3/28/2024
Today from Hiiraan Online:  _
Wararka Maanta- Jimco, Apr 30, 2021
Puntland oo ku amartay inuu Garowe ka baxo weriye Cabdimaalik Muuse Coldoon
 

Jimco, April. 30, 2021 (HOL) - Puntland ayaa ku amartay inuu Garowe ka baxo weriye Cabdimaalik Muuse Coldoon oo arrimo samafal ah ka waday magaalada Garowe ee caasimadda Puntland.

Waxaa isaga lagasoo xigtay in ciidamo Booliis ah ay ugu tageen hotelka uu ka degen yahay magaalada Garowe iyagoo ku amray in uu dib ugu laabto Somaliland.

Lama sheegin waxa lagu haysto. Saraakiil katirsan booliiska Puntland oo aan la xidhiidhnay waxay ka gaabsadeen in ay tafaasiil ka bixiyaan sababta Cabdimaalik loogu amray inuu Garowe ka baxo.

Warar aan helnay waxay sheegayaan in Cabdimaalik lagu haysto qoraal uu Facebook kusoo qoray habeenkii la weerarayay xabsiga Bosaso, isagoo sheegay inuu ku diirsado marka uu maqlo maxaabiis xabsiga ka baxday.

Hadalkaas ayay dad badan u fasireen in Cabdimaalik uu taageersanaa maxaabiista Xabsiga ka baxsatay. Isagu laftiisu weli kama hadlin ujeedada hadalkaas.

Cabdimaalik Muuse Coldoon oo muddo sanad ka badan ku xirnaa xabsi ku yaal Somaliland, ayaa markii uu soo baxay, waxa uu sheegay in uu u qareemi doono dadka xabsiyada dulmiga ugu xiran.

Tallaabadii ugu horraysay uu qaaday waxay ahayd inuu u qareemo in xabsiga lagasii daayo nin muddo ka badan 20 sano u xirnaa mag.

Abdisalan Nur Dirie, Hiiraan Online












Click here
4/30/2021 3:57 PM EST
Jimco, April. 30, 2021 (HOL)-Iyadoo maalinta berri ah kulan aan caadi aheyn ay isugu imaanayaan xildhibaannada Golaha Shacabka ayaa dhinaca kale qoraal ka soo baxay midowga Mushariixiinta ayaa looga digay xildhibaannadda in ay qaataan go'aanno lagu dibindaabinayo xasilloonida iyo geeddi socodka doorashooyinka dalka

4/30/2021 3:44 PM EST
Jimco, April, 30, 2021 (HOL) - Warbixin ay soo saareen ciidamada dab-damiska Hargaysa, ayaa lagu sheegay in 12 baabuur uu daad ku qaday, 172 qof iyo 3 gaadhi na la bad baadiyay isla markaana uu khasaare soo gaadhay 18 guri.

4/30/2021 3:19 PM EST
Jimco, April, 30, 2021 (HOL) - Dooxa Hargaysa, ayaa qaaday baabuur u badan nooca Vitz ta loo yaqaano kadib markii uu roob laxaad lihi galabata ka da’ay Hargaysa iyo nawaaxigeeda.

4/30/2021 1:08 PM EST
Jimco, April, 30, 2021 (HOL) - Wufuud u badan madax-dhaqameed, Cuqaal iyo waxgarad ayaa soo gaadhey magaalada Laascaanood ka dib markii ay mudo laba todobaad ah ay ku sugnaayeen halka lagu magcaabo dhanar-dalool oo ka tirsan degmada Xuddun ee gobolka Sool.

4/30/2021 11:07 AM EST
Jimco, April, 30, 2021 (HOL) - Wasiirka deegaanka ee Somaliland Shukri X. Ismaaciil Boondare, ayaa sheegtay in ay la wareegayaan libaaxyada Cali Waran Cadde, isla markaana gaynayaan beerta xayawaanka lagu xanaaneeyo.

4/30/2021 6:45 AM EST
Jimco April, 30, 2021 (HOL) - Warar soo baxaya ayaa sheegaya in toddobaadka danbe dowladda Qatar Ergay gaar ah u soo direyso Soomaaliya, kaa oo ku magacaaban La Dagaalanka Argagixisada iyo Dhexdhexaadinta Khilaafyada.

4/30/2021 2:45 AM EST
Jimco, April, 30, 2021 (HOL) - Ciidamada booliska Somaliland, ayaa saakay toogtay libaaxi xalay ka baxsaday Beerta Libaaxyada ee Hargaysa, kaasi oo gabadh Itoobiyaan ah dhawac wayn u gaystay.

4/30/2021 2:13 AM EST
Jimco, April, 30, 2021 (HOL) - Siiyaasi Cali Waran Cadde, oo isagu leh libaaxyada xalay ku dhex baxsaday Hargaysa, ayaa sheegay in la qabtay midkamida labadii libaax ee baxsaday halka ka kalena wali uu baxsad yahay.

4/30/2021 1:41 AM EST
Jimco, April. 30, 2021 (HOL) - Odayaal iyo Waxgarad ka soo jeeda beesha Xawaadle oo kulan ku yeeshay magaalada Muqdisho ayaa ku eedeeyay guddoomiyaha Gobolka Mudug Cabdiladiif Muuse Nuur Sanyare iyo Taliyaha qeybta Booliiska gobolka Mudug Muumin Cabdi Shire in sifo aan sharci aheyn ay ku xirteen Maxamed Xaanshi Muumin oo ka mid ah ganacsatada gobolka Mudug.