3/28/2024
Today from Hiiraan Online:  _
Wararka Maanta- Isniin, Aug 23, 2021
Musharrax Dr. Cabdi Nuur : Dowladdu waxay doonaysaa in ay xoog ku maquuniso shacabka reer Hiiraan mana dhacayso
 

Isniin, Agoosto, 23, 2021 (HOL) - Dr. Cabdi Nuur  Shiikh Maxamed oo kamid ah musharraxiinta madaxweynaha Soomaaliya, ayaa ku eedeeyay dowladda in ay iska dhega tirtay oo ay dhayalsatay cabashada reer  Hiiraan ay ka qabaan maamulka Hirshabelle.

Dr. Cabdi Nuur oo dhinaca kale kamid ah siyaasiyiinta kasoo jeeda gobolka Hiiraan wuxuu si gaar ah Raysal-wasaare Rooble ugu eedeeyay in aanu la imaan siyaasad hor leh oo khilaafaadka lagu xalliyo oo dalka u horseeda in la gaaro doorasho xor iyo xalaal ah.

“Sida caadada u noqotay dowladdaan, dib uheshiisiin iyo nabadeeyn marna qorshaha uguma jiraan ee waxaa u cad oo muhiimaddooda tahay sidii ay doorasho u boobi lahaayeen,” ayuu yiri Dr. Cabdi Nuur.

Musharraxa wuxuu sidoo kale dowladda ku eedeeyay in ay masuul ka tahay khalaalasaha ka socda gobolka Hiiraan islamarkaana ay dowladdu doonayso in ay si xoog iyo maquunis ah ay ku xalliso tabashada reer hiiraan ka qabaan maamulka Hirshabelle, taasoo uu sheegay in aysan suurtagali doonin.

Wuxuu ugu baaqay reer Hiiraan in ay xasiloonidooda ilaashadaan, sameystaan hoggaan ay ku mideeysan yihiin oo la garnaqsada dowladda si ay xuquuqda ka maqan si sharci ah u soo dhacsadaan, masiirkoodana hal meel uga soo wada jeestaan.



Abdiweli M. Sheikh, Hiiraan Online












Click here
8/23/2021 2:07 PM EST
Isniin, Agoosto, 23, 2021 (HOL) - Mohamed Awal Saalax oo ahaa fanaan muslim ah, isla markaana caan ku ahaa qasiidooyinka diiniga ah ayaa maanta geeriyooday.

8/23/2021 1:55 PM EST
Isniin, Agoosto, 23, 2021 (HOL) - Go'aan mar dhawayd kasoo baxay Guddida Doorashooyinka Itoobiya Iayaa lagu sheegay in dib loo dhigay doorashadii degaannadii hadhsanaa ee ay Soomaalidu ku jirtay.

8/23/2021 12:41 PM EST
Isniin, Agoosto, 23, 2021 (HOL) - Wasiirka wasaaradda arrimaha gudaha iyo dib u heshiisiinta Xukuumadda Soomaaliya Jenaraal Mukhtaar Xuseen Afrax iyo xubno kale oo ka tirsan wasaaradiisa ayaa kulan galabta galinkii dambe kula qaatay hoyga Ugaas Yuusuf Ugaas Xasan ee magaalada Baledweyne.

8/23/2021 11:03 AM EST
Isniin, Agoosto, 23, 2021 (HOL) - Madaxweynaha Somaliland Muuse Biixi Cabdi, madaxweyne ku xigeenkiisa iyo afhayeenka golaha wakiilada, ayaa madaxtooyada ku qaabilay qaar kamid ah culimada ugu waa wayn gayiga Soomaalida oo kulan diimeed magaalada Hargaysa uga socday 4tii maal mood ee u danbeeyay.

8/23/2021 8:41 AM EST
Isniin, Agoosto, 23, 2021 (HOL) - Odayaasha iyo waxgaradka gobolka Hiiraan ayaa sheegay in Ugaaska Beesha Xawaadle Ugaas Yuusuf Ugaas Xasan Ugaas Khaliif iyaga oo kaashanayay iney ku guuleysteen dajinta xaalad kacsanaan aheyd oo ka taagneyd magaalada Baledweyne ee xarunta gobolka Hiiraan.

8/23/2021 7:14 AM EST
Isniin, Agoosto, 23, 2021 (HOL) - Golaha Midowga Musharaxiinta ayaa war-saxaafadeed ay maanta soo saareen waxay kagasoo horjeesteen go’aanadii kasoo baxay shirkii golaha wadatashiga qaranka ee doorashada looga hadlayay.

8/23/2021 5:02 AM EST
Isniin, Agoosto, 23, 2021 (HOL) - Waxaa maanta xaalad deganaasho ah laga dareemaya magaalada Baledweyne ee xarunta gobolka Hiiraan, kadib xaalad kacsanaan ah oo habeenkii xalay ahaa si weyn uga jirtay Baledweyne.

8/23/2021 4:57 AM EST
Isniin, Agoosto, 23, 2021 (HOL) - Maxkamadda ciiddamada qalabka sida ee Soomaaliya, ayaa saakay Cabdirisaaq Maxamed Cabdi Jimcaale oo lagu eedeeyay inuu katirsan yahay Daacish ku xukuntay 15-sano oo xabsi Ciiddan ah.

8/23/2021 3:18 AM EST
Isniin, Agoosto, 23, 2021 (HOL) - Maamulka Gobolka Bari ee Puntland ayaa sheegay in 48 saac ee soo socda ay jiraan roobab xooggan oo dabeeylo wata oo ku wajahan dhulka xeebaha ee Puntland.

8/23/2021 2:12 AM EST
Isniin, Agoosto, 23, 2021 (HOL) - Xildhibaan Cabdullaahi Goodax Barre oo la hadlaayay warbaahinta ayaa sheegay in masuuliyiin uu ugu horeeyo madaxweyne ku xigeenka Hirshabeelle Yuusuf Dabageed iyo siyaasiyiin dhowr ahaa oo dhawaan la tagay Baledweyne ay ku jiraan xaalad go'doon ah.

8/23/2021 1:13 AM EST
Isniin, Agoosto, 23, 2021 (HOL)- Wasiirka arrimaha gudaha Somaliland Maxammed Kaahin Axmed ayaa culimada Somaaliyeed ee ku sugan mu'tamarka ama shirwaynaha culimada Soomaalida, oo Hargaysa ka socda ka codsaday in ay u duceeyaan Soomaaliya.

8/23/2021 1:08 AM EST
Isniin, Agoosto, 23, 2021 (HOL) - Waxaa galinkii hore ee shalay soo gaaray caasimadda degaanka Soomaalida ee Jigjiga wafdi ka kooban xildhibaano ka socday dalka Kenya.