3/29/2024
Today from Hiiraan Online:  _
Wararka Maanta- Khamiis, Apr 8 , 2021
Gabadh ganacsato ah oo cabasho ka muujisay laydhka magaalada Berbera
 

Khamiis, April, 8, 2021 (HOL) - Layla Maxamed Xirsi oo ah gabadh ganacsato ah, oo ku nool magaalada Berber, ayaa cabasho ka muujisay shirkada laydhka, iyado madaxweynaha ka codsatay in uu u ogolaado in ay shirkad laydh keento Berbera.

Layla ayaa sheegtay in ay lacagdhan 200 oo kun oo dollar ku wayday kadib markii uu laydhku gubay dhisme fooq ah oo ay ku leedahay magaalada.

“Qasaare aad u laxaadle ayaa fooqan ku dhacay, lacag 200 oo kun ah ayaa ku gubatay, laydhka ayaana gubay, waxanan ka cabanayaa qolada laydhka iyo xukuumada Berbera” ayay tidhi Layla.

Waxa kale oo ay sheegtay in wixi ka danbeeyay markii uu dhismaheedu gubtay uu maamulka Berbera diiday in laydh danbe lasiiyo, madama oo ay dacwad ka gudbisay shirkada laydhka ee Berbera.

“Cimaarada intaa leegi waa bilaa laydh, waxay yidhaahdeen madama oo aad na dacwaysay, wax laydh ah ma helaysid” ayay tidhi Layla.

Layla ayaa ka cabatay tacadi ay sheegtay in ay ku hayso dowlada hoose ee Berbara, waxayna madaxweynaha Somaliland ka codsatay in uu u ogolaado in ay shirkad laydh keento magaalada Berbera.

“qofkii yidhaahda meel baan dhisayaa waa laga dumiyaa, kii yidhaahda meel baan qurxinaya cagaf baa la galiyaa, kii yidhaahda meel baan hagaajinaya laydhka ayaa laga jaraa” ayay tidhi Layla.

“shaqaalihiina waan haystaa dhulkiina waan haysta  madaxweyne ogolaansho kaliya ayaan kaa doonaya, si aan u keeno warshad laydh oo madax-banaan” ayay hadalkeeda sii raacisay Layla.

Cabdiraxman Sh. Maxamed, Hiiraan Online
[email protected] 












Click here
4/8/2021 3:04 PM EST
Khamiis, April,, 08, 2021 (HOL) - War-saxaafadeed ka soo baxay beesha caalamka ayaa loogu baaqay hoggaamiyaasha Soomaaliya in Dib loo billaabo wadahadallada burburay ee gogol-xaadhka u ahaa kullamada lagu dhammeystirayo arrimaha doorashooyinka Dalka.

4/8/2021 11:19 AM EST
Khamiis, April,, 08, 2021 (HOL) - Waxaa Gudaha Cisbitaalka HCMC qabta Gargaarka Dagdaga ah isagu yimi Madaxda Cisbitaalka ,Dhaqaatiirta & Qaar ka mida Culumadda Minnesota , waxayna maanta daahfurayaan mashruuc qololka Cisbitaalka loogu dhajinayo waraaqo tilmaamayo dhanka qibladda salaada, waana markii ugu horeeysay ee cisbitaal ku yaal gobolka Minnesota & Maraykanka guudba uu sidaa sameeyey.

4/8/2021 10:56 AM EST
Khamiis, April, 8, 2021 (HOL) - Wasiirka Wasaarada shaqo-gelinta iyo arrimaha bulshada Somaliland Mustafe Maxamuud Cali, ayaa beeniyay sheegashada wasiirka arrimaha gudaha Puntland, ee ah in ay maamulan badiba gobolada Sool iyo Sanaag.

4/8/2021 9:10 AM EST
Khamiis, April,, 08, 2021 (HOL) - Guddoomiyaha gobolka Banaadir ayaa caddaalad darro ku tilmaamay in laga laabato go’aankii Puntland looga joojiyay in lasiiyo shahaadada dugsiyada sare iyagoo aan ka qeyb galin imtixaanka dowladda federalka.

4/8/2021 4:24 AM EST
Khamiis, April,, 08, 2021 (HOL) - Madaxweynaha Puntland Siciid Deni ayaa ku baaqay in madaxweyne Farmaajo lala taliyo, si uusan dalka gacantiisa ugu burburin, wuxuuna dhankooda sheegay in ay diyaar u yihiin wax kaste oo xal lagu heli karo.

4/8/2021 4:11 AM EST
Khamiis, April, 08, 2021 (HOL) - Wararka naga soo gaaraya magaalada gobolka Baay ayaa sheegaya in dulleedka magalada Baydhabo laga helay meydka labo carruur ah oo la sheegay in maalitii shalay la waayay.

4/8/2021 1:34 AM EST
Khamiis, April,, 08, 2021 (HOL) - Qoraal ka soo baxay midowga Musharixiinta ayaa looga hadlay war ku saabsan in uu fashilmay shirkii Afisiyooni maalmihii ugu danbeeyay uga socday madaxda Soomaalida, iyaga oo ku eedeeyay madaxweyne Farmaajo in uu isagu leeyahay mas'uuliyada fashilka shirka.

4/8/2021 1:13 AM EST
Khamiis, April,, 08, 2021 (HOL) - Wararka naga soo gaaraya gobolka Shabeellaha Dhexe ayaa sheegaya in xoogagga Ururka Al-shabaab weerar culus ku qaadeen subaxnimadii hore ee saakay barkootarool oo ay ku sugnaayeen ciidamada dowladda.