10/19/2021
Today from Hiiraan Online:  _
Wararka Maanta- Arbaco, Sept 8 , 2021
Madaxweyne Farmaajo oo ka hor yimid xil ka qaadista Wasiirka Amniga Gudaha
 

Arbaco, September, 8, 2021 (HOL) - Madaxweynaha Soomaaliya Maxamed Cabdullaahi Farmaajo ayaa sheegay in xil ka qaadista Wasiirka Amniga Gudaha Xasan Xundubeey aysan ku imaanin sifo sharci ah, sidaas darteedna aysan dhaqan gal ahayn.

Madaxweynaha ayaa sheegay in aysan dhaqan gal ahayn xil ka qaadis kasta oo lagu sameeyo xubin ka tirsan Golaha Wasiirada Xukuumadda Federaalka Soomaaliya ilaa ay ku timaaddo si waafaqsan Dastuurka KMG ah ee dalka.

“Xil ka qaadista iyo magacaabista xubnaha Golaha Wasiirada ma aha dhaqan gal ilaa ay ku timaaddo hannaan waafaqsan Dastuurka Kumeel Gaarka ah ee dalka.” Ayuu yiri Madaxweynaha.

Madaxweyne Maxamed Cabdullaahi Farmaajo ayaa adkeeyay in shaqada laga doonayo haatan xukuumadda ay ahayd inay dhammeystirto doorashooyinka Goleyaasha Barlamaanka ee ka bilowday dalka, lagana sugayo sii joogtaynta hawlaha muhiimka ah ee horyaalla.

Warkan wuxuu soo baxay markii Ra’iisul wasaare Rooble, uu wasiirka amniga gudaha u magacaabay Xildhibaan Cabdullaahi Maxamed Nuur oo xiriir dhow la leh siyaasiyiinta iyo golaha mucaaraadka ee diiddan siyaasadda Madaxweyne Farmaajo.

Khilaaf u dhaxeeya Madaxweynaha iyo  Ra’iisul wasaaraha ayaa soo shaac baxay toddobaadkan, arrintaa oo salka ku heysa hoggaanka Hay’adda sirdoonka, qoraallo iska soo horjeeda ayaa labada xafiis baahinayeen. Xaaladan ayaa mar kale murjinaya iskudayadii lagu doonayay in Dalka doorasho ka dhacdo.

Abdisalan Nur Dirie, Hiiraan Online












Click here
9/8/2021 3:01 PM EST
Arbaco, September, 8, 2021 (HOL) - Ra'iisul Wasaare Rooble ayaa xilkii ka qaaday wasiirkii amniga xukuumadiisa Xasan Xundubay Jimcaale, isagoo xilkaas u magacaabay xildhibaan Cabdullaahi Maxamed Nuur oo mucaaradka katirsanaa.

9/8/2021 2:21 PM EST
Arbaco, September, 8, 2021 (HOL) - Afhayeenka xisbiga UCID Maxamed Bilaal, ayaa guddoomiyaha xisbiga Waddani Cabdiraxman Maxamed Cabdillaahi (Cirro), waydiiyay sababta keentay in uu erayga "dib u heshiisiinta Somaliland iyo Soomaaliya" ku dhex isticmaalo qoraal uu shalay soo dhigay bogiisa.

9/8/2021 2:10 PM EST
Arbaco, September, 8, 2021 (HOL) - Maxkamadda ciidamada qalabka sida ayaa qabatay dacwad ka dhan ah agaasimihii hore ee NISA Fahad Yaasiin, ku xigeenkiisii hore C/llaahi Kulane iyo Yaasiin Farey Taliyaha NISA ee Gobolka Banaadir.

9/8/2021 11:25 AM EST
Arbaco, September, 8, 2021 (HOL) - Afhayeenka Madaxtooyada Soomaaliya Cabdirashiid Xaashi Duqa ayaa war qoraal ah oo uu soo dhigay bartiisa Twitter-ka waxa uu sheegay in duulaan lagu yahay dowlada iyo shacabka Soomaaliya.

9/8/2021 11:03 AM EST
Arbaco, September, 8, 2021 (HOL) - Madaxweynaha Somaliland Muuse Biixi Cabdi, ayaa kulan ku saabsan horumarinta ganacsiga, Dekedda Berbera iyo kastamada la yeeshay masuuliyiin Ka Kala Socday Shirkadda TMEA, Xafiiska Horumarinta Mashaariicaha Uk Iyo Xafiiska Ingiriiska ee Somaliland.

9/8/2021 8:19 AM EST
Arbaco, September, 8, 2021 (HOL) - Ciidanka Booliiska Somaliland laanta socdaalka ayaa gacanta ku dhigay 5 nin oo u dhashay dalka Nigeria iyo nin sheegay in uu yahay Soomaali-Tansaaniyan, oo ciidanku sheegay in ay ku howlanaayeen samaynta lacago been abuur ah.

9/8/2021 7:49 AM EST
Arbaco, September, 8, 2021 (HOL) -Madaxweynaha Hirshabeelle Cali Gudlaawe Xuseen ayaa si rasmi ah usoo soo saaray Liiska Musharixiinta ku tartamaya 8 kursi ee Hirshabeelle ku leedahay barlamaanka Aqalka Sare.

9/8/2021 7:08 AM EST
Arbaco, September, 8, 2021 (HOL) - Xukuumada Somaliland ayaa ku dhawaaqday in ay shaqadii ka joojisay, isla markaana aqoonsigii kala noqotay 2372 urur oo ka howlgali jiray gudaha Somaliland, sababta shaqo joojinta ayay xukuumadu ku sababaysay in anay ahayn ururo shaqeeya oo tayo leh.

9/8/2021 5:45 AM EST
Arbaco, September, 8, 2021 (HOL) - Taliyihii hore ee hay’adda nabad sugida iyo sirdoonka qaranka ee NISA, Fahad Yaasiin Xaaji Daahir, ayaa xilka ku wareejiyay taliyaha cusub ee Ku-meel-gaarka ah ee NISA, Gaashaanle Sare Yaasiin Cabdullaahi Maxamuud (Farey).

9/8/2021 5:22 AM EST
Arbaco, September, 8, 2021 (HOL) - Kooxda Alshabaab ayaa shaacisay in weerarkii ismiidaaminta ahaa ee lagu qaaday saldhigga ciidamada dowladda ee Camaara uu fuliyay muwaadin kasoo jeeda dalka Kenya.

9/8/2021 2:32 AM EST
Arbaco, September, 8, 2021 (HOL) - Golaha Midowga Musharaxiinta madaxweynaha Soomaaliya ayaa si kulul uga hadlay magacaabis iyo xilka qaadis uu sameeyay madaxweyne Farmaajo.

9/8/2021 1:09 AM EST
Arbaco, September, 8, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble ayaa soo saaray qoraal jawaab u ah magacaabis iyo xilka qaadis uu xalay sameeyay madaxweyne Maxamed Cabdullaahi Farmaajo.