10/23/2021
Today from Hiiraan Online:  _
Wararka Maanta- Talaado, Sept 7 , 2021
Faysal Cali Waraabe "Somaliland haday shimbiri ku jabto Soomaali oodhan ayaa ka hadlaysa"
 

Talaado, September, 7, 2021 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa sheegay in Soomaalidu ay dacaayadayso Somaliland isla markaana ay buun buuniyaan qadiyadaha ka dhan ka ah, isagoo sheegay in ay adeegsadaan dad reer Somaliland ah.

"Warbaahiyayaashi cadowga ayaynu noqonay, haday shimbiri ku jabto Somaliland Soomaali oodhan ayaa ka hadlaysa, hada guryahoodi way wada xunyihiin inaga ka guri wanaagsan, waa xasad, inaga qaar inaga mida ayay isticmaalayaan" ayuu yidhi guddoomiyuhu.

Guddoomiyaha ayaa ku andacooday in dadka reer Somaliland anay ka hadlin waxyaabaha ka dhaca Soomaaliya, isla markaana wuxuu tusaale usoo qaatay dilka la sheegay in loo gaystay Ikraan Tahliil oo ka tirsanayd hay'ada nabad sugida Soomaaliya ee NISA oo uu sheegay in reer Somaliland anay ka hadlin.

"Hada inan baa jirta la waayay oo Ikraan la yidhaahdo oo reer Xamar ah, inan taaso qudha ayay sheegayaane waa 11 inta la waayay, miyaynu ka hadalnaa?, Jabuuti may ka hadashaa?, Jaabuuti maad aragteen? gaalo ayaa joogta, Jigjiga maad aragteen? gaalo ayaa joogta, Xamar iyada Liido oodhan ayaa lagu tuntaa, wax ka hadlaya maad aragteen?" ayuu yidhi guddoomiyuhu.

Guddoomiye Faysal ayaa sheegay in Somaliland nadiif ka tahay waxyaabaha khilaafsan diinta Islaanka, taasi oo ay kaga horayso Soomaalida Geeska Afrika, lakin dadka Somaliland dhaleeceeya anay taa arkin.

"Waddan keena oo nadiif ah oo qof timo qaawani aanu ku jirin, oo xashiish aan lagu cabin, oo khamrigu kontaraban kusoo galo, ayaa layna caayayaa, diintu markay Geeska Afrika imanaysay Saylac ayay kasoo gashee Xamar kamay soo galin" ayuu yidhi guddoomiyuhu

Faysal ayaa marar kala duwan qaybo kamid ah Soomaalida ku eedeeyay in ay ka been sheegaan isla markaana buun buuniyaan waxyaabaha ka dhaca Somaliland.

Abdilahi Abdirahman Mahamed, Hiiraan Online
[email protected]

    













Click here
9/7/2021 6:10 PM EST
Talaado, September, 7, 2021 (HOL) - Madaxweynaha Soomaaliya Maxamed Cabdullaahi Farmaajo ayaa aqbalay istiqaalo uu usoo gudbiyay Agaasimaha Nabad Sugidda iyo Sirdoonka Qaranka, Fahad Yaasiin, isagoo dhinaca kale u magacaabay la taliyaha amniga madaxweynaha.

9/7/2021 2:13 PM EST
Talaado, September, 7, 2021 (HOL) - Raysal wasaaraha Soomaaliya Maxamed Xuseen Rooble ayaa sheegay in loo diyaar garoobayo qabashada doorashada gobolada Waqooyi ee Somaliland, kadib heshiiskii dhawaan laga gaaray khilaafkii ka dhex taagnaa siyaasiyiinta kasoo jeeda deegaanadaasi.

9/7/2021 1:26 PM EST
Talaado, September, 7, 2021 (HOL) - Beesha Caalamka ayaa war saxafadeed kasoo saartay Khilaafka siyaasadeed ee ka dhashay kiiska Ikraan Tahliil Faarax oo ay hay'adda NISA sheegtay iney dileen Al-shabaab, iyadoona Shabaab ay iska fogeysay dilka Ikraan Tahliil.

9/7/2021 8:06 AM EST
Talaado, September, 7, 2021 (HOL) - Wararka haatan naga soo gaaraya magaalada Baledweyne ee xarunta gobolka Hiiraan ayaa sheegaya in ciidamo ka tirsan dowlada Soomaaliya ay u dhaqaaqeen deegaanka Kabxanleey oo ay ku dagaalamayaan laba Maleehiyo beeleed.

9/7/2021 7:59 AM EST
Talaado, September, 7, 2021 (HOL) - Wararka ka imaanaya gobolka Hiiraan ayaa sheegaya in barqanimadii maanta uu shil gaari oo khasaaare dhimasho iyo dhaawacba leh geystay uu ka dhacay inta u dhaxeysa wadada dheer ee xiriirisa Baledweyne iyo Maxaas.

9/7/2021 7:49 AM EST
Talaado, September, 7, 2021 (HOL) - Qoraal kasoo baxday Wasaarada Arrimaha Dibadda ee Kenya, ayaa lagu sheegay magacyada 4 masuul oo ay dowlada Kenya u magacowday xafiiska dibulumaasiyadeed ee ay ka furanayso caasimada Somaliland ee Hargaysa.

9/7/2021 4:38 AM EST
Talaado, September, 7, 2021 (HOL) - Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Cabdiwahaab Ugaas Xuseen Ugaas Khaliif oo booqasho ku jooga magaalada Qaahira ayaa kulan gaar ah la qaatay dhiggiisa dalka Masar, Maxamed Saafan, kulankaa oo uu goob-joog ka ahaa safiirka Soomaaliya ee Masar ahna wakiilka joogtada ah ee Jaamacadda Carabta, Ilyaas Sheekh Cumar.

9/7/2021 2:05 AM EST
Talaado, September, 7, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble ayaa kulan kula qaatay Xafiiskiisa taliyeyaasha ciidamada Qalabka sida iyo guddoomiye ku xigeenka koowaad ee Baarlamaanka Soomaaliya.

9/7/2021 1:53 AM EST
Talaado, September, 7, 2021 (HOL) - Kooxda Alshabab ayaa xalay tiro madaafiic ah ku weerartay saldhig ciidamada maamulka Puntland ku leeyihiin tuulada Af-urur oo qiyaastii 70km u jirta magaalada Bosaso.

9/7/2021 1:41 AM EST
Talaado, September, 7, 2021 (HOL) - Dowlad goboleedka Puntland ayaa raysal wasaaraha Soomaaliya ku boggaadisay tallaabadii uu shaqada kaga joojiyay agaasimihii hay’adda nabad sugida ee NISA, Fahad Yaasiin.

9/7/2021 1:16 AM EST
Talaado, September, 7, 2021 (HOL) - Raysal wasaaraha Xukuumadda Soomaaliya Maxamed Xuseen Rooble oo ka hadlay dagaalka ka socda deegaanka Kabxanleey ayaa ku baaqay in si deg deg ah u joojiyaan beelaha walaalaha ah ee deegaankaasi ku dagaalamaya.

9/7/2021 1:10 AM EST
Talaado, September, 7, 2021 (HOL) - Guddoomiyaha guud ee beelaha Dir Suldan Cabdiraxmaan Jaamac Dhawal, oo muuqbaahiyaha Saab kula hadlay xafiiska beesha ee magaalada Hargaysa, ayaa baaq nabadeed u diray beelaha ku dagaalamaya deegaanada Kabxanlay iyo Deefow ee gobolka Hiiraan.