10/23/2021
Today from Hiiraan Online:  _
Wararka Maanta- Isniin, Sept 13, 2021
Raysal wasaaraha Soomaaliya oo dalbaday in la dadejiyo doorashada Aqalka sare ee Somaliland
 

Isniin, September, 13, 2021 (HOL) - Raysal wasaaraha Soomaaliya Maxamed Xuseen Rooble ayaa kulan looga hadlaayay dardargelinta qabashada doorashada Aqalka ee goboladda Waqooyi la qaatay Raysal wasaare ku xigeenkiisa Mahdi Guuleed iyo guddoomiyaha Aqalka sare Cabdi Xaashi.

Waxaa kulanka sidoo kale qeyb ka ahaa guddiga doorashada gobolada Waqooyi ee Somaliland iyo guddoomiyaha maxakamada sare ee dalka.

Raysal wasaare Rooble ayaa ka dalbaday guddiga in si deg deg ah loo bilaabo doorashada Aqalka sare ee gobolada Waqooyi, maadama ay soo idlaadeen khilaafkii ka dhex taagna labada garab ee siyaasiyiinta Somaliland.

Raysal wasaaraha Soomaaliya ayaa sidoo kale sheegay in loo baahan yahay in la qabto doorashada Aqalka sare ee gobolada Waqooyi todobaadkan gudahiisa, maadama waqtigii loogu talo galay qabashada doorashada aqalka sare ay ka harsan tahay 5 maalin, taasoo ku beegan 18-ka bishan.

Dhawaan ayay ahayd markii ay shaaciyeen heshiis wada jir ah oo ay wada gaareen  guddoomiyaha Aqalka sare ee Baarlamaanka Soomaaliya iyo Raysal wasaare ku xigeenka dalka, kaasoo lagu soo afjaray khilaafkii adkaa ee ka dhex taagna labada dhinac ee ka dhashay arrimaha doorashada gobollada waqooyi ee Somaliland.

Jamaal Cali Cabdi, Hiiraan Online
[email protected]












Click here
9/13/2021 2:56 PM EST
Isniin, September, 13, 2021 (HOL) - Ciidamada Booliiska Somaliland, ayaa gacanta ku dhigay 200 oo xabo oo xayawaanka xamaaratada ah ee caasha badhida oo nin u dhashay dalka Masar uu doonayay in uu si sharci daro ah dibada ugu dhoofiyo.

9/13/2021 12:46 PM EST
Isniin, September, 13, 2021 (HOL) - Madaxweynaha dowladda Soomaaliya Maxamed Cabdullaahi Farmaajo ayaa magacaabay guddi qaran oo baaritaan ku sameeynaya kiiska Ikraan Tahliil Faarax.

9/13/2021 10:32 AM EST
Isniin, September, 13, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen rooble ayaa maanta kulan kula qaatay magaalada Muqdisho wasiirka Maaliyada Soomaaliya Guddoomiyaha Bangiga dhexe Xisaabiyaha guud ee dalka.

9/13/2021 8:16 AM EST
Isniin, September, 13, 2021 (HOL) - Wasiirrada arrimaha dibadda ee jaamacadda Carabta ayaa ku oggolaaday, kalfadhigoodii 156 -aad ee caadiga ahaa ee Qaahira inay taageerayaan doorashooyinka Soomaaliya dhaqaale & farsamo ahaan.

9/13/2021 7:42 AM EST
Isniin, September, 13, 2021 (HOL) - Waxaa si rasmi ah magaalada Jowhar ee xarunta gobolka Sh/dhexe uga bilaawday Khudbadaha ay jeedinayaan Musharaxiinta u tartamaya kuraasta Baarlamaanka Aqalka sare ee Soomaaliya oo ay deegaan doorashadooda tahay Hirshabeelle

9/13/2021 7:36 AM EST
Isniin, September, 13, 2021 (HOL) - Wada hadaladii u socday madaxweyne Farmaajo iyo raysal wasaare Rooble ayaa istaagay kadib markii habeen hore lagu guulaysan waayay in heshiis laga gaaro arrimaha la isku hayo.

9/13/2021 1:57 AM EST
Isniin, September, 13, 2021 (HOL) - Ku xigeenka xogayaha guud ee Qaramada Midoobay Amina Jane Mohamed oo shalay soo gaartay magaalada Muqdisho ayaa ka warbixisay kulamo kala duwan oo ay la qaatay madaxda dalka, sida Farmaajo, Raysal wasaare Rooble iyo madaxda golaha wadatashiga qaranka, inkastoo aysan faahfaahin dheeraad ah aysan ka bixin kulankii ay la qaadatay Farmaajo.

9/13/2021 1:38 AM EST
Isniin, September, 13, 2021 (HOL) - Wasiirka wasaarada waxbarashada Somaliland, Axmed Maxamed Diiriye (Toorno), ayaa sheegay in Somaliland ka dowladnimo wanaagsantahay 68 dal oo caalamka ku yaala.