 11:51 AM EST
Jimco, Agoosto, 27, 2021 (HOL) - 35 askari oo katirsanaa ciidanka booliiska dowlad goboleedka Puntland ee Soomaaliya, ayaa kusoo biiray ciidanka booliiska Somaliland, ee magaalada Badhan, ee gobolka Sanaag.

8/27/2021 11:09 AM EST
Jimco, Agoosto, 27, 2021 (HOL) - Saddex qof oo mid kamid ah uu yahay askari katirsan ciidanka booliiska Puntland, ayaa ku neef qabatimoobay kadib markii Booyad kuwa nadaafadda ka shaqeeyo ay kiimiko kaga daadatay laamiga weyn ee magaalada dhexmara bartamaha Garowe.

8/27/2021 4:04 AM EST
Jimco, Agoosto, 27, 2021 (HOL) - Wararka naga soo gaaraya deegaanka Kabxanleey oo dhinaca Waqooyi kaga beegan magaalada Baledweyne ayaa sheegaya in halkaasi uu ka dhacay weerar Maleeshiyaad hubeysan ku qaadeen dad beeraleey ahaa oo ku sugnaa deegaankaasi.

8/27/2021 3:49 AM EST
Jimco, Agoosto, 27, 2021 (HOL) - Wasiirka waxbarashada Puntland, Cabdulaahi Maxamed Xasan ayaa ku eedeeyay hanti-dhowrka Puntland inuu ka degdeg ka muuqdo warbixin ay dhawaan soo saareen oo ay shaqada kaga joojiyeen masuuliyiin katirsan wasaaradda waxbarashada iyo tacliinta sare.

8/27/2021 1:48 AM EST
Jimco, Agoosto, 27, 2021 (HOL) - Wasiirka warfaafinta ee maamulka Galmudug Axmed Shire Falagle ayaa beeniyay wararka sheegaya in ururka Alshabaab ay dib ula wareegeen deegaannada Camaara iyo Bacaadweyne ee koonfurta gobolka Mudug.