10/21/2021
Today from Hiiraan Online:  _
Wararka Maanta- Khamiis, Sept 2 , 2021
Liiban Yusuf Cismaan "Geeska Africa isbadal kama socdee waxa ka jira duruufo"
 

Khamiis, September, 2, 2021 (HOL) - Wasiir ku xigeenka arrimaha dibada Somaliland Libaan Yuusuf Cismaan, ayaa waraysi uu siiyay M.M TV ku sheegay in anay jirin isbadalo ka socda Geeska Afrika, taa badalkeedana uu geesku ku jiro duruufo, duruufahas oo Somaliland oo kali ahi ka bad baaday.

Wasiir ku xigeen Liibaan oo ahna ku simaha wasiirku wuxuu sheegay in waddamo badani ku hirdamayaan Gacanka Cadan ee muhiim ka ah, isla markaana laysku dayay in Somaliland la gacan bidixeeyo laakin Somaliland ay ku guulaysatay in heshiis aanay kamid ahaynin ka shaqayn gacanka.

"Geeska Afrika isbadal kama socdee waxa jira duruufo uu Geeskan Afrika ku jiro, waxa kow ka ah Gacanka Cadan oo Somaliland loo samaystay ururo isla markaana ay Somaliland ku guulaysatay in urur anay ku jirin aanu ka hadal arrinka, Somaliland dekedeeduna waxay noqotay ta ugu casrisan ee gobolku majiiranayo" ayuu yidhi wasiir libaan.

Waxa kale oo uu sheegay in madaxda dowladaha Soomaaliya, Itoobiya iyo Eriteria isbahaysteen isla markaana uu madaxweyne Farmaajo isku dayay in uu Somaliland adduunka kasoo xidho, laakin uu noqday hami fashilmay. Wuxu inta ku daray in Somaliland tahay meesha kaliya ee doorasho xor ahi ka dhacday sandkii 2021.

"Waxa dhacay in saddex madaxweyne oo gobolka ahi isbahaysteen, oo Farmajo yidhi Somaliland meel kasta waan kasoo xidhay tiina way beenowday oo Somaliland meel walba way tagtay. Waxa la yidhi gobolka oodhan doorashooyin ayaa ka dhacaya sanadkii 2021, meesha kaliya ee Doorasho xor iyo xalaal ahi ka dhacday waa Somaliland" ayuu hadalkiisa ku daray.

Wasiirka ayaa sheegay in marka la eego dhacdooyinka isdaba joogay ee kadhacay  geeska, ay Somaliland si fiican uga dabaalatay oo ay tahay meesha kaliya ee ka gudubtay duruufaha "Meesha kaliya ee nabad ah Geeska Afrika, ee doorasho xor iyo xalaal ahi ka dhacday ee dhaqaalaheeduna dagan yahay maanta waa Somaliland" ayuu yiidhi.



Abdilahi Abdirahman Mahamed, Hiiraan Online
[email protected]












Click here
9/2/2021 1:10 PM EST
Khamiis, September, 2, 2021 (HOL) - Hay’adda NISA ayaa si rasmi ah daboolka uga qaaday in Ikraan Tahliil Faarax oo ahayd xubin ka tirsan Hay’adda Sirdoonka oo warkeeda la waysanaa ilaa 26/6/2021, la helay warbixin muujinaysa in ay u gacan gashay Alshabaab kadibna ay dileen.

9/2/2021 12:11 PM EST
Khamiis, September, 2, 2021 (HOL) - Ilo katirsan hay’addaha sirdoonka Soomaaliya ayaa xaqiijiyay in Ikraan Tahliil Faarax oo ahayd gabadh katirsanayd hay’adda NISA oo muddo dhowr bilood ah la weysan yahay, ay gacanta u gashay kooxda Alshabab.

9/2/2021 10:11 AM EST
Khamiis, September, 2, 2021 (HOL) - Madaxweynaha maamul goboleedka Hirshabeelle Cali Cabdullaahi Xuseen Guudlaawe ayaa maanta si rasmi ah u furay kalfadhiga labaad ee Baarlamaanka Hirshabeelle.

9/2/2021 9:43 AM EST
Khamiis, September, 2, 2021 (HOL) - Wafti uu hogaaminayo Wasiiru dowlaha wasaarada arrimaha dibada dalka Itoobiya Ridwaan Xuseen, ayaa soo gaadhay caasimada Somaliland ee Hargeysa.

9/2/2021 8:46 AM EST
Khamiis, September, 2, 2021 (HOL) - Madaxweynaha Somaliland Muuse Biixi Cabdi, ayaa xilkii ka qaaday 5 wasiir oo xukuumadiisa ka tirsana, 2 wasiir ku xigeen, wakiilkii Somaliland ee dalka Itoobiya, guddoomiyihii hay'ada shaqalaha iyo guddoomiyihii baanka dhexe, madaxweynaha ayaa sidookale isku badal sameeyay.

9/2/2021 7:14 AM EST
Khamiis, September, 2, 2021 (HOL) - Soomaali ku dhaqan magaalada Oslo ee dalka Norway ayaa ku guulaystay in ay badbaadiyaan wiil dhallinyaro ah oo Soomaali oo doonayay inuu mindi wax ku dilo.

9/2/2021 6:03 AM EST
Khamiis, September, 2, 2021 (HOL) - Magaalada Muqdisho waxaa maanta ku geeriyooday allaha u naxariistee ENG, Maxamed Cumar Saalixi oo xubin muhiim ka ahaa guddiga dacwada badda Soomaaliya iyo Kenya, sida ay xaqiijiyeen saraakiil ka tirsan dowladda Soomaaliya.

9/2/2021 4:25 AM EST
Khamiis, September, 2, 2021 (HOL) - Waxaa Xalay magaalada Muqdisho ku geeriyooday Fanaankii caanka ahaa ee Maxamed Aadan Shamuuri oo muddooyinkii dambe la sheegay inuu ku xanuunsanaayay magaalada Muqdisho.

9/2/2021 2:23 AM EST
Khamiis, September, 2, 2021 (HOL) - Dufcaddii ugu horreysay ee gabdho ka tirsan ciidanka Booliska gaarka ah ee Haramcad ee lagu soo tababaray Turkiga ayaa ka soo degay gegida dayuuradaha Aadan Cadde ee magaalada Muqdisho kaddib tababar boolis oo socday muddo bilo ah.

9/2/2021 1:55 AM EST
Khamiis, September, 2, 2021 (HOL) - Wasiir ku xigeenka arrimaha dibada Somaliland Liibaan Yuusuf Cismaan, oo waraysi siiyay M.M TV, ayaa xaqiijiyay in dowlada Maraykanku ay xukuumada Somaliland ka codsatay in qaxooti reer Afghanistan ah si ku meel gaadh ah loo dajiyo Somaliland.