10/19/2021
Today from Hiiraan Online:  _
Wararka Maanta- Arbaco, Sept 8 , 2021
Afhayeenka xisbiga UCID "Garan mayno meel xisbiga Waddani dib u heshiisiinta ka keenay"
 

Arbaco, September, 8, 2021 (HOL) - Afhayeenka xisbiga UCID Maxamed Bilaal, ayaa guddoomiyaha xisbiga Waddani Cabdiraxman Maxamed Cabdillaahi (Cirro), waydiiyay sababta keentay in uu erayga "dib u heshiisiinta Somaliland iyo Soomaaliya" ku dhex isticmaalo qoraal uu shalay soo dhigay bogiisa.

Qoraal uu maalintii shalay guddoomiye Cirro bogiisa ku qoray oo uu ku sheegay in uu la kulmay ergayga gaarka ah ee dowlada Norway u qaabilsan "wadahalada iyo dib u heshiisiinta Somaliland iyo Soomaaliya", qoraalkaas oo bulshadu fal celin ka samaysay ayuu afhayeenku xisbigiisa ka fogeeyay isagoona guddoomiyaha waydiiyay sababta isticmaalkiisa.

"Anagu kala maanaan hadlin wax khuseeya dib u heshiisiin, shaqadayadana maaha, dowlada Soomaaliya ayaa had iyo gooraale dib u heshiisiinta ka dhigata qadiyad, anagu waddankaa waany kala tagnay, Soomaaliya iyo Somaliland waa laba waddan oo kala gaara, kama hadalo dib u heshiisiin, dib u heshisiintu waa dad is haya oo dib loo heshiisiinayo"

"Xisbiga Waddani halka uu ka kenay erayga "dib u heshiisiin" iyaga sheegi, gabadha safiirada ah kuma jirto shaqadeeda dib u heshiisiin iyo waxa xisbiga Waddani meel uu ka keenay garan mayno" ayuu hadalkiisa ku daray.

Qoraalka guddoomiye Cirro, ayaa ahaa "Waxa aan maanta Magaalada Hargeysa kulan la qaatay wefdi ka socda Dawladda Norway oo ay hoggaaminayso ergeyga gaarka ah ee dowladda Norway u qaabilsan arrimaha wada-hadalka, nabadda iyo dib u heshiisiinta Jamhuuriyadda Somaliland & Soomaaliya".

Abdilahi Abdirahman Mahamed, Hiiraan Online
[email protected]












Click here
9/8/2021 4:36 PM EST
Arbaco, September, 8, 2021 (HOL) - Madaxweynaha Soomaaliya Maxamed Cabdullaahi Farmaajo ayaa sheegay in xil ka qaadista Wasiirka Amniga Gudaha Xasan Xundubeey aysan ku imaanin sifo sharci ah, sidaas darteedna aysan dhaqan gal ahayn.

9/8/2021 3:01 PM EST
Arbaco, September, 8, 2021 (HOL) - Ra'iisul Wasaare Rooble ayaa xilkii ka qaaday wasiirkii amniga xukuumadiisa Xasan Xundubay Jimcaale, isagoo xilkaas u magacaabay xildhibaan Cabdullaahi Maxamed Nuur oo mucaaradka katirsanaa.

9/8/2021 2:10 PM EST
Arbaco, September, 8, 2021 (HOL) - Maxkamadda ciidamada qalabka sida ayaa qabatay dacwad ka dhan ah agaasimihii hore ee NISA Fahad Yaasiin, ku xigeenkiisii hore C/llaahi Kulane iyo Yaasiin Farey Taliyaha NISA ee Gobolka Banaadir.

9/8/2021 11:25 AM EST
Arbaco, September, 8, 2021 (HOL) - Afhayeenka Madaxtooyada Soomaaliya Cabdirashiid Xaashi Duqa ayaa war qoraal ah oo uu soo dhigay bartiisa Twitter-ka waxa uu sheegay in duulaan lagu yahay dowlada iyo shacabka Soomaaliya.

9/8/2021 11:03 AM EST
Arbaco, September, 8, 2021 (HOL) - Madaxweynaha Somaliland Muuse Biixi Cabdi, ayaa kulan ku saabsan horumarinta ganacsiga, Dekedda Berbera iyo kastamada la yeeshay masuuliyiin Ka Kala Socday Shirkadda TMEA, Xafiiska Horumarinta Mashaariicaha Uk Iyo Xafiiska Ingiriiska ee Somaliland.

9/8/2021 8:19 AM EST
Arbaco, September, 8, 2021 (HOL) - Ciidanka Booliiska Somaliland laanta socdaalka ayaa gacanta ku dhigay 5 nin oo u dhashay dalka Nigeria iyo nin sheegay in uu yahay Soomaali-Tansaaniyan, oo ciidanku sheegay in ay ku howlanaayeen samaynta lacago been abuur ah.

9/8/2021 7:49 AM EST
Arbaco, September, 8, 2021 (HOL) -Madaxweynaha Hirshabeelle Cali Gudlaawe Xuseen ayaa si rasmi ah usoo soo saaray Liiska Musharixiinta ku tartamaya 8 kursi ee Hirshabeelle ku leedahay barlamaanka Aqalka Sare.

9/8/2021 7:08 AM EST
Arbaco, September, 8, 2021 (HOL) - Xukuumada Somaliland ayaa ku dhawaaqday in ay shaqadii ka joojisay, isla markaana aqoonsigii kala noqotay 2372 urur oo ka howlgali jiray gudaha Somaliland, sababta shaqo joojinta ayay xukuumadu ku sababaysay in anay ahayn ururo shaqeeya oo tayo leh.

9/8/2021 5:45 AM EST
Arbaco, September, 8, 2021 (HOL) - Taliyihii hore ee hay’adda nabad sugida iyo sirdoonka qaranka ee NISA, Fahad Yaasiin Xaaji Daahir, ayaa xilka ku wareejiyay taliyaha cusub ee Ku-meel-gaarka ah ee NISA, Gaashaanle Sare Yaasiin Cabdullaahi Maxamuud (Farey).

9/8/2021 5:22 AM EST
Arbaco, September, 8, 2021 (HOL) - Kooxda Alshabaab ayaa shaacisay in weerarkii ismiidaaminta ahaa ee lagu qaaday saldhigga ciidamada dowladda ee Camaara uu fuliyay muwaadin kasoo jeeda dalka Kenya.

9/8/2021 2:32 AM EST
Arbaco, September, 8, 2021 (HOL) - Golaha Midowga Musharaxiinta madaxweynaha Soomaaliya ayaa si kulul uga hadlay magacaabis iyo xilka qaadis uu sameeyay madaxweyne Farmaajo.

9/8/2021 1:09 AM EST
Arbaco, September, 8, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble ayaa soo saaray qoraal jawaab u ah magacaabis iyo xilka qaadis uu xalay sameeyay madaxweyne Maxamed Cabdullaahi Farmaajo.