10/19/2021
Today from Hiiraan Online:  _
Wararka Maanta- Axad, Sept 5 , 2021
Tiro Hoobiyeyaal ah oo xalay lagu garaacay magaalada Jowhar iyo maamulka Hirshabeelle oo war kasoo saaray
 

Axad, September, 5, 2021 (HOL) - Tiro hoobiyeyaal ah oo jugtooda laga maqlay guud ahaan xaafadaha magaalada Jowhar ayaa xalay lagu garaacay xaafado ka tirsan magaalada Jowhar ee xarunta gobolka Sh/dhexe.

Hoobiyeyaasha ayaa la sheegay iney ku dhaceen nawaaxiga madaxtooyada Hirshabeelle, sida xarumaha hay'adda UNICEF, Dugsiga Sheekh Xanafi iyo goobo kale oo ka tirsan xaafadaha Hantiwadaag iyo Horseed ee magaalada Jowhar.

Wasiirka Wasaaradda amniga maamulka Hirshabeelle oo ka hadashay hoobiyeyaasha xalay lagu  garaacay magaalada Jowhar ayaa sheegtay in ciidamada amniga ay ka hortageen hoobiyeyaal ay soo tuureen Al-Shabaab.

"Qaswadayaasha Al-Shabaab ayaa isku dayay ineey carqaladeyaan Amniga Caasimada Hirshabelle ee Jowhar kadib markii hoobiye kusoo tuureen, laamaha Amniga Hirshabelle oo heegan kujiray ayaa goobahii eey kasoo tuureen gaaray iyagoo halkaas ka firxaday qaswadayashii, goobahii eey kasoo tuurena waxaa hada jooga ciidanka, mana jiro qasaaro ka dhashay"ayuu yiri wasiirka amniga Hirshabeelle.

Habeen hore ayay aheyd markii weerar bambaano lagu qaaday xaafad ka tirsan Jowhar oo ay ku dhaawacmeen Xildhibaano ka tirsan Hirshabeelle waxaana falalkani amni daro ay kusoo beegmayaan xilli la filayo in dhawaan Magaalada ay ka billowdaan doorashada Xildhibaanada Aqalka Sare ee Baarlamaanka Soomaaliya.

Jamaal Cali Cabdi, Hiiraan Online
[email protected]












Click here
9/5/2021 8:03 PM EST
Axad, September, 5, 2021 (HOL) - Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble ayaa shaqada ka joojiyay Agaasimihii Hay’adda Nabad Sugidda iyo Sirdoonka Qaranka Fahad Yaasiin Xaaji Daahir, waxa uuna si KMG ah Agaasimaha guud ee NISA ugu magacaabay Sarreeye Guud Bashiir Maxamed Jaamac.

9/5/2021 3:15 PM EST
Axad, September, 5, 2021 (HOL) - Raysal wasaaraha Xukuumadda Soomaaliya Maxamed Xuseen Rooble ayaa maanta la kulmay qoyska Ikraan Tahliil oo uu qeyb ka ahaa Ugaaska Beesha ka dhalatay Ikraan Tahliil.

9/5/2021 1:18 PM EST
Axad, September, 5, 2021 (HOL) - Agaasimaha Hay’adda nabad-sugidda Qaranka, Fahad Yaasiin Xaaji Daahir ayaa ka soo jawaabay soo jeedintii Ra’iisul wasaaraha ee la xiriirtay in Hay’adda ay warbixin faahfaahsan ka keento dilka sarkaalka ka tirsaneyd hay’adda,Ikran Tahliil.

9/5/2021 10:02 AM EST
Axad, September, 5, 2021 (HOL) - Hay'ada Al-huda ayaa waxba kama jiraan ku tilmaantay eediihii macalin Baashe Aadan Haybe, ee ahaa in hay'ada oo uu la shaqaynayay mudo 15 sano ahi, ay u maleegtay shirqool dil ah, si aanu u helin xaquuq uu ku yeeshay mudadii uu la shaqaynayay oo uu doonayay in la siiyo.

9/5/2021 8:11 AM EST
Axad, September, 5, 2021 (HOL) - Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Cabdiwahaab Ugaas Xuseen Ugaas Khaliif ayaa ka qeybgalay furitaanka shir-weynaha Shaqada ee waddamada Jaamacadda Carabta oo maanta ka furmay magaalada Qaahira ee xarunta Dalka Masar.

9/5/2021 7:08 AM EST
Axad, September, 5, 2021 (HOL) - Xubnaha Guddiga Xalinta Khilaafaadka Doorashooyinka dalka ayaa maanta doortay guddoomiyaha cusub ee guddigaas, kadib doorasho ka dhacay Teendhada Afisyooni ee magaalada Muqdisho.

9/5/2021 6:47 AM EST
Axad, September, 5, 2021 (HOL) - Siyaasiyiinta gobolada waqooyi ee Somaliland oo ay kala hoggaaminayaan guddoomiyaha aqalka sare, Cabdi Xaashi iyo raysal wasaare ku xigeenka, Mahdi Guuleed ayaa heshiis rasmi ah ka gaaray arrimaha doorashada.

9/5/2021 2:08 AM EST
Axad, September, 5, 2021 (HOL) - Guddiga doorashooyinka heer Fedaraal ayaa soo saaray jadwal cusub oo la xariira doorashooyinka Xildhibaanada Golaha Shacabka iyo xubnaha ka haray Xildhibaanada Aqalka sare ee Baarlamaanka Soomaaliya.

9/5/2021 1:55 AM EST
Axad, September, 5, 2021 (HOL) - Guddiga doorashada heer dowlad goboleed ee Hirshabele ayaa warqad codsi ah u diray Madaxweynaha dowlad goboleedka Hirshabeele Cali Cabdullahi Xuseen inuu soo gudbiyo liiska musharixiinta utartamaya Aqalka Sare ee Baarlamaanka JFS.

9/5/2021 1:27 AM EST
Axad, September, 5, 2021 (HOL) - Safiirkii hore ee Estonia ee UK Tiina Intelmann ayaa loosoo magacaabay in ay hoggaamiso safaaradda Midowga Yurub ee Soomaaliya.