12/2/2021
Today from Hiiraan Online:  _
Wararka Maanta- Arbaco, Sept 22, 2021
Dowladda Soomaaliya iyo Midowga Africa oo diyaarinaya qorshaha ciiddamada AMISOM uga baxayaan dalka
 

Arbaco, September, 22, 2021 (HOL) - Dowladda Soomaaliya ayaa bilowday qorshe howleed ay kula wareegayso masuuliyadda ammaanka dalka, kadib marka ay ciiddamada AMISOM soo gabagabeeyaan waajibaadkooda.

Guddi Farsamo oo ka socda Dowladda iyo Midowga Africa, ayaa si wadajir ah ay u diyaarin doona qorshe howleed ku qotoma sidii dowladda Federaalka Soomaaliya ay ula wareegi lehayd amniga guud ee dalka,

Wasiirka gaashaandhigga Soomaaliya, Xasan Xuseen Xaaji oo ka hadlayay kulan arrintaan looga hadlayo oo ka socda Muqdisho, ayaa sheegay in qorshahan ay sida wadajirka ah u diyaariyaan DFS iyo Midowga Africa loo gudbin doono golaha ammaanka ee Qaramada Midoobay.

Wasiirku wuxuu sheegay in sannadka soo socda laga fekerayo qaabka ay ku joogi lahaayeen ciidanka AMISOM iyo sida ay uga qeyb qaadan lahaayeen in Alshabaab laga xorreeyo dhulka ay maamulaan.

“Waxaan rabnaa sannadka soo socda in ciiddamada Soomaaliya ay qaataan masuuliyadda ugu sarreysa ee ah in dalka laga xorreeyo Alshabaab iyo hoggaaminta arrimaha amniga,” ayuu yiri wasiirka gaashaandhigga.

Wasiirka gaashaandhigga wuxuu  sheegay in ay dowladda  doonayso in qorshaha iyo maskaxda lagu shaqeynayo uu yahay mid Soomaaliya ka yimaada, balse uusan ahaan mid midowga Afrika uu kasoo shaqeeyay.

Abdiweli M. Sheikh, Hiiraan Online












Click here
9/22/2021 3:32 PM EST
Arbaco, September, 22, 2021 (HOL) - Somaliland ayaa adduunka badan kiisa kala siman saamaynta mowjada saddexaad ee caabuqa Covid-19, daraasiin dad ah oo da'a walba leh ayuu isbitaalada dhigay, tirada dadka maalinba caabuqu soo rito, ayaa ah darajo cusub oo aanu caabuqu wali Somaliland ka gaadhin tan iyo markii kiiskii ugu horeeyay laga helay bishii March ee sanadkii 2020, waxaana jira dad u dhinta maalinwalba.

9/22/2021 10:03 AM EST
Arbaco, September, 22, 2021 (HOL) - Taliyihii hore ee Nabadsugida iyo Sirdoonka Qaranka Fahad Yaasiin oo shalay soo gaaray Muqdisho ayaa durba bilaabay inuu kulan la qaato qaar ka mid ah madaxda ugu sareysa dalka iyo taliyaasha ciidamada.

9/22/2021 9:35 AM EST
Arbaco, September, 22, 2021 (HOL) - War-saxaafadeed ay soo saartay Wasaarada Arrimaha dibada iyo Iskaashiga Caalamiga ah ee Somaliland, ayaa lagu sheegay in xukuumada Somaliland anay wax lug ah ku lahayn, doorashooyinka Soomaaliya, isla markaana anay waxba ka khusayn.

9/22/2021 9:26 AM EST
Arbaco, September, 22, 2021 (HOL) - Abwaan Yuusuf Cismaan Cabdille (Yusuf Shaacir) oo 3 bishii July ay dowlada Soomaaliya u magacowday xubin ka tirsan xeeldheerayaasha Akadamiyada Afka iyo Suugaanta ee Wasaarada Waxbarashada, ayuu hada Golaha Wakiilada Somaliland, u magacabay xubin katirsan guddida afka ee golaha.

9/22/2021 8:19 AM EST
Arbaco, September, 22, 2021 (HOL) - Wararka ka imaanaya deegaanka Hoosingoow ee gobolka Jubbada Hoose ayaa sheegaya inuu halkaasi ka dhacay maanta dagaal culus oo u dhaxeeya ciidamada Kenya iyo kuwa dagaalamayaasha Al-shabaab.

9/22/2021 8:14 AM EST
Arbaco, September, 22, 2021 (HOL) - Safaaradda Soomaaliya ee dalka Turkiga ayaa markii ugu horraysay ka hadashay ganacsato Soomaaliyeed oo lagu xirxiray dalka Turkiga, kuwaas oo ay markii dambe gacan ka geysatay siidayntooda.

9/22/2021 5:53 AM EST
Arbaco, September, 22, 2021 (HOL) - Wararka naga soo gaaraya magaalada Marka ee xarunta gobolka Sh/hoose ayaa sheegaya in goordhaw halkaasi uu ka dhacay qarax aad u xoogan oo laga maqlay inta badan xaafadaha magaalada Marka.

9/22/2021 5:42 AM EST
Arbaco, September, 22, 2021 (HOL) - Warar dheeraad ah ayaa kasoo baxaya weerar madaafiic ah oo dagaalamayaasha Al-shabaab ku qaadeen Saldhig ciidamada Kenya ku leeyihiin degmada Ceelwaaq ee gobolka Gedo.

9/22/2021 1:35 AM EST
Arbaco, September, 22, 2021 (HOL) - Madaxweynaha Soomaaliya Maxamed Cabdullaahi Farmaajo ayaa khudbad uu ka jeediyey Meertada 76-aad ee Golaha Guud ee Qaramada Midoobay waxa uu kaga hadlay Geeddi socodka arrimaha doorashooyinka Soomaaliya, Xakamaynta iyo ka soo kabashada cudurka COVID-19, Dardar gelinta iyo dib u habaynta Qaramada Midoobay, Ilaalinta deegaanka iyo isbeddellada cimilada adduunka.

9/22/2021 1:24 AM EST
Arbaco, September, 22, 2021 (HOL) - Guddiga doorashada Xildhibaanada labada Aqalka ee gobolada Waqooyi ee Somaliland ayaa soo saaray Jadwalka dooraashada kuraasta Aqalka sare xubnaha uga mid noqonaya Baarlamaanka Soomaaliya.