3/28/2024
Today from Hiiraan Online:  _
Wararka Maanta- Axad, Aug 15, 2021
Dhameystirka Doorashada Kuraasta Aqalka sare Xubnaha ku matalaya Koonfur Galbeed oo maanta ka dhaceysa magaalada Baydhabo
 

Axad, Agoosto, 15, 2021 (HOL) - Waxaa maanta lagu wadaa iney ka dhacdo magaalada Baydhabo ee xarunta gobolka Baay doorashada qeybtii u dambeysay ee tirsan Senatarada Aqalka sare ee Baarlamaanka Fedaraalka Soomaaliya.

Doorashada maanta ka dhaceysa magaalada Baydhabo ayaa ah sadax kursi oo ka harsaneyd 8-da kursi ee xubnaha Aqalka sare ku matalaya maamulka Koonfur Galbeed Soomaaliya, waxaana ku wada tartami doona ilaa lix Musharax oo uu ka mid yahay Xasan Xuseen Xaaji oo ah wasiirka Gaashaandhiga Xukuumadda Soomaaliya.

Magaalada Baydhabo waxaa si weyn looga dareemaya qabanqaabadii ugu dambeysay ee loogu diyaar garoobayo qabsoomida dhameystirka kuraasta Aqalka sare ee Baarlamaanka Soomaaliya ee deegaan doorashadoodu tahay Koonfur Galbeed.

Doorashada maanta ka dhaceysa Baydhabo ayaa maamulka goboleedka Koonfur Galbeed ka dhigeysa maamulkii labaad ee soo dhameystira doorashada Xildhibaanada Aqalka sare ee Baarlamaanka Federaalka ee Soomaaliya, waxaana maamulkii koowaad ee dhameystirtay doorashada kuraasta Aqalka sare noqday dowlad goboleedka Puntland.

Jamaal Cali Cabdi, Hiiraan Online
[email protected]












Click here
8/15/2021 4:41 PM EST
Axad, Agoosto, 15, 2021 (HOL) - Ra’iisul Wasaaraha Soomaaliya Maxamed Xuseen Rooble ayaa caawa kulan habka fogaan aragga kula qaatay madaxda dowlad Goboleedyada iyo guddoomiyaha gobolka Banaadir.

8/15/2021 12:08 PM EST
Axad, Agoosto, 15, 2021 (HOL) - Dowladda Soomaaliya ayaa dowladda Turkiga kala wareegtay gaadiid gaashaaman oo loogu talo galay ciidamada xoogga dalka Soomaaliyeed ee Gorgor, kuwaas oo ka caawinaya howlgallada ka dhanka ah kooxda Alshabab.

8/15/2021 11:15 AM EST
Axad, Agoosto, 15, 2021 (HOL) - Afhayeenka xisbiga Kulmiye Cabdinaasir Muxumed Xasan Buuni, ayaa sheegay in doorashada madaxtooyada Somaliland anay qabsoomaynin sanadka danbe madaama oo 10 kii sano ee sharcigu siinayay in ay shaqeeyaan xisbiyada hada jooga ay dhaamaanayso.

8/15/2021 8:49 AM EST
Axad, Agoosto, 15, 2021 (HOL) - Wasiirkii hore ee amniga Jubbaland, Cabdirashiid Janan oo maanta Muqdisho shir jaraa’id ku qabtay isagoo musharrax xildhibaan ah, ayaa beeniyay warar 24-saac ee lasoo dhaafay saxaafadda lagu faafiyay oo sheegayay inuu burburay heshiiskii uu dowladda la galay.

8/15/2021 7:26 AM EST
Axad, Agoosto, 15, 2021 (HOL) - Waxaa goordhaw lagu soo gabagabeeyay magaalada Baydhabo doorashada sadax kursi oo ka mid aheyd kuraasta Aqalka sare ee ka harsaneyd 8-da kursi ee Xildhibaanada Koonfur Galbeed ku matalaya Baarlamaanka Soomaaliya

8/15/2021 2:27 AM EST
Axad, Agoosto, 15, 2021 (HOL) - Guddoomiyaha guddiga hirgalinta doorashada heer federal Maxamed Xasan Cirro, ayaa sheegay in ay hab-raac cusub ee loo sameynayo dooorashada aqalka hoose si aanay saamayn ku yeelan doonin dowlad goboleedyada sida dhacday aqalka sare.

8/15/2021 2:14 AM EST
Axad, Agoosto, 15, 2021 (HOL) - Wararka ka imaanaya deegaanka Laankadawo oo ka mid ah deegaanada hoos yimaada magaalada Gaalkacyo ee xarunta gobolka Mudug ayaa sheegaya in halkaasi shalay galinkii dambe lagu dilay Macalin Dugsi Quraan.