12/2/2021
Today from Hiiraan Online:  _
Wararka Maanta- Jimco, Sept 24, 2021
Maxkamadda caddaalada adduunka oo maanta si rasmi ah u shaacisay waqtiga lagu dhawaaqayo xukunka dacwadda badda ee Soomaaliya iyo Kenya
 

Jimco, September, 24, 2021 (HOL) - Maxkamadda Caalamiga ah ee Caddaaladda, oo ah hay'adda ugu weyn ee garsoorka Qaramada Midoobay, ayaa go’aan ka gaari doonta kiiska xadeynta badda ee u dhexeeya Soomaaliya iyo Kenya 12 -ka Oktoobar, saacaddu markay tahay 4 -ta galabnimo xilliga Muqdisho.

Madaxweynaha maxkamadda ICJ, garsoore Joan E.Donoghue, ayaa akhrin doona go’aanka Maxkamadda, sida lagu sheegay war-saxafadeed kooban oo maanta lagu shaaciyay boggaga rasmiga ah ee maxkamadda ku leedahay internetka.

Iyadoo la eego faafitaanka COVID-19, maxkamaddu waxay sheegtay in kaliya Xubnaha Maxkamadda iyo wakiillada labada dowladdood ay ku sugnaanayaan hoolka Caddaaladdu ka dhacayso.

Maxkamaddu waxay kaloo sheegtay in diblomaasiyiinta, warbaahinta iyo dadweynaha ay awoodi doonaan inay go’aanka kala socon doonaan shabakaddaha internetka ee Maxkamadda, iyo baraha UNka.

Dhawaan dowladda Soomaaliya ayaa shaacisay in kiiska xukunka maxkamadda lagu dhawaaqidoono 12 ka bisha Octobar oo haatan ay ka harsan tahay wax yar 20 cishe.

Dowladdu rajo wanaagsan ayay ka qabtaa in ay ku guulaysan doonto kiiska badda oo ay muddo dheer soo jiitamayay.

 

Abdiweli M. Sheikh, Hiiraan Online












Click here
9/24/2021 4:15 PM EST
Jimco, September, 24, 2021 (HOL) - Wasiirka Wasaaradda Qorsheynta, Maal-gashiga iyo Horumarinta dhaqaalaha Dowlada Federaalka Soomaaliya Mudane Jamaal Maxamed Xasan ayaa kulan dadweyne oo ka dhacay bartamaha degmada Dhahar , wuxuu ka sheegay in degmada Dhahar iyo deegaannada ku dhow ay u baahanyihiin horumarinta adeegyada bulshada.

9/24/2021 4:00 PM EST
Jimco, September, 24, 2021 (HOL) - Galmudug ayaa sheegtay inay faraha ka laabatay dhexdhexaadinta ay ka dhex waday madaxweyne Farmaajo iyo raysal wasaare Rooble, kadib markii dhex-dhexaadintoodii waxba ka socon waayeen.

9/24/2021 9:49 AM EST
Jimco, September, 24, 2021 (HOL) - Qarax is-miidaamin oo uu geystay qof iskusoo xiray waxyaabaha qarxa ayaa goordhaw ka dhacay agagaarka isbitaalka Madiina ee magaalada Muqdisho.

9/24/2021 6:51 AM EST
Jimco, September, 24, 2021 (HOL) - Wasiirka Qorsheynta, Maal-gashiga iyo Horumarinta dhaqaalaha Soomaaliya, Jamaal Maxamed Xasan oo ku sugan Dhahar ayaa maanta dhagax dhiggay garoon diyaaradeed oo ay yeelanayso Dhahar, kaa horey sahmin loogu sameeyay.

9/24/2021 2:32 AM EST
Jimco, September, 24, 2021 (HOL) - Xildhibaan Yuusuf Xassan Cabdi oo ah xildhibaanka lagasoo doorto degmada Kamukunji ee magaalada Nairobi, ayaa sheegay in qof maskaxda ka xanuunsan uu ka dambeeyay cabsi shalay laga dareemay suuq kuyaalla xaafadda Islii oo la sheegay in qarax lagu xiray.

9/24/2021 2:09 AM EST
Jimco, September, 24, 2021 (HOL) - Wasiiru dowlaha madaxtooyada Galmudug Cumar Shido ayaa sheegay inuu fashil ku dhammaaday wada hadal maalmihi la soo dhaafay laga dhex waday Madaxweyne Farmaajo iyo Ra'isul Wasaare Rooble oo khilaaf weyni uu soo kala dhexgalay.

9/24/2021 1:54 AM EST
Jimco, September, 24, 2021 (HOL) - Wasiirka qorshaysanta Soomaaliya ahna xildhibaan katirsan aqalka hoose Jamaal Maxamed Xasan ayaa sheegay inuu guul daaystay qorshe la isku dayay in looga hor istaago deegaan doorashadiisa.