3/28/2024
Today from Hiiraan Online:  _
Wararka Maanta- Sabti, Aug 14, 2021
Xiriirkii kubbada cagta Puntland oo is wada iscasilay kadib buuq hareeyay tartankii cayaaraha Puntland
 

Sabti, Agoosto, 14, 2021 (HOL) - Xiriirka kubbada cagta Puntland ayaa dhammaantood iska iscasilay xilkoodii kadib markii uu buuq iyo khilaaf hareeyeeyay tartankii kubbada cagta gobolada Puntland oo qarka u saarmay inuu fashilmo haatan.

Guddoomiyihii guddiga xiriirka kubbada cagta, Maxamed Cali Ciiise (Ciiro) ayaa ku sheegay sababta ay isku casileen in ay tahay, kaddib markii wasaaradda isboortiga ay faro galin ku sameysay go’aanno guddiga kasoo saareen tartanka inta uu socday.

Guddoomiyuhu wuxuu sheegay in ay wasaaraddu arrimo siyaasadeed iyo kuwa qabiil soo dhex galisay isboortigii, taasoo uu sheegay in ay kugo’aansadeen in ay faraha kala baxaan tartanka gabi ahaanba.

“Waxaan halkaan ka sheegaynaa in ay cayaarihii u istaageen markii ay wasaaradda isboortigu marin habaabin ku sameysay sharcigii u yaallay kubbada cagta,” ayuu yiri guddoomiye Ciiro.

Dhinaca kale, guddigu wasaaraddu u xilsaartay in ay xal ka gaaraan khilaafka ka dhextaagan tartanka, ayaa go’aamiyay in dib la isugu celiyo cayaartii dhex mari lahayd gobolada Nugaal iyo Sanaag, taasoo ahayd sababtii ay guddigu maanta isku casileen.

Guddiga ayaa horay u go’aamiyay in gobolka Nugaal la siiyo dhibcaha kulankaas, kaddib markii gobolka Sanaag ay diideen in ay la cayaaraan, iyagoo ka cabanayay mid kamid ah cayaartoydooda oo loo diiday inuu kulankaas ka qeyb qaato, kaddib markii xiriirku sheegay inuu haystay labo digniin (Labo jaalle).

Abdiweli M. Sheikh, Hiiraan Online












Click here
8/14/2021 2:10 PM EST
Sabti, Agoosto, 14, 2021 (HOL)- Hal qof ayaa ku nafwaayay 3 kalena way ku dhaawacmeen kadib markii gaadhi waaraad ah iyo gaadhi iska rogo ahi isku dhaceen duleedka bari ee magaalada Berbera.

8/14/2021 1:51 PM EST
Sabti, Agoosto, 14, 2021 (HOL) - Inta la ogyahay hal qof ayaa dhintay laba kalena waa ku dhaawacmeen is rasaasayn ka dhacday magaalada Adhi-cadeeye oo 30Km Laascaanood waqooyi kaga quman.

8/14/2021 9:12 AM EST
Sabti, Agoosto, 14, 2021 (HOL) - Golaha midowga musharraxiinta madaxweynaha Soomaaliya, ayaa maanta shir uga furmay magaalada Muqdisho, waxayna kaga hadlidoonaan arrimaha doorashooyinka ee haatan socda.

8/14/2021 6:32 AM EST
Sabti, Agoosto, 14, 2021 (HOL) - Waxa maanta oo Sabti ah guud ahaan degaanka Soomaalida ka dhacay banaanbaxyo waawayn oo lagaga soo horjeedo kooxda TPLF, Isla markaana lagu taageerayo Ciidamada Difaaca Qaranka Itoobiya.

8/14/2021 4:39 AM EST
Sabti, Agoosto, 14, 2021 (HOL) - Buuga Joogaha-maqan oo laga qoray noloshii iyo taariikhdii faneed ee abwaan Xasan Qawdhan Yuusuf, oo ahaa hal-abuur alifay qaar kamida heesaha iyo riwaayadaha ugu caansan uguna wanaagsan fanka Soomaaliyeed, ayaa lagu soo bandhigay Hargaysa.

8/14/2021 4:07 AM EST
Sabti, Agoosto, 14, 2021 (HOL) - Madaxweynaha dowlad goboleedka Galmudug Axmed Cabdi Kaariye Qoorqoor oo ka hadlaayay munaasabad lagu xusaayay sanad guuradii 15-aad ee maamulka Galmudug ayaa si adag uga hadlay dhaliilo loo jeediyay qaabkii ay u dhacday doorashadii qaar ka mid ah kuraasta Aqalka sare ee ka dhacday Dhuusamareeb.

8/14/2021 2:33 AM EST
Sabti, Agoosto, 14, 2021 (HOL) - Cudurka Covid19 ayaa si aad ah ugusoo labo kacleeyay deegaannada Puntland, iyadoo 24saac ee lasoo dhaafay ay magaalada Garowe oo kaliya ugu geeriyoodeen labo qof oo dhalinyarro ah halka kuwa kale ay ku jiraan qeybta xaaladdaha degdega ah.

8/14/2021 2:14 AM EST
Sabti, Agoosto, 14, 2021 (HOL) - Waxaa Shalay galinkii dambe ka degtay garoonka diyaaradaha Ugaas Khaliif ee magaalada Baledweyne diyaarad siday gaadiid nooca ay isticmaalaan ciidamada Booliiska Soomaaliya.

8/14/2021 1:41 AM EST
Sabti, Agoosto, 14, 2021 (HOL) - Madaxweynaha maamulka Koonfur Galbeed Cabdicasiis Xasan Maxamed Laftagareen ayaa soo saaray liiska xubnahii ka dhinaa doorashada kuraasta Aqalka sare ee deegaan doorashadooda tahay Koonfur Galbeed Soomaaliya.