10/26/2021
Today from Hiiraan Online:  _
Wararka Maanta- Jimco, Sept 3 , 2021
Qaali Maxamuud Guhaad "Gabdheyda Shabaab ma dilin ee waa ku raad tirasho warka NISA"
 

Jimco, September, 3, 2021 (HOL) - Iyadoo Xalay ay shaacisay hay'adda Nabadsugidda Qaran Soomaaliyeed iney shabaab dileen Ikraan Tahliil Faarax oo mudo laba bilood ah warkeeda lagu waysana nolol iyo geeri.

Qaali Maxamuud Guhaad oo ah hooyada dhashay Ikraan Tahliil Faarax ayaa ku gacan seyrtay hadalka kasoo yeeray hay'adda NISA ee ah in gabadheeda dileen Al-shabaab.

"Gabadheyda Shabaab ma dilin mana joogin meel ay shabaab ka wadan karaan oo markii ugu wardambeysay waxaa soo wacay taliyaha NISA baabuur NISA leedahay ayaana lagu qaaday marka warka ah way dhimatay ee hay'adda NISA kasoo yeeray waa war ku raad tirasha ah oo aanan waxba ka jirin"ayay tiri hooyo Qaali Maxamuud Guhaad.

Hooyada dhashay Ikraan Tahliil ayaa sidoo kale sheegtay iney xiriiro kala duwan la sameeyeen meelaha ay ku sugan yihiin Al-shabaab oo ay ka baadi goobeen gabadheeda, balse Shabaabku ay cadeeyeen ineysan gabadhaasi gacanta u soo galin ayna dilin.

Qaali Maxamuud Guhaad ayaa ugu baaqday shacabka Soomaaliyeed iyo cid walba oo dareen leh iney u kacaan sidii ay cadaalad u heli laheyd gabadheeda oo wali aysan nolol iyo geeri midna lagu heynin, hay'adda Nabadsugidana ay xalay sheegtay in gabadhaasi dileen Al-shabaab.

Majirto war rasmi ah oo wali kasoo baxay dhanka Al-shabaab oo cadeyna iney dilka Ikraan Tahliil ayaga ka dambeeyaan marka laga soo tago qoraalka kooban ee NISA ku shaacisay in Shabaab dileen Ikraan Tahliil.

Jamaal Cali Cabdi, Hiiraan Online
[email protected]












Click here
9/3/2021 4:46 PM EST
Jimco, September, 3, 2021 (HOL) - Wararka nagasoo gaaraya magaalada Jowhar, ayaa sheegaya in caawa halkaas uu ka dhacay weerar Bombaano oo lagu weeraray guri ay deganaayeen Xildhibaano ka tirsan Baarlamaanka Hirshabelle.

9/3/2021 1:28 PM EST
Jimco, September, 3, 2021 (HOL) - Golaha Midowga Musharaxiinta madaxweynaha Soomaaliya ayaa ka dalbaday Raysal wasaaraha Xukuumadda Feradaalka Soomaaliya Maxamed Xuseen Rooble inuu qaado sadax talaabo oo la xiriirta kiiska dilkii Ikraan Tahliil Faarax.

9/3/2021 1:15 PM EST
Jimco, September, 3, 2021 (HOL) - Amb Baashe Cawil X. Cumar oo aha wakiilkii Somaliland ee dalka Kenya, oo shalay madaxweynaha Somaliland Muuse Biixi Cabdi u magacaabay wasiir ku xigeenka arrimaha dibada ee Somaliland, ayaa sheegay in uu iska casilay xilkii wasiir ku xigeen-nimo iyo kii wakiilka Somaliland ee Kenya.

9/3/2021 8:15 AM EST
Jimco, September, 3, 2021 (HOL) - Dableeydaan hubeysan ayaa goordhaw xaafada Howlwadaag ee magaalada Baledweyne waxay ka afduubteen wiil dhallinyaro ah oo lagu magacaabo Cabdiqafaar Xaaji Cumar.

9/3/2021 7:55 AM EST
Jimco, September, 3, 2021 (HOL) - Kulan uu madaxweynaha Somaliland Muuse Biixi Cabdi la yeeshay wasiirru-dowlaha arrimaha dibada Itoobiya Ridwan Xuseen, ayaa lagaga wada hadlay xidhiidhada ganacsiga , isticmaalka Dekedda Berbra ee Itoobiya iyo in la fuliyo heshiisyo labada dhinac horey u galeen.

9/3/2021 7:24 AM EST
Jimco, September, 3, 2021 (HOL) - Dagaalamayaasha Al-shabaab ayaa si cad u shaaciyay ineysan wax lug ah ku laheyn dilka Ikraan Tahliil Faarax oo ay Xalay hay'adda Nabadsugida Qaranka Soomaaliyeed sheegtay iney Al-shabaab dileen Ikraan Tahliil oo mudo laba bilood ah lagu weysanaa nolol iyo geeri horayna uga tirsaneyd hay'adda NISA.

9/3/2021 6:59 AM EST
Jimco, September, 3, 2021 (HOL) - Wararka naga soo gaaraya deegaanka Kudhaa ee gobolka Jubbada Hoose ayaa sheegaya in halkaasi aroornimadii hore ee saakay uu ka dhacay dagaal aad u xoogan oo dhexmaray ciidamada maamulka Jubbaland oo kaashanaya kuwa dowladda Soomaaliya iyo kuwa Al-shabaab.

9/3/2021 6:31 AM EST
Jimco, September, 3, 2021 (HOL)- Xogeeyaha arrimaha gudaha xisbiga Waddani Maxamed Faarax Cabdi, ayaa ku andacooday in isku shaandhayntii uu maalintii shalay madaxweynaha Somaliland Muuse Biixi Cabdi, ku sameeyay golaha wasiirada ay Somaliland ka dhigtay qoys.

9/3/2021 6:19 AM EST
Jimco, September, 3, 2021 (HOL) - Farshaxanku waa hibo Ilaahay qofka uu doono uu siiyo, iyadoo dadka farshaxanka ka shaqeeya ay yihiin intooda badan dad farshaxankooda ku muujiya xaaladda markaas taagan, iyagoo dhinaca kale ka qayb qaata wacyigalinta bulshada ee dhanka wanaagga.

9/3/2021 1:40 AM EST
Jimco, September, 3, 2021 (HOL) - Wararka ka imaanaya degaanka Buurane ee gobolka Sh/dhexe ayaa sheegaya in halkaasi qarax miino nooca dhulka lagu aaso ah lala beegsaday ciidamo ka tirsan kuwa AMISOM.

9/3/2021 1:29 AM EST
Jimco, September, 3, 2021 (HOL) - Hoggaamiyaha Xisbiga Wadajir ahna Musharax Madaxweyne Cabdiraxmaan Cabdishakuur Warsame ayaa si adag uga falceliyay hadalka kasoo yeeray hay'adda Nabadsugida Qaranka Soomaaliyeed ee ahaa in Ikraan Tahliil ay dileen Al-sbabaab.