12/9/2021
Today from Hiiraan Online:  _
Wararka Maanta- Khamiis, Aug 12, 2021
Doorashada Aqalka sare oo Maanta ka dhaceysa magaalada Dhuusamareeb iyo amaanka oo si weyn loo adkeeyay
 

Khamiis, Agoosto, 12, 2021 (HOL) - Waxaa maanta lagu wadaa in magaalada Dhuusamareeb ee xarunta gobolka Galgaduud ay ka bilaabato doorashada Xildhibaanada Aqalka sare ee Baarlamaanka Soomaaliya ku matalaya maamulka Galmudug.

Lix ka mid ah kuraasta Aqalka Sare ee  doorashadooda tahay Galmudug ayaa si rasmi ah waxaa maanta ugu wada tartami doono 12 Musharax oo u taagan ka mid noqoshada Baarlamaanka Aqalka Sare ee Soomaaliya.

Qaban qaabadii ugu dambeysay ee la xiriirta doorashada Aqalka sare ayaa si weyn looga dareemaya magaalada Dhuusamareeb oo si weyn loo adkeeyay amaankeeda guud.

Waxaa magaalada Dhuusamareeb ku sugan xubno kala duwan oo ka kala socda guddiyada doorashada heer Fedaraal, heer dowlad goboleed, guddiga Xalinta Khilaafaadka iyo masuuliyiin kale, kuwaas oo goob joogayaal ka noqonaya hanaanka ay u dhaceyso doorashada maanta ka bilaabaneysa magaalada Dhuusamareeb.

Maamulka Galmudug ayaa noqonaya maamulkii afaraad ee qabta doorashada Aqalka sare waxaana haray maamulka Hirshabeelle oo noqonaya maamulka ugu dambeeya inkatsoo wali maamulka uusan soo gudbin liiska Musharaxiinta kuraasta Aqalka sare ku matalaya.

Jamaal Cali Cabdi, Hiiraan Online
[email protected]












Click here
8/12/2021 12:45 PM EST
Khamiis, Agoosto, 12, 2021 (HOL) - Xisbiyada mucaaradka Somaliland ee Waddani iyo UCID, ayaa wasiirka gaashaandhiga Somaliland Cabdiqani Maxamuud Caateeye ku eedeeyay in uu xadhig u gaystay madaxdhaqameed iyo madax warbaahineed.

8/12/2021 11:17 AM EST
Khamiis, Agoosto, 12, 2021 (HOL)- Xukuumada Somaliland ayaa ku dhawaaqday in ay fasaxday isticmaalka lacagta 50 ka dollar ee Maraykanka oo ay xukuumadu hakad galisay isticmaalkeeda 18 February ee sanadkan kadib markii lacago been abuur ahi soo galeen Somaliland.

8/12/2021 11:13 AM EST
Khamiis, Agoosto, 12, 2021 (HOL) - Kadib markii gudoonka waxbarashada gobolka Sool iyo maamulka gobolku ay saaka tageen Dugsiga Boodhinka oo maalintii shalay rabshado ka dheceen ay ku guulaysteen in xaaladu caadi ku soo noqoto.

8/12/2021 8:48 AM EST
Khamiis, Agoosto, 12, 2021 (HOL) - Barlamaanka Galmudug ayaa soo gabagabeeyay qeybtii koowaad ee doorashada Senotarada Galmudug u matalaya barlamaanka aqalka sare, waxaana la doortay illaa 6 mudane oo labo kamid ah ay dumar yihiin.

8/12/2021 7:29 AM EST
Khamiis, Agoosto, 12, 2021 (HOL) - Sahra Axmed Mustaf oo haweenay Soomaaliyeed ayaa laga reebay tartanka doorashada kursiga Baarlamanka Federaalka ee xaafadda ay ku badan yihiin Soomalida ee dalka Australia.

8/12/2021 6:03 AM EST
Khamiis, Agoosto, 12, 2021 (HOL) - War kasoo baxay Ismaamulka Diridhabe ayaa lagu sheegay in lajaan gooyay qiimihii maciishada ee Diridhabe oo maalmihii lasoo dhaafay aad u kacsanaa.

8/12/2021 1:51 AM EST
Khamiis, Agoosto, 12, 2021 (HOL) - AMISOM ayaa sheegtay inay bilowday baaritaan ku aadan dhacdadii tuulada Golweyn ee gobolka Shabeelaha hoose, kaddib markii lagu eedeeyay askartooda in ay si bareer ah u laayeen dad shacab ah oo aan waxba galafsan.

8/12/2021 1:44 AM EST
Khamiis, Agoosto, 12, 2021 (HOL) - Raysal Wasaaraha Soomaaliya, Maxamed Xuseen Rooble ayaa sheegay in heshiis laga gaaray khilaaf soo kala dhex galay isaga iyo madaxweyne Farmaajo, oo ku kala aragti duwanaaday wada xaajoodka xukuumada.