10/26/2021
Today from Hiiraan Online:  _
Wararka Maanta- Khamiis, Sept 2 , 2021
Maxaa ka jira in Ikraan Tahliil Faarax ay gacanta u gashay Alshabaab ayna dileen?
 

Khamiis, September, 2, 2021 (HOL) - Ilo katirsan hay’addaha sirdoonka Soomaaliya ayaa xaqiijiyay in Ikraan Tahliil Faarax oo ahayd gabadh katirsanayd hay’adda NISA oo muddo dhowr bilood ah la weysan yahay, ay gacanta u gashay kooxda Alshabab.

Sida ay sheegayso xogtan, Alshabab waxay Ikraan Tahliil la aadeen dhinaca tuulada Dhay-tubaako oo hoos tagta degmada Dhoobley ee Jubbada hoose, waxayna xogtu intaas kusii daraysaa in ay Alshabaab halkaas ku dileen.

Hay’adda NISA ayaa dhawaan sheegtay in ay soo bandhigayso macluumaad dhameystiran oo ku saabsan, sida loo watay, halka ay ku sugan tahay Ikraan Tahliil iyo sida ay ugu gacan gashay kooxda Alshabaab.

Qaali Maxamuud oo ah hooyada dhashay Ikraan, ayaa idaacadda VOA u sheegtay, in saraakiil katirsan NISA oo gurigeeda ugu yimid ay ku wargaliyeen in gabadheeda ay gacanta ugu jirto Alshabaab ayna dileen.

“Aniga, wiiil ayaa ii yimiday, wuxuu i dhahay,“ hooyo, gabadhii dhinaca Shabaabay jirtaa, meel Dhey-tubaako la dhahaayaa lagu sheegay. Marka meeshaasaa gabadhii joogtaa, ama wey dilaayaan, koley in ay dilaayaan ayay u badan tahay,” ayay tiri Qaali Maxamuud oo la hadlaysay VOA.

Hooyo Qaali Maxamuud waxay si adag u beenisay in gabadheeda ay gacanta ugu jirto Alshabaab, waxayna tilmaamtay in ay la xidhiidheen dad ku sugan dhulka Shabaab maamulo, kuwaas oo u sheegay inuu warkaas been yahay.

Maqnaashaha Ikraan iyo jawaab la'aanta hay'adda NISA ayaa abuurtay shaki weyn oo ku saabsan in Ikraan ay ku maqan tahay gacanta NISA.

 

Abdiweli M. Sheikh, Hiiraan Online












Click here
9/2/2021 1:10 PM EST
Khamiis, September, 2, 2021 (HOL) - Hay’adda NISA ayaa si rasmi ah daboolka uga qaaday in Ikraan Tahliil Faarax oo ahayd xubin ka tirsan Hay’adda Sirdoonka oo warkeeda la waysanaa ilaa 26/6/2021, la helay warbixin muujinaysa in ay u gacan gashay Alshabaab kadibna ay dileen.

9/2/2021 10:11 AM EST
Khamiis, September, 2, 2021 (HOL) - Madaxweynaha maamul goboleedka Hirshabeelle Cali Cabdullaahi Xuseen Guudlaawe ayaa maanta si rasmi ah u furay kalfadhiga labaad ee Baarlamaanka Hirshabeelle.

9/2/2021 9:43 AM EST
Khamiis, September, 2, 2021 (HOL) - Wafti uu hogaaminayo Wasiiru dowlaha wasaarada arrimaha dibada dalka Itoobiya Ridwaan Xuseen, ayaa soo gaadhay caasimada Somaliland ee Hargeysa.

9/2/2021 8:46 AM EST
Khamiis, September, 2, 2021 (HOL) - Madaxweynaha Somaliland Muuse Biixi Cabdi, ayaa xilkii ka qaaday 5 wasiir oo xukuumadiisa ka tirsana, 2 wasiir ku xigeen, wakiilkii Somaliland ee dalka Itoobiya, guddoomiyihii hay'ada shaqalaha iyo guddoomiyihii baanka dhexe, madaxweynaha ayaa sidookale isku badal sameeyay.

9/2/2021 7:14 AM EST
Khamiis, September, 2, 2021 (HOL) - Soomaali ku dhaqan magaalada Oslo ee dalka Norway ayaa ku guulaystay in ay badbaadiyaan wiil dhallinyaro ah oo Soomaali oo doonayay inuu mindi wax ku dilo.

9/2/2021 6:03 AM EST
Khamiis, September, 2, 2021 (HOL) - Magaalada Muqdisho waxaa maanta ku geeriyooday allaha u naxariistee ENG, Maxamed Cumar Saalixi oo xubin muhiim ka ahaa guddiga dacwada badda Soomaaliya iyo Kenya, sida ay xaqiijiyeen saraakiil ka tirsan dowladda Soomaaliya.

9/2/2021 4:25 AM EST
Khamiis, September, 2, 2021 (HOL) - Waxaa Xalay magaalada Muqdisho ku geeriyooday Fanaankii caanka ahaa ee Maxamed Aadan Shamuuri oo muddooyinkii dambe la sheegay inuu ku xanuunsanaayay magaalada Muqdisho.

9/2/2021 2:23 AM EST
Khamiis, September, 2, 2021 (HOL) - Dufcaddii ugu horreysay ee gabdho ka tirsan ciidanka Booliska gaarka ah ee Haramcad ee lagu soo tababaray Turkiga ayaa ka soo degay gegida dayuuradaha Aadan Cadde ee magaalada Muqdisho kaddib tababar boolis oo socday muddo bilo ah.

9/2/2021 1:55 AM EST
Khamiis, September, 2, 2021 (HOL) - Wasiir ku xigeenka arrimaha dibada Somaliland Liibaan Yuusuf Cismaan, oo waraysi siiyay M.M TV, ayaa xaqiijiyay in dowlada Maraykanku ay xukuumada Somaliland ka codsatay in qaxooti reer Afghanistan ah si ku meel gaadh ah loo dajiyo Somaliland.

9/2/2021 1:48 AM EST
Khamiis, September, 2, 2021 (HOL) - Wasiir ku xigeenka arrimaha dibada Somaliland Libaan Yuusuf Cismaan, ayaa waraysi uu siiyay M.M TV ku sheegay in anay jirin isbadalo ka socda Geeska Afrika, taa badalkeedana uu geesku ku jiro duruufo, duruufahas oo Somaliland oo kali ahi ka bad baaday.